قر اقپارات جانە كوممۋنيكاتسيالار ءمينيسترى داۋرەن اباەۆ «قازاقستاننىڭ 100 جاڭا تۇلعاسى» جوباسىن قولداۋعا دايىن قوعام بەلسەندىلەرىمەن كەزدەسۋ ۇيىمداستىردى. بۇل تۋرالى ول ءوزىنىڭ فەيسبۋكتەگى پاراقشاسىندا حابارلادى.
«مەن قوعامدىق باستاماسىز, تەك مەملەكەتتىك ورگانداردىڭ كۇشىمەن مۇنداي جوبانى ۇيىمداستىرۋدىڭ مۇمكىن ەمەستىگىن جاقسى بىلەمىن. سوندىقتان ماحاببات ەسەن, زينايدا پاك, پاۆەل كوكتىشەۆ, ارمان نۇرعازين جانە ەرجان باعداتوۆتارمەن بىرگە كوپشىلىككە تانىمال ەمەس پەرسپەكتيۆتى ازاماتتاردى ىزدەۋ جانە ولارعا قولداۋ تانىتۋ بويىنشا ازاماتتىق قوعاممەن ءوزارا ءىس-قيمىلدى جولعا قويۋ تۋرالى شەشىم قابىلداندى», - دەلىنگەن حابارلامادا. سونداي-اق, مينيستر توپتىڭ ازىرگە «بيۋرو 100» دەپ اتالعاندىعىن ايتادى.