سونداي-اق, تۇلكىباستىڭ برەندى بولىپ سانالاتىن الما باۋ شارۋاشىلىعى جىلدام قارقىنمەن دامىپ كەلەدى. اۋداندا قازىرگى تاڭدا 3077 گا باۋ القابى بولسا, ونىڭ ىشىندە قارقىندى باۋ كولەمى 230 گا. بەلگىلەنگەن جوسپارعا سايكەس, اۋداندا بيىلعى جىلى 356 گا جەرگە الما باۋ ەگىلسە, ونىڭ 115 گەكتارى قارقىندى باۋ. مۇنان بولەك, جىل باسىنان بەرى تۇلكىباستا 10-15 باسقا ارنالعان 251 بىرلىك شاعىن مال بورداقىلاۋ الاڭى مەن 5-10 باستىق 81 بىرلىك جانۇيالىق ءسۇت فەرماسى جانە 600 باستىق شاعىن قۇس فەرماسى اشىلدى.
تۇلكىباستاعى ءتۋريزمنىڭ دە كەيىنگى كەزدەرى كەڭگە قانات جايۋى كوڭىل قۋانتادى. جىل باسىنان بەرى وندا بىرنەشە دەمالىس ورىندارى اشىلعان. مىسالى, اۋدانداعى كەرەيت اۋىلىندا ءبىر مەزەتتە 1000 ادامدى قابىلداۋعا شاقتالعان وتباسىلىق دەمالىس كەشەنى اشىلسا, جاقىن كۇندەرى جاباعىلى ەلدى مەكەنىندە 70 ادامعا شاقتالعان «جايلاۋ» ەمدەۋ ساۋىقتىرۋ ورتالىعى مەن حالىقارالىق «باتىس ەۋروپا-باتىس قىتاي» جول بويىنان جولاۋشىلارعا ارنالعان سەرۆيستىك قىزمەت كورسەتۋ ورتالىعىن اشىلۋ جوسپارلانۋدا.
ال «نۇرلى جەر» تۇرعىن ءۇي باعدارلاماسى بويىنشا بەرىلگەن تاپسىرمالار بيىلدان ىسكە اسىرىلا باستايدى. تۇلكىباس اۋدانىندا بۇگىنگى تاڭدا 1322 وتباسى تۇرعىن ۇيگە كەزەككە تىركەلسە, ولاردى باسپانامەن قامتاماسىز ەتۋ ءۇشىن 2018-2020 جىلدارى 3 ەلدى مەكەندە - تۇلكىباس, ساستوبە پوسەلكەلەرىندە جانە ت.رىسقۇلوۆ اۋىلىندا 1472 پاتەرلى 28 تۇرعىن ءۇي سالۋ جوسپارلانىپ جاتىر.