وزبەكستاندا پرەزيدەنت سايلاۋىندا داۋىس بەرۋگە ارنالعان ۋچاسكەلەر اشىلدى, دەپ حابارلايدى Gazeta.uz.
سايلاۋعا ءتورت ۇمىتكەر قاتىسۋدا - وزبەكستاننىڭ ليبەرالدىق-دەموكراتيالىق پارتياسى اتىنان پرەزيدەنت مىندەتىن اتقارۋشى شاۆكات ميرزيەەۆ, حالىق -دەموكراتيالىق پارتياسىنان حاتامجون كەتمونوۆ, سوتسيال-دەموكراتتاردان ناريمان وماروۆ جانە دەموكراتيالىق پارتيادان سارۆار وتامۋراتوۆ.
جاڭا مەملەكەت باسشىسى بەس جىلدىق مەرزىمگە سايلانادى. سايلاۋشىلار تىزىمىنە 20 ملن-نان استام ادام بار. قازىرگى ۋاقىتتا 14 وكرۋگتىك سايلاۋ كوميسسياسى ۇيىمداستىرىلىپ, 9 381 سايلاۋ ۋچاستكەسى جاساقتالدى. سايلاۋدا جەڭىسكە جەتۋ ءۇشىن ۇمىتكەر 50 پايىزدان استام داۋىس جيناۋى كەرەك.
ەلدە ستۋدەنتتەر 1-5 جەلتوقسان ارالىعىندا سايلاۋعا بايلانىستى دەمالىسقا جىبەرىلدى. سونىمەن قاتار تاشكەنتتە سايلاۋ كۇنى قوعامدىق كولىكتە ءجۇرۋ تەگىن بولادى. اۆتوبۋس باعدارلارى مەن مەتروپوليتەن جۇمىسى سايلاۋ ۋچاسكەلەرى اشىلعانعا دەيىن ءبىر ساعات بۇرىن, ياعني ساعات 05.00-دە باستادى. باستاپقى ناتيجەنى وسك 5 جەلتوقساندا جاريا ەتەدى.