تورتكۇل دۇنيەنىڭ نازارىنداعى ەكسپو كورمەسىن زىريان اۋدانىنان ەڭ اۋەلى سپورتشىلار مەن مەملەكەتتىك قىزمەتشىلەر, اۋىلدىق وكرۋگ اكىمدەرى مەن ءبولىم باسشىلارى تاماشالايتىن بولادى.
ء«بىزدىڭ توبىمىزدا 32 ادام بار. ەكسپو ەلىمىز ءۇشىن عانا ەمەس, بۇكىل الەم جۇرتشىلىعى ءۇشىن ماڭىزى ۇلكەن شارا. 17 ماۋسىمدا اۋدانىمىزدان مۇعالىمدەر باستاعان 59 ادام جولعا شىعادى. وسىلايشا ءار اپتا سايىن, ياعني قىركۇيەك ايىنا دەيىن وقۋشىلاردى, ستۋدەنتتەر مەن كاسىپورىن قىزمەتكەرلەرىن ەلورداعا جىبەرىپ وتىرامىز. جالپى العاندا, اۋدانىمىزدان ەكسپو كورمەسىن تاماشالاۋعا 5 مىڭ ادامدى جىبەرۋ جوسپارىمىزدا بار», - دەيدى اۋدان اكىمىنىڭ ورىنباسارى سەرگەي وحرەمەنكو.
حالىقارالىق ماڭىزدى شاراعا اتتانعان زىرياندىقتاردى شىعارىپ سالۋ راسىمىنە اۋدان اكىمى نۇرجان توقسەيىتوۆ تە ارنايى قاتىسىپ, ساتتىلىك تىلەدى.
ازامات قاسىم,
«ەگەمەن قازاقستان»
شىعىس قازاقستان وبلىسى,
زىريان اۋدانى.