اقتاۋداعى زياتكەرلىك مەكتەپ العاشقى تۇلەكتەرىن ۇشىردى

مەرەكەلىك جيىندا ءسوز العان وبلىس اكىمى بارلىق وقۋشىلاردى وقۋ جىلىنىڭ اياقتالۋىمەن قۇتتىقتاپ, جاڭا زامان تالاپتارىنا ساي ءبىلىم الىپ جاتقان كوشباسشىلار مەكتەبىنىڭ وقۋشىلارىنا جىلى لەبىزىن ءبىلدىردى.  ءبىلىم ورداسىن بيىل 2-ورىس, 3-قازاق ءتىلدى - بارلىعى 5 سىنىپ ءبىتىردى. مەكتەپپەن قوشتاسقان 87 تۇلەكتىڭ 14-ءى التىن بەلگىگە, 4-ەۋى ۇزدىك اتتەستاتقا ءۇمىتتى. 12 سىنىپ وقۋشىلارى تاڭداۋ پاندەرى بويىنشا سىرتقى جيىنتىق باعالاۋ ەمتيحاندارىن, اعىلشىن ءتىلى دەڭگەيىن انىقتايتىن حالىقارالىق ءىELTS ەمتيحانىن تاپسىردى.  تۇلەكتەردىڭ بيىلعى وقۋ جىلىندا جەتكەن جەتىستىكتەرى دە از ەمەس. 12-سىنىپ وقۋشىلارى توميريس ساعىنباي, ساتتىعالي جولداسباي, ازيزا البەتوۆا - گونكونگ پوليتەحنيكالىق ۋنيۆەرسيتەتىنىڭ (The Hong Kong Polytechnic University) ءبىلىم گرانتىنا, مادينا تۋرماگانبەتوۆا Zhejiang sci-tech university, تاڭشولپان تەميرحانوۆا Jiangnan University ۋنيۆەرسيتەتتەرىنىڭ گرانتىنا يە بولسا, 12-سىنىپ وقۋشىسى جانسايا ماراتقىزى Almaty Management University ۋنيۆەرسيتەتىنىڭ گرانت يەگەرى اتاندى. 12 وقۋشى نازارباەۆ ۋنيۆەرسيتەتىنىڭ ىرىكتەۋ كەزەڭىنەن ءوتتى.  سوڭعى قوڭىراۋ سالتاناتىندا مەكتەپ ديرەكتورى ەرمەك پايزوۆ جاس تۇلەكتەردى مەكتەپ بىتىرۋىمەن قۇتتىقتاپ, ءار زياتكەر تۇلەك قازاقستاننىڭ الدىڭعى قاتارلى 30 ەلدىڭ دەڭگەيىنە كوتەرىلۋىنە جان-جاقتى ىقپال ەتەتىندىگىنە سەنىم ءبىلدىردى.  سالتاناتتى شارا بارىسىندا «جىل وقۋشىلارى» دا ماراپاتتاتتالدى. مەكتەپ ۇجىمى جانە ءوزىن-ءوزى باسقارۋ ۇيىمىنىڭ وقۋشىلارىمەن ۇيىمداستىرىلعان «جىل وقۋشىسى» بايقاۋى 8 نوميناتسيا بويىنشا ءوتتى. «جىل وقۋشىسى» نوميناتسياسىن رەسپۋبليكالىق وليمپيادانىڭ ەكى دۇركىن جەڭىمپازى, گونكونگ پوليتەحنيكالىق ۋنيۆەرسيتەتىنىڭ گرانت يەگەرى جاس تۇلەك ساعىنباي توميريس يەلەنسە, «جىل جەتىستىگى» نوميناتسياسىنا فيزيكا پانىنەن جەلىلىك وليمپيادادا ءىىى ورىن يەگەرى اسقار گالاماددين لايىق دەپ تانىلدى. «جاس عالىم» وقۋشىلار ۇيىمىنىڭ العاشقى پرەزيدەنتى, رەسپۋبليكالىق روبوتوتەحنيكا وليمپياداسىنىڭ جەڭىمپازى, جاس تۇلەك ەسەت سيدەشەۆ اتاندى. «جىل اكتيۆيسى» نومنياتسياسى مەكتەپ ومىرىندەگى جوبالار مەن اكتسيالاردىڭ ۇيىمداستىرۋشىسى, ءوزىن-ءوزى باسقارۋ ۇيىمىنىڭ مۇشەسى ايا سارتباەۆاعا, «جىل ستاروستاسى» نوميناتسياسى «استانا» شاڭىراعىنىڭ كوشباسشىلىعىنا ەلەۋلى ۇلەس قوسقان كوشباسشى ءاليا وراسايعا, «جىل كوررەسپوندەنتى» نوميناتسياسى مەكتەپتە شىعارىلاتىن "جاس تولقىن" جۋرنالىنىڭ بيلد-رەداكتورى, تۇراقتى ءتىلشىسى اڭساعان گالالادينگە تابىستالدى. «جىل سپورتشىسى» نوميناتسياسىمەن ۇستەل تەننيسىنەن وبلىستىق جارىس جەڭىمپازى اقبەرگەن ابىز, «جاس تالانت» - نوميناتسياسىمەن رەسپۋبليكالىق «مۇقاعالي وقۋلارى» بايقاۋىنىڭ جەڭىمپازى, مەكتەپتە ساحنالانعان دۋلات يسابەكوۆتىڭ «اپكە» قويىلىمىنىڭ باستى ءرولىن سومداعان جۇماسات شۇعىلاعا, «جىل جاسامپازى» نوميناتسياسىمەن رەسپۋبليكالىق يۋنەسكو ۇيىمداستىرعان رەسپۋبليكالىق «بالالار الەمدى بەينەلەيدى» بايقاۋىنىڭ ديپلومانتى ديانا اقۋال ماراپاتتالدى. اتالعان نوميناتسيالاردى وبلىستاعى بەلسەندى ەل ازاماتتارى تابىستادى.  گۇلايىم شىنتەمىرقىزى,  «ەگەمەن قازاقستان».  اقتاۋ