فەستيۆال اياسىندا ساعات 12:00-21:00 ارالىعىندا 30-عا جۋىق قازىرگى زامانعى قازاقستاندىق ديزاينەر الاڭدا ورناتىلعان شوۋ-رۋمداردا وزدەرىنىڭ كيىم جيىنتىقتارىن كوپشىلىك نازارىنا ۇسىنادى.
ساعات 16:00-دەن 17:00-گە دەيىن بەلگىلى يميدجمەيكەر جاننا احمەتوۆا ستيل بويىنشا تەگىن شەبەرلىك سىنىبىن وتكىزەدى, ال make-up شەبەرلەرى ءمىنسىز ماكياج جاساۋ قۇپيالارىمەن بولىسەدى. ۆيزاجدان ساباققا ساعات 17:00-18:30 ارالىعىندا قاتىسۋعا بولادى.
فەستيۆالدىڭ شارىقتاۋ شەگى تانىمال ديزاينەرلەردىڭ اشىق اسپان استىندا وتەتىن ءساندى كيىمدەر كورسەتىلىمى بولماق. «EXPO FASHION FEST» شاراسىنا كەلۋشىلەر نازارىنا SAMIDEL, DeGuise, AYANA style, Avventurista, Ainel جانە Zhamili Kapanova ۇلتتىق برەندتەرى وزدەرىنىڭ سوڭعى كيىم ۇلگىلەرىن ۇسىناتىن بولادى. كورسەتىلىم ساعات 19.00-دە باستالادى.
ايتا كەتەيىك, ءساندى كيىم كورسەتىلىمىنەن باسقا فەستيۆالدى تاماشالاۋعا جينالعان قاۋىم قازاقستاندىق ەسترادا ارتيستەرىنىڭ جانە بي ۇجىمدارىنىڭ قاتىسۋىمەن ويىن-ساۋىق باعدارلاماسىن تاماشالايدى, سونداي-اق, ديزاينەرلەردەن سىيلىقتار مەن جۇلدەلەر ۇتىسىنا قاتىسادى.