بۇگىن قازاقستان رەسپۋبليكاسىنىڭ جاڭا كونستيتۋتسياسىنىڭ قورىتىندى جوباسى جاريالاندى. جوبانىڭ 53-بابىندا قۇرىلتايدىڭ وكىلەتتىك مەرزىمى كورسەتىلگەن, دەپ حابارلايدى Egemen.kz.
«قازاقستان رەسپۋبليكاسىنىڭ قۇرىلتايى – زاڭ شىعارۋ بيلىگiن جۇزەگە اسىراتىن قازاقستان رەسپۋبليكاسىنىڭ جوعارى وكiلدi ورگانى. قۇرىلتايدىڭ وكىلەتتىگى ونىڭ ءبىرىنشى سەسسياسى اشىلعان كەزدەن باستالادى جانە جاڭادان شاقىرىلعان قۇرىلتايدىڭ ءبىرىنشى سەسسياسىنىڭ جۇمىسى باستالعان كەزدە اياقتالادى. قۇرىلتايدىڭ وكىلەتتىگى كونستيتۋتسيادا كوزدەلگەن جاعدايدا جانە بەلگىلەنگەن تارتىپپەن مەرزىمىنەن بۇرىن توقتاتىلۋى مۇمكىن. قۇرىلتايدىڭ ۇيىمداستىرىلۋى مەن قىزمەتى, ونىڭ دەپۋتاتتارىنىڭ قۇقىقتىق جاعدايى كونستيتۋتسيالىق زاڭدا ايقىندالادى», دەپ جازىلعان كونستيتۋتسيادا.
سونداي-اق قۇجاتتا قۇرىلتاي دەپۋتاتتارىنىڭ وكىلەتتىك مەرزىمى 5 جىل بولاتىنى جازىلعان.
«قۇرىلتاي ءبىرتۇتاس جالپىۇلتتىق سايلاۋ وكرۋگىنىڭ اۋماعى بويىنشا پروپورتسيالى وكىلدىك جۇيە نەگىزىندە كونستيتۋتسيالىق زاڭدا بەلگىلەنگەن تارتىپپەن سايلاناتىن ءبىر ءجۇز قىرىق بەس دەپۋتاتتان تۇرادى. قۇرىلتاي دەپۋتاتتارىنىڭ وكىلەتتىك مەرزىمى – بەس جىل», دەلىنگەن اتا زاڭ جوباسىندا.
ەسكە سالايىق, بۇگىن جاڭا كونستيتۋتسيانىڭ قورىتىندى جوباسى جاريالاندى.
اتا زاڭ تۇپنۇسقاسى تۇڭعىش رەت مەملەكەتتىك تىلدە دايىندالدى