قاراعاندىدا «كەڭ دالا» جاڭا ىقشام اۋدانىندا «شىڭىراق» بالاباقشاسى اشىلدى, دەپ حابارلادى وبلىس اكىمدىگىنىڭ ءباسپاسوز قىزمەتى.
بالاباقشا وتباسىلىق قۇندىلىقتاردى ناسيحاتتاۋعا ارنالعان جالپىۇلتتىق «25 جۇلدىزدى» كۇن اكتسياسى اياسىندا سالتاناتتى تۇردە اشىلدى.
بالاباقشانىڭ اشىلۋ سالتاناتىنا وبلىس اكىمى نۇرمۇحامبەت ابدىبەكوۆ قاتىستى. ايماق باسشىسى مەكتەپكە دەيىنگى مەكەمەگە ءوزىنىڭ سىيلىقتارىمەن كەلدى – تەلەديدار جانە ەلەكتروندى پيانينو.
جاس وتباسىلار كوپ شوعارىلانعان جاڭا ىقشاماۋدانداعى بالاباقشانىڭ قۇرىلىسى كوپتەن بەرى جوسپارلانعان بولاتىن. بالاباقشا, تەڭدەسسىز جوبانىڭ نەگىزىندە سالىنعان عيماراتتا ورنالاسقان. مۇندا تاعام تاسىمالداۋعا ارنالعان ليفت بار جانە جاتىن بولمەلەر وقشاۋلانعان. بارلىق سانيتارلىق تالاپتار ساقتالعان. زاماناۋي مۋزىكا جانە سپورت زالدارى بار. بالالارعا ءبىلىم بەرۋگە جانە تاربيەلەۋگە قاجەتتى بارلىق جاعدايلار جاسالعان.
بالاباقشانىڭ اشىلۋى قوسىمشا جاڭا جۇمىس ورىندارىنىڭ پايدا بولۋىنا دا ىقپال ەتتى. باقشادا 80-گە جۋىق قاراعاندىلىق ازامات ەڭبەك ەتۋدە. بۇگىندە مەكتەپكە دەيىنگى مەكەمە ءوز شاكىرتتەرىن قابىلداۋدا.
- بالاباقشالار تەك بيۋدجەت قاراجاتىنا عانا سالىنبايتىندىعىن ايتىپ وتكىپ كەلەدى. ءبىزدىڭ كاسىپكەرلەرىمىز, جاڭا بالاباقشالار اشىپ, مۇنى بيزنەس كوزىنە اينالدىرۋ تۋرالى ۇسىنىسىمىزدى قابىل الدى. وسى ارالىقتا وبلىسىمىزدا 27 جەكەمەنشىك بالاباقشا اشىلدى. ءبىز وسى باعىت بويىنشا جۇمىستارىمىزدى جالعاستىرا بەرەمىز, مەكتەپكە دەيىنگى مەكەمەلەر قۇرىلىسىنا قاتىستى الداعى تاڭدا دا ءوز جوسپارلارىمىز بار. ەلباسىمىزدىڭ 2020 جىلعا دەيىن بارلىق ءبۇلدىرشىندى بالاباقشامەن قامتاماسىز ەتۋ تۋرالى قاۋلىسىن ورىنداي الامىز دەپ سەنەمىن, - دەدى وبلىس اكىمى.
سونداي-اق, «شاڭىراق» بالاباقشاسىندا «انالار مەكتەبى» ورتالىعى اشىلدى. مۇندا مەكتەپكە دەيىنگى مەكەمە پەداگوگتارىنا, پسيحولوگتارعا, مەكتەپ جاسىنا دەيىنگى بالالاردىڭ اتا-انالارىنا ترەنينگتەر وتكىزىلەدى.