ول ءوز سوزىندە بالامالى ەنەرگيانى پايدالانۋ ماسەلەلەرىندە شەشىمدەردى بىرلەسىپ ىزدەستىرۋدىڭ ماڭىزدىلىعىن اتاپ ءوتتى.
ء«بىزدىڭ بارىمىزگە تۇراقتىلىق قاجەت. بۇگىندە ۋكراينا وسى تۇراقتىلىقتى پاش ەتۋگە جانە ءادىل باسەكەلەستىكتىڭ ارقاسىندا قازىرگى الەمدە جانە تۇراقتىلىق جاعدايىندا ينۆەستيتسيالاردىڭ قالاي جۇمىس ىستەپ جاتقانىن كورسەتۋگە دايىن. بۇگىنگى تاڭدا ۋكراينا بالامالى ەنەرگيا كوزدەردىن ەنگىزىپ قانا قويماي, سونىمەن بىرگە جەل مەن كۇن ساۋلەسىن بەلسەندى تۇردە پايدالانۋدا. سونداي-اق, ەكسپو-2017 كورمەسىنىڭ نەگىزگى مىندەتى جاسامپازدىققا - باعىتتالعان», - دەدى گەننادي زۋبكا.
ءوز كەزەگىندە قازاقستان رەسپۋبليكاسىنىڭ ەنەرگەتيكا ۆيتسە-ءمينيسترى باقىتجان جاقساليەۆ استانا قالاسىنىڭ كۇن, جەل, بيوگاز, تەڭىز جانە تەرمالدىق سۋلاردىڭ ەنەرگياسىن پايدالانۋ سالاسىنداعى ۇزدىك الەمدىك جوبالار مەن ترەندتەردى كورسەتۋگە ارنالعان ءتيىمدى الاڭعا اينالاتىنىنا سەنىمىن ءبىلدىردى.
«وسى جەردە بولاشاقتىڭ ەنەرگياسىن پايدالانۋ ماسەلەلەرىندەگى وزىق ۇلگىلەر كورسەتىلەتىن بولادى. بالامالى ەنەرگيانى ءوندىرۋ جانە تۇتىنۋ سالاسىنداعى سەرپىندى جانە كەلەشەگى بار جوبالار ۇسىنىلادى. ۋكرايندىق ماماندار ءبىز تۇراتىن عالامشاردىڭ ەكوجۇيەسىن ساقتاۋعا جانە جاسىل ەنەرگەتيكانى دامىتۋعا وزدەرىنىڭ سالماقتى ۇلەسىن قوسۋعا دايىن», - دەپ اتاپ ءوتتى باقىتجان جاقساليەۆ.
ەكسپو-2017 حالىقارالىق مامانداندىرىلعان كورمەسىنىڭ شەڭبەرىندە ۋكراينانىڭ ۇلتتىق كۇنىن مەرەكەلەۋ بارىسىندا ۇزىندىعى 30 مەتر ماتا سۇلگى تانىستىرىلدى.