ءوڭىر باسشىسىنىڭ قولىنان ماراپات العانداردىڭ قاتارىندا دەنساۋلىق ساقتاۋ سالاسىندا 54 جىل ەڭبەك ەتكەن 81 جاستاعى تۇرسىنبەك ورازاليەۆ, دارىگەر-ديەتولوگ, مەديتسينادا 45 جىلدىق ەڭبەك ءوتىلى بار روزا قۋاندىقوۆا, پەدياترياعا 44 جىلىن ارناعان جۇماباي ادەنوۆ پەن ناۋقاستاردى ەمدەۋدە جاڭا تەحنالوگويالاردى ەندىرۋگە اتسالىسقان راۋشان جىلقىشيەۆا, زەينەتكە شىقسا دا ءوڭىر مەديتسيناسىن دامىتۋعا ءالى دە اتسالىسىپ كەلە جاتقان «شىمكەنت قالاسى جانە ونتۇستىك قازاقستان وبلىسى ينتەرتيچ وتباسىلىق-دارىگەرلىك امبۋلاتوريا» جەكە مەكەمەسىنىڭ ديرەكتورى ماريا ءالجانوۆا بار.
سونداي-اق, ايماق باسشىسى ەمدەۋ-الدىن الۋ مەكەمەلەرىنە 29 سانيتارلىق كولىكتىڭ كىلتىن سالتاناتتى تۇردە تابىس ەتتى.
«ادام جانىنىڭ اراشاسى بولىپ تابىلاتىن دارىگەرلەردىڭ قوعامداعى ورنى ەرەكشە. دەنساۋلىق ساقتاۋ سالاسى – مەملەكەتتىك ساياساتتىڭ باسىم باعىتتارىنىڭ ءبىرى. سوندىقتان ءبىزدىڭ وبلىسىمىزدا بۇل سالاعا بولىنەتىن قارجى جىلدان جىلعا ارتىپ كەلەدى. سونىڭ ارقاسىندا ءبىزدىڭ مەديتسينالىق مەكەمەلەرىمىز ەڭ وزىق ۇلگىدەگى قۇرال-جابدىقتارمەن جابدىقتالىپ, ەمدەۋدىڭ ءتيىمدى تاسىلدەرى قولدانىلىپ كەلەدى.وبلىسىمىزداعى مەديتسينالىق ۇيىمداردىڭ سانيتارلىق اۆتوپاركىن جاڭارتۋ حالىققا كورسەتىلەتىن مەديتسينالىق كومەكتى ۋاقىتىلى جانە ساپالى قول جەتىمدىگىن ارتتىرادى دەپ سەنەمىن»-دەدى جانسەيىت قانسەيىت ۇلى.
جاڭا اۆتوكولىك ناۋقاسقا العاشقى كومەك كورسەتۋ ماقساتىندا بارلىق قۇرالدارمەن قامتاماسىز ەتىلگەن. ياعني, مەديتسينا قىزمەتكەرلەرىنىڭ بۇل اۆتوكولىكتەر ارقىلى ناۋقاسقا كەز كەلگەن جەردە العاشقى كومەك كورسەتىپ, ەمدەۋ جولدارىن باستاپ كەتۋ مۇمكىندىگى بار.
ايتا كەتەيىك, جەدەل جاردەم قىزمەتىنىڭ جانە العاشقى مەديتسينالىق-سانيتاريالىق كومەكتىڭ سانيتارلىق اۆتوپاركىن جاڭالاۋ بويىنشا جۇمىستار تۇراقتى تۇردە جۇرگىزىلۋدە. سوڭعى 5 جىلدا بيۋدجەت ەسەبىنەن العاشقى مەديتسينالىق-سانيتاريالىق جانە جەدەل جاردەم كومەگىنە 273 دانا سانيتارلىق اۆتوكولىك, ونىڭ ىشىندە 163 داناسى اۋىلدىق جەرلەرگە ساتىپ الىندى.
سانيتارلىق اۆتوكولىكتەر - وبلىسىمىزدا تاۋلىگىنە ەمحانالىق كومەككە قارالاتىن 34 مىڭ ادامعا, جەدەل مەديتسينالىق كومەككە جۇگىنەتىن 5 مىڭنان استام ادامعا – مەديتسينالىق قىزمەتتىڭ ساپاسىن جوعارلاۋىنا ءوز سەپتىگىن تيگىزەدى. وبلىس قولەمىندەگى مەديتسينالىق ۇيىمدار 1154 اۆتوكولىكپەن قامتىلعان, ونىڭ ىشىندە جەدەل جاردەم كومەگىندە 261 دانا سانيتارلىق اۆتوكولىك.