بۇل تۋرالى استانا ەكونوميكالىق فورۋمى اياسىندا وتكەن «ورتا كىرىستىڭ تۇزاعى»: قازاقستان ءۇشىن ماسەلە» اتتى پانەلدىك سەسسيادا رەسەي عىلىم اكادەمياسىنىڭ اكادەميگى سەرگەي گلازەۆ ايتتى, دەپ حابارلايدى اbctv.kz.
ونىڭ سوزىنشە, بۇل ساياساتتىڭ بەنفيتسيارى – قارجى الىپساتارلارى. ەركىن اينىلىمداعى تەڭگە باعامى ارقىلى ينفلياتسيامەن كۇرەسۋ قيسىنسىز شارۋا.
«قازاقستان نارىعىندا الىپساتارلار باسىم بولىپ تۇر. رەسەي نارىعىندا ۆاليۋتانى ساتۋ-ساتىپ الۋ بويىنشا كەلىسىمنىڭ 90%-ى الىپساتارلارمەن جاسالادى. ەگەر ورتالىق بانك ۆاليۋتا باعامىن رەتتەۋمەن اينالىسپايتىن بولسا, وندا باعامدى الىپساتارلار قالىپتاستىرادى. ولار ۆاليۋتا باعامىن ايلا-شارعى ارقىلى, ياعني ونى بىرەسە ءتۇسىرىپ, بىرەسە كوتەرىپ, پايدا تابادى. وسىنداي جاعدايدا ۆاليۋتا باعامىن ۇستاپ تۇرۋ ءۇشىن وب جوعارى پايىزدىق مولشەرلەمەنى, قۇندى قاعازداردىڭ جوعارى تابىستىلىعىن ۇستاپ تۇرۋعا ءماجبۇر», – دەدى سەرگەي گلازەۆ.
ءسوز اراسىندا ول قارجى-الىپساتارلىق كوبىك قولدان جاسالاتىنىن ايتتى.
«شەتەلدىڭ الىپساتارلارى تابىستى ساناي باستاعاندا, نارىقتان كەرري ترەيد كەلە باستايدى, اقىر سوڭىندا مۇنىڭ بارلىعى قارجى نارىعىنىڭ قۇلدىراۋىنا, ۆاليۋتانىڭ قۇنسىزدانۋىنا جانە جاڭا ينفلياتسيالىق تولقىننىڭ پايدا بولۋىنا الىپ كەلەدى. وكىنىشكە قاراي, بۇل ساياسات حالىقارالىق الىپساتارلار قاۋىمداستىعىنان قولداۋ تاۋىپ وتىر. ولار وسى ساياساتتى ۇنەمى ماقتاي جونەلەدى. ءتىپتى وسىنى جاساعاندارعا ەڭ ۇزدىك بانكير اتاعى بەرىلۋدە. ال ەكونوميكا ءۇشىن بۇل ۇلكەن كۇيرەۋ», – دەدى رەسەي عىلىم اكادەمياسىنىڭ اكادەميگى.