كەشە پروكۋرورلاردىڭ حالىقارالىق قاۋىمداستىعىنىڭ ورتالىق, شىعىس ەۋروپا جانە ورتالىق ازيا ەلدەرى ءۇشىن 6-شى وڭىرلىك كونفەرەنتسياسى اياسىندا قازاقستان رەسپۋبليكاسىنىڭ باس پروكۋرورى اسحات داۋىلباەۆتىڭ ساۋد ارابيا كورولدىگىنىڭ باس پروكۋرورى شەيح موحامماد بين فاحدپەن, البانيانىڭ باس پروكۋرورى ينا رامامەن, تۇرىك رەسپۋبليكاسىنىڭ باس پروكۋرورى حاسان ەربيلمەن, پروكۋرورلاردىڭ حالىقارالىق قاۋىمداستىعىنىڭ پرەزيدەنتى دجەيمس گاميلتونمەن, سونداي-اق مالايزيا باس پروكۋرورىنىڭ ورىنباسارى داتۋك يدرۋس بين حارۋنمەن ەكىجاقتى كەزدەسۋلەرى ءوتتى.
كەزدەسۋ بارىسىندا تاراپتار قاداعالاۋ ورگاندارىنىڭ قىزمەتىنىڭ قالىپتاسۋى مەن دامۋ تاجىريبەسى جايىندا ءوزارا اقپاراتتار الماسىپ, ەكىجاقتى ىنتىماقتاستىقتىڭ كەلەشەكتەرىن تالقىلاپ, قارىم-قاتىناس سالالارىن ودان ءارى دامىتۋعا جانە جالعاستىرۋعا مۇددەلىلىك تانىتتى.
اڭگىمەلەسۋشىلەر ازاماتتاردىڭ بوستاندىقتارى مەن قۇقىقتارىن قامتاماسىز ەتۋ, مەملەكەتتىڭ ەكونوميكالىق ءمۇددەلەرىن قورعاۋ, حالىقارالىق قۇقىق قورعاۋ تاجىريبەسىن ۇيرەنۋ اياسىنداعى قارىم-قاتىناستى نىعايتۋ تۇرعىسىندا فورۋمدى وتكىزۋدىڭ ماڭىزدى ەكەنىن اتاپ ءوتتى.
ا.داۋىلباەۆ قازاقستان رەسپۋبليكاسى باس پروكۋراتۋراسىنىڭ ايماقتىق ىنتىماقتاستىقتىڭ پارمەندى تەتىگى بولىپ تابىلاتىن پروكۋرورلاردىڭ حالىقارالىق قاۋىمداستىعى اياسىنداعى حالىقارالىق قاتىناستاردى دامىتۋعا ەرەكشە نازار اۋداراتىنىن اتاپ كورسەتتى, دەپ حابارلادى قازاقستان رەسپۋبليكاسى باس پروكۋراتۋراسىنىڭ ءباسپاسوز قىزمەتى.