كورشىلەرىمىزگە باۋىر باسىپ كەتكەنىمىز سونشا, ولار ءبىزدىڭ ۇلتىمىزدىڭ يران ەكەنىن ۇمىتىپ كەتەتىن. كەيبىر ەتنوستاردىڭ ءتىل ۇيرەنۋ قيىن دەگەنىنە سەنبەيمىن. ءبىز قازاق حالقىنىڭ ورتاسىندا انا ءتىلىن تەز ۇيرەندىك. اكەم ۇنەمى تاتۋلىق, كورشى پارىزى, ەلدىڭ قادىرى جونىندە ايتىپ وتىراتىن. قازاقتىڭ قاسيەتىن بويلارىڭا ءسىڭىرىپ, باۋىرمالدىعى مەن دارحان مىنەزىنەن ۇلگى الىڭدار دەيتىن. قازىر اكەمنىڭ ءالى كۇنگە وسيەتىن ورىنداپ, بەرىك ۇستانىپ كەلەمىن. مەن ىنتىماعى مەن بىرلىگى جاراسقان, قازاقستاندا ونىڭ ىشىندە سالت-ءداستۇرى ساقتالعان وڭتۇستىكتە تۇرىپ جاتقانىمدى ماقتان ەتەمىن.
قيلى-قيلى زامانداردا ءتۇرلى تاعدىرمەن قازاق ەلىنە قونىس اۋدارعان يراندىقتاردى قازاق حالقى جاتسىنعان جوق. قۇشاق جايا قارسى الدى. قىسىلتاياڭ شاقتا شىنايى جاناشىرلىق تانىتتى. قازاقستانعا يران ۇلتى وكىلدەرى ءۇش تولقىنمەن كەلگەن. العاشقى تولقىنى توӊكەرىس كەزەӊىندە, ەكىنشى تولقىنى 30-شى جىلدارداعى اشتىق داۋىرىندە مال ايداپ كەلىپ, ساۋدالاپ ءجۇرىپ تۇراقتاپ قالادى. ال ءۇشىنشى تولقىنى ۇلى وتان سوعىسىنان كەيىن كەلگەندەر ەكەن.
بۇگىندە وڭتۇستىكتە 5 مىڭعا جۋىق يران حالقىنىڭ وكىلى بار. ولاردىڭ كوبىسى بايدىبەك, سارىاعاش, تولەبي, قازىعۇرت اۋداندارىندا شوعىرلانعان.
قازاقستانعا ساياسي قۋعىن-سۇرگىنمەن كەلگەن ۇلت دياسپورالارى بىرىگىپ «قازاق ەلiنە مىڭ العىس!» مونۋمەنتiن تۇرعىزدى. بiرi قۋعىنعا ۇشىراپ, بiرi جەر اۋدارىلىپ كەلگەن ەتنوستار تورىنەن ورىن بەرگەن قازاق حالقىنا ايتار العىسى شەكسىز.
نۇرسبەك كاپار-پۋر, يران ەتنومادەني بىرلەستىگىنىڭ توراعاسى وڭتۇستىك قازاقستان وبلىسى