بۇگىن «Kazsport» تەلەارناسىنىڭ تىكەلەي ەفيرىندە ساعات 21.10-دە يسپانيا چەمپيوناتىنىڭ 14 تۋرى (ەل-كلاسسيكو) كورسەتىلەدى, دەپ حابارلايدى «قازاقستان» تەلەراديوكورپوراتسياسىنىڭ ستراتەگيالىق ماركەتينگ دەپارتامەنتى.
«كامپ نوۋ» ستاديونىندا ەڭ مىقتى يسپاندىق فۋتبول كلۋبتارى «رەال» مەن «بارسەلونا» ونەر كورسەتپەك. بۇل ەكى ۇجىم - يسپانيا چەمپيونى اتانۋعا نەگىزگى ۇمىتكەرلەر. ءدال قازىر لا ليگانىڭ تۋرنيرلىك كەستەسىندە «رەال مادريد» كوش باستاپ تۇر. كورولدىك كلۋب 13 تۋردان كەيىن 33 ۇپايعا يە. ال, «بارسەلونا» 27 ۇپايىمەن 2-ءشى ورىندا كەلە جاتىر.
سوڭعى رەت ەكى كلۋب 2 ءساۋىر كۇنى كاتالونيالىق كوماندانىڭ «كامپ نوۋ» ستاديونىندا كەزدەسىپ, زيداننىڭ شاكىرتتەرى 1:2 ەسەبىمەن باسىم تۇسكەن بولاتىن. سونداي-اق, ويىن ماتچىنىڭ تىكەلەي كوسەتىلىمى kaztrk.kz سايتىندا وتەدى.