كونتسەرتكە قازاقستاننىڭ ەڭبەك سىڭىرگەن قايراتكەرى باعدات ءابىلحانوۆ (سكريپكا), ايسۇلۋ بايكەنوۆا (سكريپكا), ەرمەك قۇرماناەۆ (ۆيولونچەل), ەكاتەرينا لاپۋحينا (فورتەپيانو) جانە قازاقستاننىڭ ەڭبەك سىڭىرگەن قايراتكەرى, ماەسترو ابزال مۇحيتدينوۆتىڭ جەتەكشىلىگىمەن كامەرالىق وركەستر قاتىسادى.
- وركەسترانت-سوليست رەتىندە شەتەلدە جۇمىس ىستەيتىن مۋزىكانت دوستارىمىز وتە كوپ, ولار ءتۇرلى شىعارمالارمەن كونتسەرتتەردە ونەر كورسەتە الادى. وسى جولى ءبىز الەمگە ايگىلى التيست دەنيس كراسنوكۋتسكيدى شاقىردىق. بولاشاقتا ءبىز كامەرالىق زالدىڭ ساحناسىنا لوندون فيلارمونيا وركەسترىنىڭ سوليستەرى جانە باسقا دا تانىمال مۋزىكانتتارمەن بىرگە شىعۋدى جوسپارلاپ وتىرمىز. ءبىزدىڭ ماقساتىمىز – «استانا وپەرا» تەاترىندا ورىنداۋشىلىق دەڭگەيى جوعارى سوليستەردىڭ باسىن قوسىپ, كورەرمەندەرىمىزگە رۋحاني كەش سىيلاۋ. امەريكالىق كومپوزيتور ماۋريتسيو بينەن وسى جوباعا ارنايى سكريپكا, الت پەن وركەستر ورىندايتىن «يكەبانا» دەپ اتالاتىن تۋىندىسىن اكەلدى. امەريكالىق ىرعاقتا جازىلعان بۇل شىعارما ءبىزدىڭ تىڭدارمانداردى بەي-جاي قالدىرمايتىنى انىق. «مۋزىكالىق قيىلىس» كونتسەرتتەرىندەمۋزىكانتتار مىندەتتى تۇردە قازاق كومپوزيتورلارىنىڭ دا شىعارمالارىن ورىندايدى. بۇل جولى ءبىز كورەرمەن نازارىنا ع.جۇبانوۆانىڭ №1 كۆارتەتىتىن ۇسىنامىز - دەپ حابارلادى جوبانىڭ بىرلەسكەن اۆتورى ايسۇلۋ بايكەنوۆا (سكريپكا).
كونتسەرتتە شەتەلدىك كلاسسيك-كومپوزيتورلار – انري ۆەتان, استور پياتستسوللا جانە تاعى باسقا اۆتورلاردىڭ تۋىندىلارى, سونداي-اق, ۇلتتىق مۋزىكا شىعارمالارى دا ورىندالادى.
جەلتوقسان ايىندا جوبا اۆتورلارى باعدات ءابىلحانوۆ پەن ايسۇلۋ بايكەنوۆا سەربيا استاناسى بەلگرادتا جەكە كونتسەرت بەرەدى.