بۇگىن بالۋان شولاق اتىنداعى سپورت سارايىندا ءوتىپ جاتقان كونفەدەراتسيا كۋبوگىنىڭ ىرىكتەۋ ويىندارىندا بوكستان استانا قالاسى مەن ماڭعىستاۋ وبلىسىنىڭ كوماندالارى اقتىق كەزەڭگە جولداما الدى.
قازاقستان بوكس فەدەراتسياسى مالىمدەگەندەي, قۇرامىندا ءىلياس سۇلەيمەنوۆ, دارحان جۇمساقباەۆ پەن قاناعات مارالوۆ بار ەلوردالىق كوماندا العاشقى بەس جەكپە-جەكتى ءوز پايدالارىنا شەشكەن. ودان ءارى الماتى وبلىسىنىڭ سپورتشىلارى بەلسەندىلىك تانىتا باستاعان. دەگەنمەن, استانالىقتار مىقتى ەكەندىكتەرىن دالەلدەپ, 7:3 ەسەبىمەن جەڭىسكە جەتتى.
جارتىلاي فينالعا شىققان ەكىنشى جۇپ - ماڭعىستاۋ مەن وڭتۇستىك قازاقستان وبلىستارىنىڭ بوكسشىلارى. ماڭعىستاۋ وبلىسى رينگكە ازامات يساقۇلوۆ, بەرىك ءابدراحمانوۆ, ادىلبەك نيازىمبەتوۆ سىندى مىقتى سپورتشىلارىن جىبەرگەن. وڭتۇستىك قازاقستاننىڭ بىلعارى قولعاپ شەبەرلەرى دە تاجىريبەلى, ولار ەرجان جومارت, قايرات ەراليەۆ جانە زاكىر سافيۋللين. جەكپە-جەكتەر 6:4 ەسەبىمەن ماڭعىستاۋلىقتاردىڭ پايداسىنا اياقتالدى.
ەرتەڭ اتالعان سپورت سارايىندا فينالدىق ويىندار ءوتىپ, بوكستان 2016 جىلعى ەڭ ۇزدىك كوماندا اتالاتىن بولادى.