الەۋمەتتىك مەديتسينالىق ساقتاندىرۋ جايى ءتۇسىندىرىلدى

«نۇر وتان» پارتياسى ارقىلى تۇرعىندارعا ءمامس جۇيەسىن ەنگىزۋ بويىنشا ءتۇسىندىرۋ جۇمىستارىن وتكىزۋ, حالىقتىڭ قۇقىقتىق, اقپاراتتىق ساۋاتتىلىعىن ارتتىرۋ, سونداي-اق, الەۋمەتتىك قاراما-قايشىلىقتاردى شەشۋ, ونىڭ الدىن الۋ ماقساتىندا ۇيىمداستىرىلعان شارادا ءماجىلىس دەپۋتاتى زاۋرەش امانجولوۆا, دەنساۋلىق ساقتاۋ ۆيتسە-ءمينيسترى ءلاززات اقتاەۆا, ەڭبەك جانە حالىقتى الەۋمەتتىك قورعاۋ مينيسترلىگىنىڭ, «اتامەكەن» ۇلتتىق كاسىپكەرلەر پالاتاسىنىڭ وكىلدەرى باس قوستى. القالى ءماجىلىس بەينەكونفەرەنتسيا پىشىمىندە ءوتتى. وعان ەلىمىزدىڭ 16 ءوڭىرىن ەسەپكە العاندا 200-دەن استام ادام  قاتىستى. كەزدەسۋ بارىسىندا الەۋمەتتىك مەديتسي­نالىق ساقتاندىرۋ قورى جارناسىن تولەۋدەن ازاماتتاردىڭ 15 ساناتى, ياعني حالىقتىڭ الەۋمەتتىك از قامتىلعان توبى بوساتىلاتىنى ايتىلدى. ولاردىڭ قاتارىنا بالالار, بۇرىن «باتىر انا» اتاعىن العاندار, «ال­تىن القا», «كۇمىس القا» يەگەرلەرى, سون­داي-اق I جانە II دارەجەلى «انالىق داڭق» وردەنىمەن ماراپاتتالعان كوپ بالالى انالار, ۇلى وتان سوعىسى ارداگەرلەرى مەن مۇگەدەكتەرى, مۇگەدەكتەر جانە باسقا دا سانات­تاعى جاندار كىرەدى. – جوسپار بويىنشا بۇل باعدارلامامەن ەڭ ءبىرىنشى مەديتسينا سالاسىنىڭ قىزمەت­كەر­لەرىن, ەكىنشىدەن, جۇمىس بەرۋشى تۇلعا­لار­دىڭ نەگىزگى مىندەتتەرىن جان-جاقتى تۇ­سىن­دىرۋدەن باستادىق. ءاربىر ادام حقو-عا بارىپ, قاي ستاتۋسقا جاتاتىنىن بىلگەنى ءجون. الەۋ­مەتتىك جاعدايى بويىنشا, جۇمىس­سىز بولسا, تىركەلىپ, ارنايى قۇجات الۋدى ءتيىس, – دەدى ءماجىلىس دەپۋتاتى زاۋرەش امان­جو­لوۆا. بۇگىندە ء اربىر قازاقستاندىق 2018 جىل­دىڭ 1 قاڭتارىنا دەيىن الەۋمەتتىك مەدي­تسينالىق ساقتاندىرۋ  جۇيەسىندەگى ءوز مار­تەبەسىن  بەلگىلەپ الۋى كەرەك. سول كەزدە قيىن­دىققا تاپ بولعان جاعدايدا كىمنىڭ كو­مەگىنە ءبىرىنشى جۇگىنە الاتىندىعى بەلگىلى بو­لادى.   – وسى جىلدىڭ 1 شىلدەسىنەن باستاپ مەديتسينالىق ساقتاندىرۋ جۇيەسى ىسكە قوسىلاتىنى, ونىڭ قىر-سىرى جايلى بۇقارا حالىقتىڭ باسىم بولىگى حابارسىز ەكەنى بەلگىلى بولدى. وسىعان بايلانىستى «نۇر وتان» پارتياسىنىڭ باستاماسىمەن حالىققا ءتۇسىندىرۋ بويىنشا 45 مىڭنان استام جيىن وتكىزدىك. وعان 3 ميلليوننان استام حالىق قاتىستى. سونىمەن قاتار, ارنايى كىتاپشالار دا شىعاردىق, – دەدى رەسپۋبليكالىق قوعامدىق قابىلداۋ بولمەسىنىڭ مەڭگەرۋشىسى جۇماجان جۇكەنوۆ.