اتالمىش فەستيۆالدىڭ وتۋىنە ۇيىتقى بولىپ وتىرعان مەكەمە مادەنيەت جانە سپورت مينيسترلىگىنىڭ جاۋاپتى قىزمەتكەرى انارگۇل مۇباراكوۆانىڭ ايتۋىنا قاراعاندا, بۇل مادەني جوبانىڭ ماڭىزى – تۇركى تەكتەس حالىقتاردىڭ شىعارماشىلىق ءداستۇرىن ناسيحاتتاۋ جانە ءتۇبى ءبىر جۇرتتاردىڭ تۋىن كوتەرۋ ارقىلى تۋىسقان ونەر قايراتكەرلەرىنىڭ باسىن قوسۋ. وسى ءبىر ۇلى دالا مۇراگەرلەرى ونەر كورسەتەتىن كونتسەرتكە – قازاقستاندىق ەتنو انسامبل «تيگراحاۋد» جانە «الداسپان» توبى, وزبەكستاندىق ونەر قايراتكەرى كاسيم اببوسوۆ جەتەكشىلىك ەتەتىن «Aببوس», باشقۇرت باۋىرلارىمىزدىڭ «ارعىماق» ەتنو-روك توبى, ۆەنگريانىڭ تسىگان مۋزىكالىق موتيۆىنە نەگىزدەلگەن «Tilla Torok’s Band» توبىنىڭ سكريپكاشىلارى, تاتارستاندىق تالعات حاسەنوۆ باسقارعان ۇلتتىق-ءداستۇرلى ساز ۇجىمى, بۋرياتتىڭ «Namgar» جانە «Shono», تاجىكستاندىق «Avesto» توپتارى, قىزعىزستاندىق ءداستۇرلى ءانشى گۇلزادا رىسقۇلوۆا, تاۋلى التايدىڭ قىرىلداق كايچىلارى (جىرشىلارى) بولوت بايرىشەۆ پەن الەكسەي چيچاكوۆ, ءوزىمىزدىڭ كومەي-جىرشى ەدىل قۇسايىنوۆ جانە تىبالىق كومەيشى راديك تيۋليۋش باسقارعان «چالاما» توبى مەن 1996 جىلى مۇرات ەرتەل نەگىزىن قالاعان داب-مۋزىكا جانرىنىڭ ناسيحاتشىسى تۇركيالىق«Baba Zula» ۇجىمى قاتىسادى دەپ كۇتىلۋدە. جوعارىداعى ونەر ۇجىمدارى مەن مۋزىكالىق توپتاردىڭ قاي-قايسى دا حالىقارالىق دەڭگەيدە ونەر كورسەتىپ جۇرگەن تانىمال ونەر تارلاندارى. بۇلاردىڭ باسقا كاسىبي مۋزىكانتتاردان ايىرماشىلىعى – وزدەرىنىڭ بايىرعى بابالار مۇراسىن قايتا ءتىرىلتىپ, ونى قازىرگى زاماناۋي مۋزىكالىق ستيل – دجاز, روك پەن فانك قوسپاسى ارقىلى بايىتا بىلۋىندە. بۇل ونەر ۇجىمدارى قاتارىنان بەس كۇن كەشكى ساعات 17.00-دەن باستاپ «ەتنواۋىل» قالاشىعىندا ورنالاسقان 850 ورىندىق ەتنوميۋزيكل زالىندا كونتسەرت بەرەدى. «الەمگە اتى ءماشھۇر ەكسپو كورمەسى كەزىندە ەلوردادا ۇلى دالانىڭ ءداستۇرلى مۋزىكالىق فەستيۆالىنىڭ ءوتۋى مەرەكەلىك اتموسفەرانىڭ جاندانۋىنا ۇلكەن ۇلەس قوسادى», دەيدى شارانى ۇيىمداستىرۋشىلار.
سۋرەتتەردە: قازاقستاندىق ەتنو انسامبل «تيگراحاۋد»; تىبالىق كومەيشى راديك تيۋليۋش; قىرعىزستاندىق ءداستۇرلى ءانشى گۇلزادا رىسقۇلوۆا; باشقۇرتستاندىق «ارعىماق» توبى; وزبەكستاندىق «Aببوس» توبى
بەكەن قايرات ۇلى, «ەگەمەن قازاقستان»