تاۋ باسىنا ورمەلەگەن تانىمال سپورتشىمەن كەزدەسۋگە ەلىمىزدەگى الپينيزم شەبەرلەرى عانا ەمەس, اۋەسقويلار دا ىنتىق. سەبەبى بىرەۋ – ماقسۇت جۇماەۆ – الەمنىڭ سەگىز مىڭ مەترلىك بارلىق 14 شىڭىن باعىندىرعان العاشقى قازاق! ايتقانداي, الپينيست جۋىردا عانا ورالعان كارستەنس پيراميداسىنىڭ بيىگىنە شەككەن ساياحاتى مەن (Puncak Jaya شىڭى, جاڭا گۆينەيا ارالى, 4884 م, مۇحيت ارالدارىنىڭ جوعارى نۇكتەسى, ناۋرىز 2017) ء«ۇستىرت قۇپياسى» (اتتاس ءۇستىرت, باتىس قازاقستان, مامىر 2017) ساپارىنىڭ اسەرلەرى تۋرالى اڭگىمەلەدى. ماقسۇتتىڭ ايتۋىنشا, الپينيزم بەيعامدىق پەن سالعىرتتىقتى كوتەرمەيدى. «شىڭعا شىعىپ بارا جاتقاندا, كەز كەلگەن ۇساق-تۇيەك كەدەرگى كەلتىرىپ, ناتيجەسىندە قيىن جاعدايعا تاپ بولۋىڭىز مۇمكىن. سول ءۇشىن دايىندىق بارىسىندا وتە مۇقيات بولعان ءجون. مالىمەتتەردى جولداۋ جىلدامدىعى جوعارى بايلانىستى تاڭداپ, تومەن تەمپەراتۋراعا ءتوزىمدى ىقشام جابدىقتى العان دۇرىس. ەڭ باستىسى – باتارەيانىڭ قۋات سىيىمدىلىعى. مىناداي جاعدايلار ورىن الۋى مۇمكىن, سىزگە قۇتقارۋشىلاردى شاقىرۋ نەمەسە دارىگەرلەرمەن كەڭەسۋ قاجەت بولادى. ال تەلەفونىڭىزدىڭ قۋاتى تاۋسىلىپ قالعان جاعدايدا, سەنىمدى وپەراتوردىڭ قىزمەتىنە جۇگىنگەن ءجون», دەيدى.
ايناش ەسالي, «ەگەمەن قازاقستان»
الماتى