ساپار ماقساتى كورشى جاتقان رەسەيدىڭ چەليابى وبلىسىمەن بيزنەس-ىنتىماعىن كەڭەيتۋ, ەكسپورت ماسەلەسىن قاراپ, سىرتقى نارىقتىڭ تيىمدىلىگىن ارتتىرا ءتۇسۋ بولاتىن.
«باستى ماقسات ەكى جاقتى جوبالاردى جۇزەگە اسىرۋ, ىنتىماقتاسا جۇمىس ىستەۋدى دامىتۋ بولىپ وتىر. چەليابى وبلىسىنىڭ الەۋەتىن ءبىز پايدالانۋىمىز كەرەك. ول ارقىلى باسقا وڭىرلەرگە شىعاتىن بولامىز. وسى جولى چەليابيىلىكتەرمەن قىتاي نارىعىنا بىرلەسىپ شىعۋ ماسەلەسىن تالقىلادىق» دەدى وبلىس اكىمى ارحيمەد مۇحامبەتوۆ.
كورشى وبلىستار بارىنشا ەكونوميكالىق ءتيىمدى جۇمىس ىستەۋگە مۇددەلى. ەكى جاق كۇنباعىس مايىن ءوندىرۋ تۋرالى ءىرى جوبانى قاراستىردى. تەك قوستاناي وبلىسىندا وندىرىلگەن شيكىزات جەتىمسىز بولعاندىقتان, چەليابى وبلىسىمەن بىرلەسىپ جۇمىس ىستەۋ كەرەكتىگى ايتىلدى. ال چەليابى وبلىسىنداعى قايتا وڭدەۋ كاسىپورىندارىنا جەتىمسىز شيكىزاتتار قوستانايدان الىناتىن بولادى.
كەزدەسۋدە ەكى مەملەكەتتىڭ باسشىلارى قاتىسۋىمەن وتەتىن حىۇ وڭىرارالىق ەكونوميكالىق فورۋمعا دەيىن شەشىمىن تابۋعا ءتيىستى لوگيستيكا, بىرلەسكەن جارمەڭكەلەر, اۋىلشارۋاشىلىعىنداعى قۋاتتى جوبالار تۋرالى ماسەلەلەر دە قارالدى.
ءنازيرا جارىمبەتوۆا
«ەگەمەن قازاقستان»
قوستاناي