جۇمىس كۇشى مول وبلىستاردان جۇمىس كۇشى تاپشى ايماقتارعا جۇمىسشى توبىن تارتۋ ماقساتىندا جۋىردا سولتۇستىك وڭىردەن ارنايى دەلەگاتسيا كەلىپ, تۇركىستاندىق تۇرعىندارمەن جەكە-دارا كەزدەسۋلەر وتكىزدى. ناتيجەسىندە, كوشىپ-قونۋ كەزىندەگى جاردەماقىلاردىڭ دەر كەزىندە تولەنەتىنىنە جانە جۇمىسپەن قامتىلىپ, باسپانالى بولاتىنىنا كوز جەتكىزگەن 60-تان استام وتباسى قونىس اۋدارۋعا نيەت بىلدىرگەن.
تۇركىستان قالالىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار ءبولىمىنىڭ ايتۋىنشا, بۇگىنگى تاڭدا 27 ادام, ونىڭ ىشىندە 10 ادام مەديتسينا سالاسى بويىنشا, 5 ادام ءبىلىم سالاسى بويىنشا, قالعاندارى تراكتوريست-مەحانيزاتور, اۋىل شارۋاشىلىعى سالاسى بويىنشا ءوتىنىش ءبىلدىرىپ وتىر ەكەن.
قونىس اۋدارۋشىلارعا مۇمكىندىك زور. قىزمەتتىك تۇرعىن ءۇي بولماعان جاعدايدا ازاماتتىڭ كوممۋنالدىق تولەمدەرى مەن باسقا دا شىعىندارى وتەلەدى. سۋبسيديا كولەمى ەكىباستۇز قالاسىنا باراتىندارعا 25 ايلىق ەسەپتiك كورسەتكiشپەن ەسەپتەلسە, جەلەزينسك اۋدانىندا 40 مىڭ تەڭگە كولەمىندە. ارنايى كەلىسىمگە سايكەس, 5 جىل بويى بۇكىل قاجەتتىلىكتەر قامتاماسىز ەتىلەدى.
«وسى باعدارلاما اياسىندا ءبىز بۇل وتباسىلارعا 35 ايلىق ەسەپتiك كورسەتكiش ستاۆكاسى بويىنشا سۋبسيديا ۇسىنامىز. ول ءار وتباسى مۇشەسىنە 79000 تەڭگەدەن دەگەن ءسوز. سونداي-اق قىزمەتتىك تۇرعىن ورىن نەمەسە ءۇي بەرىلەدى»,-دەدى ەكىباستۇز قالالىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار ءبولىمى باسشىسىنىڭ ورىنباسارى د.قۇرىمباەۆا.
ايتا كەتەيىك, سولتۇستىك ايماقتا دارىگەرلەر مەن فەلدشەرلەر تاپشى. سونىمەن قاتار, پەداگوگتار مەن ال اۋىل شارۋاشىلىعى ماماندارى: مەحانيزاتور, تراكتوريست سىندى جۇمىسشى تاپقا دا سۇرانىس جوعارى.