كونگرەسكە «IDFashhion» حالىقارالىق تەلەارناسىنىڭ باس پروديۋسەرى ۆاسيلي كليمچۋك, «اتامەكەن» ۇكپ ىسكەر ايەلدەر كەڭەسىنىڭ ءتورايىمى لاززات رامازانوۆا, قازاقستان رەسپۋبليكاسى پرەزيدەنتىنىڭ جانىنداعى وتباسى جانە ايەلدەر ىستەرى جونىندەگى ۇلتتىق كوميسسياسى توراعاسىنىڭ ورىنباسارى لاززات سۇلەيمەن, مەملەكەتتىك ورگاندار مەن بيزنەس-قوعامداستىق وكىلدەرى قاتىستى.
«قازاقستان بيزنەس-يدەيالار جەرۇيعى» اتتى كونگرەسس «اتامەكەن» ۇكپ سەزى اياسىندا قازاقستان رەسپۋبليكاسى پرەزيدەنتىنىڭ جانىنداعى وتباسى جانە ايەلدەر ىستەرى جونىندەگى ۇلتتىق كوميسسياسى قولداۋىمەن وتكىزىلدى. كونگرەسس ماقساتى – ىسكەر ايەلدەردىڭ ەكونوميكا سالاسىنداعى مۇمكىندىكتەرىن كەڭەيتۋ بويىنشا سۇراقتاردى تالقىلاۋعا, ايەلدەردىڭ ەڭبەك نارىعىنداعى باسەكەلىگىن ارتتىرۋعا باعىتتالعان.
قازاقستان ىسكەر ايەلدەردىڭ ءىىى كونگرەسىندە «اتامەكەن» ۇكپ ىسكەر ايەلدەر كەڭەسىنىڭ ءتورايىمى لاززات رامازانوۆا وتاندىق بيزنەستەگى ىسكەر حانىمداردىڭ رولىنە توقتالىپ, ءجىو-دە ايەلدەر بيزنەسىنىڭ 40% ۇلەسى بار ەكەنىن ەرەكشە اتاپ ءوتتى.
ء«اربىر وڭىردە ىسكەر ايەلدەر كەڭەسى جۇمىس ىستەيدى. بۇگنىگى كونگرەسكە قاتىسىپ وتىرعان ىسكەر ايەلدەر, اسىرەسە ەلەمىزدىڭ ءار ايماعىنان كەلگەن قىز كەلىنشەكتەر ەر ادامدارمەن بىردەي جۇمىس اتقارىپ, بيزنەستەگى ءوز ورىندارىن ايقىنداي ءبىلدى. وبلىستاعى ىسكەر ايەلدەر ورتالىق پەن شالعاي ايماقتاردىڭ اراسىن بايلانىستىرۋشى. ىسكەر ايەلدەردىڭ باسىن قوسا وتىرىپ, 16 وڭىردە ىسكەر ايەلدەر كەڭەسى جۇمىس ىستەپ وتىر. وسى قىز-كەلىنشەكتەردىڭ قاتارىنا قوسىلامىن دەگەن ىنتالى جانداردى قۋانا شاقىرامىن», – دەپ لاززات رامازانوۆا.
كونگەرستە العاشقى سويلەگەن سپيكەر الما ارالباەۆا بيزنەس قۇرۋدىڭ ەرەكشەلىكتەرىن ايتىپ, ىسكەر نارىقتاعى ومىرشەندىك قاعيداتتارىن ءتىزدى.
«باسقارۋشىلىق – بۇل ونەر. ۋاقىتتى باسقارۋ – بولاشاقتى باسقارۋ دەگەنىمىز بيزنەسستى باقسارۋ, اقپاراتقا يە بولۋ. باسقا ادامداردىڭ ۋاقىتىن باعالاۋ, كومانداعا دۇرىس ادامداردى تاڭداي ءبىلۋ, وتباسى مەن جۇمىس اراسىندا تەڭگەرىمدى ۇستاي ءبىلۋ وتە ماڭىزدى. قوعامدا ايەل ىسكەر بولسا, ماڭساپ قۋسا, وتباسىن قۇرا المايدى نەمەسە باسقا ءىستى قۇربان ەتۋ كەرەك دەگەن پىكىر بار. بۇل پىكرىمەن كەلسىپەۋگە بولادى. ىسكەر ايەل تاماشا الىپ جۇرە الادى ەكى جاقتى دا, مەن ءوزىم بەس بالانى تاربيەلەپ وتىرمىن», – دەدى الما ارحاباەۆا.
سپيكەردىڭ ايتۋىنشا ىسكەرلىكتە نەگىزگى قاعيدا بار. ءبىرىنشىسى – ۋاقىت. ۋاقىتتى دۇرىس جۇمساۋ ارقىلى بيزنەستى دۇرىس قۇرۋ ماڭىزدى. ەكىنشىسى – قارجى. اقشاسىز ەكونوميكانى قالىپتاستىرۋ, جەكە بيزنەستى قۇرۋ مۇمكىن ەمەس. ءۇشىنشىسى – ءومىر ەنەرگياسى. دەنساۋلىق, پسيحولوگيالىق جاعدايدى ۇمىتپاۋ ءجون. ءتورتىنشىسى – تەڭگەرىم دەپ اتاپ ءوتتى. بيزنەستىڭ ءتورت اسىلى وسى.
بۇگىندە ايەلدەردىڭ وتاندىق بيزنەس ورتاداعى بەلسەندىلىگى شامامەن 50% قۇراپ, ەلىمىزدىڭ ءجىو قالىپتاسۋىنا 40% ۇلەس قوسىپ وتىر. قازاقستانداعى ايەلدەر كاسىپكەرلىگىنىڭ باسىم بولىگى قىزمەت كورسەتۋ سالاسىنا باعىتتالعان, سەرۆيستىك قىزمەت كورسەتۋدىڭ 63% ايەلدەرگە تيەسىلى, اۋىل شارۋاشىلىعىنداعى كاسىپتىڭ 53%-ىن نازىك جاندىلار باسقارادى.
ەلىمىزدىڭ شاعىن جانە ورتا كاسىپكەرلىكتى 697 355 (42%) ايەل باسقارادى. كاسىپكەرلىك سالاسىنا قارجىلاي ەمەس قولداۋ كورسەتۋ بويىنشا «اتامەكەن» ۇلتتىق كاسىپكەرلەر پالاتاسى كاسىپكەر ايەلدەرگە 17 666 سەرۆيستىك قىزمەت كورسەتسە, 45 501 اقپاراتتىق قولداۋ بىلدىرگەن.
«IDFashhion» حالىقارالىق تەلەارناسىنىڭ باس پروديۋسەرى ۆاسيلي كليمچۋك بيزنەس قۇرۋداعى مەديا مۇمكىندىكتەردى ايتتى. تەلەارنانىڭ باستى ميسسسياى – قازاقستاندىق ديزاينەرلەر ءوز قازانىندا عانا قايناۋدى توقتاتادى. ءبىز ولارعا ءسان الەمىنىڭ ۇلكەن نارىعىنا, فەشن كەڭىستىگىنە جول اشامىز. ۇلكەن ساۋدا الاڭىنا, سونىمەن قاتار كيىمدەردى كوپ مولشەردە ساتۋعا مۇمكىندىك بەرەتىن بايلانىستارعا شىعۋعا كومەكتەسەمىز. «IDFashhion» حالىقارالىق تەلەارناسى بۇل جاڭا مۇمكىندىكتەر, جاڭا تانىستار, جاڭا دەڭگەي», – دەدى تەلەارنا وكىلى.
ۇكپ ىسكەر ايەلدەرى كەڭەسىنىڭ ءىىى كونگرەسى ەكىنشى سەسسيالىق وتىرىسىندا «اتامەكەن» ۇكپ باسشىلىعىنىڭ وكىلدەرى قاتىسادى دەپ كۇتىلۋدە. ەكىنشى بولىمدە باسقا دا سپيكەرلەر بايانداما جاسايدى.