2011 جىلعى 18 شىلدە, استانا, ۇكىمەت ءۇيى
اۋەجايدىڭ اۆياتسيالىق قاۋىپسىزدىك قىزمەتىنىڭ قاراپ تەكسەرۋدى ۇيىمداستىرۋى جونىندەگى سەرتيفيكاتتاۋ تالاپتارىن جانە قاراپ تەكسەرۋ كەزىندە قولدانىلاتىن تەحنيكالىق قۇرالدارعا قويىلاتىن تالاپتاردى بەكىتۋ تۋرالى
«قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكاسىنىڭ 2010 جىلعى 15 شىلدەدەگى زاڭىنىڭ 13-بابىنىڭ 51) تارماقشاسىنا جانە 107-بابىنىڭ 6-تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان:
1) اۋەجايدىڭ اۆياتسيالىق قاۋىپسىزدىك قىزمەتىنىڭ قاراپ تەكسەرۋدى ۇيىمداستىرۋى جونىندەگى سەرتيفيكاتتاۋ تالاپتارى;
2) قاراپ تەكسەرۋ كەزىندە قولدانىلاتىن تەحنيكالىق قۇرالدارعا قويىلاتىن تالاپتار بەكىتىلسىن.
2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك. ءماسىموۆ.
قازاقستان رەسپۋبليكاسى ۇكىمەتىنىڭ 2011 جىلعى 18 شىلدەدەگى №829 قاۋلىسىمەن بەكىتىلگەن
اۋەجايدىڭ اۆياتسيالىق قاۋiپسiزدiك قىزمەتiنiڭ قاراپ تەكسەرۋدi ۇيىمداستىرۋى جونىندەگى سەرتيفيكاتتاۋ تالاپتارى
1. جالپى ەرەجەلەر
1. وسى اۋەجايدىڭ اۆياتسيالىق قاۋiپسiزدiك قىزمەتiنiڭ قاراپ تەكسەرۋدi ۇيىمداستىرۋى جونىندەگى سەرتيفيكاتتاۋ تالاپتارى (بۇدان ءارى – سەرتيفيكاتتاۋ تالاپتارى) «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكاسىنىڭ 2010 جىلعى 15 شىلدەدەگى زاڭىنىڭ 13-بابىنىڭ 51) تارماقشاسىنا سايكەس ازىرلەندى جانە اۋەجايلاردىڭ اۆياتسيالىق قاۋىپسىزدىك قىزمەتتەرىنە قويىلاتىن قاراپ تەكسەرۋدى ۇيىمداستىرۋ جونىندەگى سەرتيفيكاتتاۋ تالاپتارىن بەلگىلەيدى.
2. وسى سەرتيفيكاتتاۋ تالاپتارىندا پايدالانىلاتىن تەرميندەر مەن انىقتامالار:
1) قاراپ تەكسەرۋ كەزىندە قولدانىلاتىن تەحنيكالىق قۇرالدار – جولاۋشىلاردى, قول جۇگىن, جۇكتى, باگاجدى, پوشتانى, بورتتاعى قوردى, اۋە كەمەلەرى ەكيپاجدارىنىڭ مۇشەلەرىن, اۆياتسيالىق پەرسونالدى قاراپ تەكسەرۋدى جۇزەگە اسىرۋ كەزىندە دەربەس نەمەسە قانداي دا ءبىر جۇيەنىڭ بولىگى رەتىندە پايدالانۋعا ارنالعان ارنايى قۇرىلعى;
2) ازاماتتىق اۆياتسيا سالاسىنداعى ۋاكiلەتتi ورگان (بۇدان ءارى – ۋاكiلەتتi ورگان) – قازاقستان رەسپۋبليكاسىنىڭ اۋە كەڭiستiگiن پايدالانۋ جانە ازاماتتىق جانە ەكسپەريمەنتتiك اۆياتسيا قىزمەتi سالاسىندا باسشىلىقتى جۇزەگە اسىراتىن ورتالىق اتقارۋشى ورگان;
3) ءوتىنىش بەرۋشى – اۋەجايدىڭ اۆياتسيالىق قاۋiپسiزدiك قىزمەتiنiڭ قاراپ تەكسەرۋدi ۇيىمداستىرۋى جونىندە سەرتيفيكات الۋ ءۇشىن ازاماتتىق اۆياتسيا سالاسىنداعى ۋاكىلەتتى ورگانعا جۇگىنگەن اۋەجاي پايدالانۋشىسى.
2. اۋەجايدىڭ اۆياتسيالىق قاۋiپسiزدiك قىزمەتiنiڭ قاراپ تەكسەرۋدi ۇيىمداستىرۋى جونىندەگى سەرتيفيكاتتاۋ تالاپتارى
3. اۋەجايدىڭ اۆياتسيالىق قاۋiپسiزدiك قىزمەتi (بۇدان ءارى – اۋەجايدىڭ اقق) اۋەجايدىڭ اقق قاراپ تەكسەرۋدi ۇيىمداستىرۋى جونىندەگى سەرتيفيكات الۋ ءۇشىن سايكەس كەلۋگە ءتيىس سەرتيفيكاتتاۋ تالاپتارى:
1) قازاقستان رەسپۋبليكاسى ۇكىمەتىنىڭ 2010 جىلعى 31 جەلتوقسانداعى №1483 قپۇ قاۋلىسىمەن بەكىتىلگەن اۆياتسيالىق قاۋىپسىزدىك قىزمەتى تۋرالى ۇلگى ەرەجەگە سايكەس ازىرلەنگەن اۋەجايدىڭ اقق تۋرالى ەرەجە;
2) اۋەجايدىڭ اقق قۇرىلىمى مەن شتات كەستەسىنىڭ بولۋى;
3) اۋەجايدىڭ ءبىرىنشى باسشىسى بەكىتكەن اۋەجايدىڭ اۆياتسيالىق قاۋىپسىزدىك جونىندەگى نۇسقاۋلىعى (باعدارلاماسى);
4) قاراپ تەكسەرۋ كەزىندە قولدانىلاتىن تەحنيكالىق قۇرالدار;
5) قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ 2010 جىلعى 26 تامىزداعى № 385 بۇيرىعىمەن بەكىتىلگەن اۆياتسيالىق قاۋىپسىزدىك قىزمەتى ماماندارىن, ازاماتتىق اۆياتسيا سالاسىنداعى ۋاكىلەتتى ورگاننىڭ اۆياتسيالىق قاۋىپسىزدىك جانە ۇشۋ قاۋىپسىزدىگى ماسەلەلەرى جونىندەگى لاۋازىمدى ادامدارىن دايارلاۋ جانە قايتا دايارلاۋ باعدارلاماسىنا سايكەس ازىرلەنگەن اۋەجايدىڭ اقق اۆياتسيالىق قاۋىپسىزدىك بويىنشا دايارلاۋ جانە قايتا دايارلاۋ باعدارلاماسى;
6) قازاقستان رەسپۋبليكاسىنىڭ ۇكىمەتى بەكىتەتىن اۆياتسيالىق قاۋىپسىزدىكتى ساقتاۋ ساپاسىنا باقىلاۋ جۇرگىزۋ قاعيداسىنىڭ تالاپتارىنا سايكەس ازىرلەنگەن اۆياتسيالىق قاۋىپسىزدىك شارالارىنىڭ ساپاسىن ىشكى باقىلاۋ باعدارلاماسى;
7) اۋەجاي اقق-نىڭ قىزمەتتىك جانە تۇرمىستىق ءۇي-جايلارى;
8) بايلانىس قۇرالدارىمەن, جارىقپەن, تۋرنيكەتتەرمەن, دابىل سيگنالى جۇيەسىمەن, قاراپ تەكسەرۋدىڭ ستاتسيونارلىق تەحنيكالىق قۇرالدارىمەن جابدىقتالعان باقىلاۋ-وتكىزۋ پۋنكتتەرى (بۇدان ءارى – ءبوپ);
9) قازاقستان رەسپۋبليكاسىنىڭ ۇكىمەتى بەكىتەتىن ازاماتتىق اۆياتسيانىڭ اۆياتسيالىق قاۋىپسىزدىك جونىندەگى نۇسقاۋلىعىنا (باعدارلاماسىنا) سايكەس اۋە كەمەسىنىڭ بورتىندا قارۋ-جاراقتى, وق-ءدارىنى تاسىمالداۋ جونىندەگى نۇسقاۋلىق;
10) اۋەجايدىڭ ءبىرىنشى باسشىسى بەكىتكەن ەلەكتر ەنەرگياسى اجىراتىلعان نەمەسە قاراپ تەكسەرۋگە ارنالعان جابدىق سىنعان جاعدايدا اقق پەرسونالىنىڭ ءىس-قيمىلى جونىندەگى نۇسقاۋلىق;
11) ستاتسيونارلىق مەتالل ىزدەگىشتەرمەن, رەنتگەن-تەلەۆيزيا قوندىرعىلارىمەن, ءپورتاتيۆتى مەتالل ىزدەگىشتەرمەن جابدىقتالعان ۇشۋ الدىنداعى قاراپ تەكسەرۋ پۋنكتتەرى;
12) جەكە (دەربەس) قاراپ تەكسەرۋدى جۇرگىزۋگە ارنالعان ءۇي-جاي (بولمە);
13) ۇشۋ كەزەڭىندە جولاۋشىلار ۋاقىتشا ساقتاۋ ءۇشىن جولاۋشىلار بەرگەن قارۋ-جاراقتى, وق-ءدارىنى جانە ونىڭ پاتروندارىن, ارنايى قۇرالداردى قابىلداۋعا (بەرۋگە), تەكسەرۋگە جانە رەسىمدەۋگە ارنالعان ءۇي-جاي (بولمە), بۇل ءۇي-جاي جولاۋشىلارعا قىزمەت كورسەتۋگە ىڭعايلى ورىنداردا ۇشۋ الدىندا قاراپ تەكسەرۋ پۋنكتتەرىنە جاقىن ورنالاسادى;
14) قاراپ تەكسەرۋ كەزىندە جولاۋشىلاردان الىنعان, اۋەمەن تاسىمالداۋعا تىيىم سالىنعان قاۋىپتى زاتتار مەن نارسەلەردى ۋاقىتشا ساقتاۋعا ارنالعان ءۇي-جاي;
15) جولاۋشىلاردى ۇشۋ الدىندا قاراپ تەكسەرۋ پۋنكتتەرى مەن اۋە كەمەلەرى اراسىنداعى ايماقتار, ولارعا كىرۋ قاتاڭ باقىلانادى;
16) جولاۋشىلاردى تىركەۋ ايماقتارىندا اۆياتسيالىق قاۋىپسىزدىك جونىندەگى ارنايى اقپاراتى بار پلاكاتتار ىلىنەدى, وندا مىنالار كورسەتىلەدى:
اۋە كولىگىندە تاسىمالداۋعا تىيىم سالىنعان قاۋىپتى زاتتار مەن نارسەلەردىڭ تىزبەسى;
اۋە كەمەلەرىندە قارۋ-جاراقتى, وق-ءدارىنى, ارنايى قۇرالداردى, راديو, فوتو جانە بەينەاپپاراتۋرانى, ەلەكتروندىق-ەسەپتەۋ جانە تەلەۆيزيا تەحنيكاسىن تاسىمالداۋ قاعيداسى, سونداي-اق قول جۇگىن الىپ ءجۇرۋدىڭ رۇقسات ەتىلەتىن نورمالارى;
17) قاراپ تەكسەرۋدەن وتكەن جولاۋشىلاردىڭ قاراپ تەكسەرۋدەن وتپەگەن جولاۋشىلارمەن نەمەسە شىعارىپ سالۋشىلارمەن قارىم-قاتىناسىن بولدىرماۋ ءۇشىن قاراپ تەكسەرۋ پۋنكتتەرى قورشالادى;
18) اۋەجايدىڭ ءبىرىنشى باسشىسى بەكىتكەن جولاۋشىلاردى, قول جۇگىن, اۋە كەمەلەرى ەكيپاجدارىنىڭ مۇشەلەرىن جانە اۆياتسيا پەرسونالىن ۇشۋ الدىندا قاراپ تەكسەرۋدىڭ تەحنولوگياسى, ول مىنالاردى قامتيدى:
ءاربىر قاراپ تەكسەرۋ پۋنكتىنىڭ پەرسونالمەن جاساقتالۋى (جولاۋشىلاردى ۇشۋ الدىندا قاراپ تەكسەرۋ پۋنكتىندەگى پەرسونال سانى 4 ماماننان كەم بولماۋعا ءتيىس), اۋىسىم بويى جۇمىس ورىندارىن ۇنەمى روتاتسيالاۋدى جۇزەگە اسىرۋ;
جولاۋشىنىڭ جەكە زاتتارىن قاراپ تەكسەرۋ ءتارتىبى (تەحنيكالىق قۇرالداردى پايدالانا وتىرىپ, جولاۋشىلاردىڭ سىرتقى كيىمىن, باس كيىمدەرىن, اياق كيىمىن, بەلبەۋلەرىن, جۇمىسقا قابىلەتتىلىگىن يميتاتسيالاي وتىرىپ, كومپيۋتەرلىك جانە تۇرمىستىق تەحنيكانى مىندەتتى تۇردە قاراپ تەكسەرۋ);
سۇيىقتىقتاردى, اەروزولدەر مەن گەلدەردى قاراپ تەكسەرۋ ءتارتىبى;
قاراپ تەكسەرۋ نەمەسە زاتتاردى قولمەن قاراپ تەكسەرۋ كەزىندە قولدانىلاتىن تەحنيكالىق قۇرالداردى پايدالانعاندا كۇدىكتى زاتتار تابىلعان كەزدەگى ءىس-قيمىل ءتارتىبى;
ىرىكتەپ تەكسەرۋگە قاتىستى تالاپتار (كەمىندە 10 % ىرىكتەپ قولمەن قاراپ تەكسەرۋگە تارتىلادى);
ىشكى ىستەر ورگاندارىمەن ءوزارا ءىس-قيمىل ءتارتىبى;
رەسمي دەلەگاتسيالار زالى ارقىلى وتەتىن جولاۋشىلاردى قاراپ تەكسەرۋ راسىمدەرى;
ترانزيتپەن نەمەسە ترانسفەرتتىك رەيسپەن وتەتىن جولاۋشىلاردى قاراپ تەكسەرۋ ءتارتىبى;
قازاقستان رەسپۋبليكاسىنىڭ ۇكىمەتى بەكىتەتىن ازاماتتىق اۆياتسيانىڭ اۆياتسيالىق قاۋىپسىزدىگى جونىندەگى نۇسقاۋلىققا (باعدارلاماعا) سايكەس جولاۋشىلاردى قاراپ تەكسەرۋ كارتالارىن رەسىمدەۋ ءتارتىبى;
قاراپ تەكسەرۋ پۋنكتىندە تاركىلەنگەن زاتتاردى رەسىمدەۋ, ساقتاۋ, يەسىنە قايتارۋ جانە جويۋ قاعيداسى;
اۆياتسيالىق قاۋىپسىزدىك شارالارىن بۇزۋعا جوعارى قاۋىپ تونگەن كەزەڭدە قاراپ تەكسەرۋدى جۇرگىزۋ ءتارتىبى;
مەديتسينالىق پروبلەمالارى بار جولاۋشىلاردى قاراپ تەكسەرۋدى جۇرگىزۋ ءتارتىبى (كارديوستيمۋلياتورى بار جولاۋشىلار, قول-اياقتارى گيپستەلگەن مۇگەدەكتەر);
19) اۋەجايدىڭ ءبىرىنشى باسشىسى بەكىتكەن باگاجدى, جۇكتى, پوشتانى جانە بورتتاعى قوردى قاراپ تەكسەرۋ تەحنولوگياسى, ول مىنالاردى قامتيدى:
اۋە كەمەسىنىڭ بورتىنا ورنالاستىرىلاتىن بارلىق زاتتاردى تولىق قاراپ تەكسەرۋ تالابى;
رەنتگەن جابدىعىندا نەمەسە باگاجدى, جۇكتى, پوشتانى جەكە قاراپ تەكسەرگەندە كۇدىكتى زاتتار تابىلعان كەزدەگى ءىس-قيمىل ءتارتىبى;
جۇك بولىگىندە تاسىمالداناتىن ترانسفەرتتىك باگاجعا قاتىستى قاعيدا;
جولاۋشىلارعا باگاجدىڭ تيىستىلىگىن بەلگىلەۋ ءتارتىبى;
باگاجدى, جۇكتى جانە بورت تاماعىن (بورتتاعى قوردى) قاراپ تەكسەرۋ كارتالارىن رەسىمدەۋ جانە ولاردىڭ قوزعالۋ ءتارتىبى;
قاراپ تەكسەرۋدەن وتكەن جۇكتەردى ءنومىرلى جاپسىرمالارمەن تاڭبالاۋ ءتارتىبى;
قاراپ تەكسەرۋ راسىمىنەن وتكەن بورت تاماعى مەن باجسىز ساۋداعا ارنالعان تاۋارلارى بار كونتەينەرلەرى جەتكىزۋ ءتارتىبى;
قاراپ تەكسەرۋ پۋنكتىندە تاركىلەنگەن زاتتاردى رەسىمدەۋ, ساقتاۋ, يەسىنە قايتارۋ جانە جويۋ قاعيداسى;
20) اۋەجايدىڭ ءبىرىنشى باسشىسى بەكىتكەن اۋەجايدىڭ زارارسىزداندىرىلعان ايماعىنداعى باجسىز ساۋدا دۇكەندەرىنە تۇسەتىن تاۋارلاردى قاراپ تەكسەرۋ جونىندەگى نۇسقاۋلىق;
21) باگاجدى, جۇكتى, پوشتانى جانە بورتتاعى قوردى قاراپ تەكسەرۋ بايلانىس قۇرالدارىمەن, دابىل سيگنالىمەن, اۆاريالىق جارىقپەن جانە ەلەكترمەن جابدىقتاۋمەن, ستاتسيونارلىق تەحنيكالىق قاراپ تەكسەرۋ قۇرالدارىمەن, رەنتگەن-تەلەۆيزيا قوندىرعىلارىمەن, سونداي-اق بەينەباقىلاۋ جانە اقپاراتى كۇنتىزبەلىك 15 كۇن بويى ساقتالاتىن بەينەجازبا جۇيەسىمەن جابدىقتالعان قاراپ تەكسەرۋ پۋنكتتەرىندە جۇرگىزىلەدى.
قازاقستان رەسپۋبليكاسى ۇكىمەتىنىڭ 2011 جىلعى 18 شىلدەدەگى №829 قاۋلىسىمەن بەكىتىلگەن
قاراپ تەكسەرۋ كەزىندە قولدانىلاتىن تەحنيكالىق قۇرالدارعا قويىلاتىن تالاپتار
1. جالپى ەرەجەلەر
1. وسى قاراپ تەكسەرۋ كەزىندە قولدانىلاتىن تەحنيكالىق قۇرالدارعا قويىلاتىن تالاپتار (بۇدان ءارى – تالاپتار) «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكاسىنىڭ 2010 جىلعى 15 شىلدەدەگى زاڭىنىڭ (بۇدان ءارى – زاڭ) 107-بابىنا سايكەس ازىرلەندى جانە قاراپ تەكسەرۋ كەزىندە قولدانىلاتىن تەحنيكالىق قۇرالدارعا قويىلاتىن تالاپتاردى بەلگىلەيدى.
وسى تالاپتار قاراپ تەكسەرۋ كەزىندە اۋەجاي اقق قولداناتىن تەحنيكالىق قۇرالدارعا تارالادى.
2. وسى تالاپتاردا پايدالانىلاتىن تەرميندەر مەن انىقتامالار:
1) قاراپ تەكسەرۋ كەزىندە قولدانىلاتىن تەحنيكالىق قۇرالدار – جولاۋشىلاردى, قول جۇگىن, جۇكتى, باگاجدى, پوشتانى, بورتتاعى قوردى, اۋە كەمەلەرى ەكيپاجدارىنىڭ مۇشەلەرىن, اۆياتسيالىق پەرسونالدى قاراپ تەكسەرۋدى جۇزەگە اسىرۋ كەزىندە دەربەس نەمەسە قانداي دا ءبىر جۇيەنىڭ بولىگى رەتىندە پايدالانۋعا ارنالعان ارنايى قۇرىلعى;
2) رەنتگەندىك-تەلەۆيزيا قوندىرعىسى – مەتالل زاتتاردى كوزبەن شولىپ سايكەستەندىرۋگە ارنالعان تەحنيكالىق قۇرىلعى;
3) ستاتسيونارلىق مەتالل ىزدەگىش – ادام دەنەسىندەگى مەتالل زاتتاردى انىقتاۋعا ارنالعان تەحنيكالىق قۇرىلعى;
4) ءپورتاتيۆتى (ىقشام, جىلجىمالى) مەتالل ىزدەگىش – ادام دەنەسىندەگى مەتالل زاتتىڭ ناقتى ورنالاسقان جەرىن انىقتاۋعا ارنالعان تەحنيكالىق قۇرىلعى;
5) جارىلعىش زاتتاردى تابۋعا ارنالعان جابدىق (جارىلعىش زاتتاردىڭ بۋ دەتەكتورلارى) – جارىلعىش زاتتاردىڭ بۋىن نەمەسە ميكروبولشەكتەرىن انىقتاۋعا ارنالعان تەحنيكالىق قۇرىلعى.
2. قاراپ تەكسەرۋ كەزىندە قولدانىلاتىن تەحنيكالىق قۇرالدارعا قويىلاتىن تالاپتار
3. ستاتسيونارلىق مەتالل ىزدەگىشتەر:
1) ادام دەنەسىندەگى جانە ونىڭ كيىمىندەگى اۋە كەمەسىندە تاسىمالداۋعا تىيىم سالىنعان مەتالل زاتتاردى تابۋعا مۇمكىندىك بەرۋگە ءتيىس, بۇل رەتتە جالپى سالماعى 100 گرامنان اسپايتىن ءوزى پايدالاناتىن مەتالل زاتتارعا جالعان ىسكە قوسىلۋ مۇمكىندىگى بار;
2) تىيىم سالىنعان مەتالل زات بولعاندا اۆتوماتتى جارىقپەن جانە دىبىسپەن سيگنال بەرۋگە, ورناتىلعان تابۋ پارامەترلەرىنىڭ سانكتسيالانباعان وزگەرىسىن بولدىرماۋعا ءتيىس, ونىڭ ەلەكتروندىق بۇيىم سحەماسى دابىل سيگنالى سونگەننەن كەيىن 3 سەكۋندتان سوڭ اۆتوماتتى تۇردە باستاپقى قالپىنا كەلۋگە ءتيىس (دابىل بەلگىسىنىڭ اياقتالۋى قوندىرعىنىڭ جۇمىسقا ءازىر ەكەندىگىن بىلدىرۋگە ءتيىس), جۇمىس رەجيمىنە شىعۋ ۋاقىتى جەلىگە قوسىلعاننان كەيىن 30 سەكۋندتان اسپاۋعا ءتيىس;
3) داتچيكتەردىڭ بلوكتارى اراسىنداعى قاشىقتىق 1 م بولعاندا جوسپارداعى جۇمىستا ءبىر بىرىنەن 3-تەن 8 م-گە دەيىن اراقاشىقتىقتا ءبىر جەلىدە ورناتىلعان سانى 2-دەن 4 داناعا دەيىن ۇقساس قۇرىلعىلار توبىنىڭ قۇرامىندا قازىرگى زامانعى اۋەجايلاردىڭ ەلەكتروماگنيتتى جاعدايلار شارتتارىندا رەنتگەن-تەلەۆيزيا قوندىرعىلارىمەن بىرگە قالىپتى جۇمىستى قامتاماسىز ەتۋى ءتيىس;
4) تاۋلىك بويى رەجيمدە جۇمىس ىستەگەن كەزدە بارلىق تالاپتارعا سايكەس بولۋعا ءتيىس, ىستەن شىعۋعا دەيىن جۇمىس ىستەۋ – كەمىندە 6000 ساعات, رەگلامەنتتىك جۇمىستار ۋاقىتى – پايدالانۋ ۋاقىتىنىڭ كەمىندە 5%-ى, كەپىلدىك بەرىلگەن پايدالانۋ مەرزىمى – پايدالانۋعا بەرىلگەن ساتتەن باستاپ كەمىندە 1 جىل, ورتاشا قىزمەت مەرزىمى – كەمىندە 6 جىل, كەپىلدىك بەرىلگەن ساقتاۋ مەرزىمى – بۇيىم شىعارىلعان ساتتەن باستاپ كەمىندە 1 جىل;
5) پايدالانۋ ورنىندا دياگنوستيكا مەن جوندەۋدى جۇرگىزۋگە مۇمكىندىك بەرۋگە, دياگنوستيكا ادىستەرىمەن بىرگە بۇيىمدى پايدالانۋ جانە ونىڭ تولىق تەحنيكالىق سيپاتتاماسى جونىندەگى نۇسقاۋلىقتان تۇراتىن ونىڭ قالىپتى جانە قاۋىپسىز پايدالانىلۋىن, جارامدى جاي-كۇيىن جانە جوندەلۋىن قولداۋ ءۇشىن جەتكىلىكتى قۇجاتتامامەن جابدىقتالۋعا ءتيىس;
6) بيىكتىگى كەمىندە 2 مەتر جانە ەنى 0,76 مەتر ويىعى بار ارقاسى, شولۋ جانە رەتتەلەتىن دىبىس سيگنالى, سونداي-اق قۇبىلمالى جاعدايلارعا بايلانىستى سەزىمگىشتىك دەڭگەيىن وزگەرتۋ مۇمكىندىگى بولۋعا ءتيىس.
4. ءپورتاتيۆتى (ىقشام) جانە جىلجىمالى مەتالل ىزدەگىشتەر:
1) قوندىرعىنى اۋىستىرۋ جىلدامدىعى سەكۋندىنا 0,2 – 0,5 مەتر بولعان كەزدە 0,12 – 0,15 مەتر قاشىقتىقتاعى مەتالل زاتتاردى تابۋدى قامتاماسىز ەتۋگە (مولشەرى 100ح100ح1 ميليمەتر بولات پلاستينكا), مەتالل زات بولعاندا دىبىستىق سيگنال بەرۋگە, قازىرگى زامانعى اۋەجايلاردىڭ ەلەكتروماگنيتتى جاعدايلارى شارتىندا قالىپتى جۇمىستى قامتاماسىز ەتۋگە;
2) پايدالانۋعا بەرىلگەن ساتتەن باستاپ كەمىندە 1 جىل كەپىلدىك بەرىلگەن پايدالانۋ مەرزىمى, ورتاشا قىزمەت مەرزىمى – كەمىندە 3 جىل, كەپىلدىك بەرىلگەن ساقتاۋ مەرزىمى – بۇيىم شىعارىلعان ساتتەن باستاپ كەمىندە 1 جىل بولۋعا;
3) پايدالانۋ ورنىندا دياگنوستيكا جانە جوندەۋ جۇرگىزۋگە مۇمكىندىك بەرۋگە;
4) اۆتونومدى قورەك كوزىنەن جۇمىس ىستەۋ كەزىندە بۇيىم قورەكتەنۋ كوزدەرىنىڭ 60 % رازريادتالعان كەزدە (كەرنەۋى بويىنشا) تابۋ سيپاتتامالارىن ساقتاۋعا, كەمىندە 10 ساعات اۆتونومدى قورەك كوزىنەن بۇيىمنىڭ ۇزدىكسىز جۇمىس ىستەۋ ۇزاقتىعىن قامتاماسىز ەتۋگە ءتيىس.
5. رەنتگەن-تەلەۆيزيا قوندىرعىسى:
1) مەتالل جانە مەتالل ەمەس اتىس قارۋىن, ونىڭ بولشەكتەرىن, بارلىق كاليبردەگى وق-ءدارىنى, گراناتالاردى جانە باسقا دا جارقىنشاقتى/جارىلعىش اسەرى بار قارۋ تۇرلەرىن, پىشاقتاردى, كەلدەكتى, قىلىشتاردى, اسكەري جانە كوممەرتسيالىق ماقساتتاعى جارىلعىش زاتتاردى, دەتوناتورلاردى جانە ساعاتپەن جۇرەتىن مەحانيزمدەردى, ەلەكتر جانە ەلەكتروندى بۇيىمداردى, ەلەكتر ەنەرگياسى كوزدەرىن انىقتاۋعا;
2) پايدالانۋ رەجيمىندە رەنتگەندىك ساۋلەلەنۋ گەنەراتورىنىڭ سيپاتتامالارى مەن كورىنىس ساپاسى مىناداي:
ەنۋ قابىلەتى – بولات بويىنشا 27 ميلليمەتر;
رۇقسات بەرىلەتىن قابىلەتى – 0,1 ميلليمەتر;
انودتى كەرنەۋ: نومينالدى – 160 كيلوۆاتت, جۇمىس ىستەۋ – 140 كيلوۆاتت;
تۇتىكشە توگى - 0,7 ميلليامپەر بولۋعا;
ءماجبۇرلى جەلدەتكىشى بار گەرمەتيكالى ماي ۆانناسىندا تۇتىكشە سۋعا;
3) «جوعارى ەنۋ قابىلەتى» وپتسياسىن پايدالانۋ كەزىندە ەڭ جوعارى رەجيمدە رەنتگەندىك ساۋلەلەنۋ گەنەراتورىنىڭ سيپاتتامالارى مەن كورىنىس ساپاسى مىناداي:
ەنۋ قابىلەتى: 35 ميلليمەتر;
رۇقسات بەرىلەتىن قابىلەتى: 0,1 ميلليمەتر;
انودتى كەرنەۋ: 160 كيلوۆاتت - اتاۋلى, جۇمىس - 140 كيلوۆاتت;
تۇتىكشە توگى - 0,7 ميليامپەر بولۋعا;
ساۋلەلەنۋدىڭ ازايۋىنىڭ ۇلگىلىك دەڭگەيى ساعاتىنا 0,1 ميكرورەنتگەننەن اسپايدى;
4) رەنتگەن-تەلەۆيزيا قوندىرعىسى كونۆەيەرىنىڭ جىلدامدىعى كەمىندە سەكۋندىنا 0,15 مەتر بولۋعا;
5) پايدالانۋعا بەرىلگەن ساتىنەن باستاپ كەمىندە 1 جىل كەپىلدىك بەرىلگەن پايدالانۋ مەرزىمىنىڭ, ورتاشا قىزمەت مەرزىمى – كەمىندە 6 جىل, كەپىلدىك بەرىلگەن ساقتاۋ مەرزىمى – بۇيىم شىعارىلعان ساتتەن باستاپ كەمىندە 1 جىل بولۋعا;
6) پايدالانۋ ورنىندا دياگنوستيكا جانە جوندەۋ جۇرگىزۋگە مۇمكىندىك بەرۋگە;
7) رەنتگەندىك ساۋلەلەنۋدى قوسۋدا جارىقەن سيگنال بەرۋگە, قورعاۋ ەكراندارىنىڭ تۇتاستىعى بۇزىلعان كەزدە رەنتگەندىك ساۋلەلەنۋدى اجىراتۋدى جانە پايدالانۋ جۇكتەمەسى اسىپ كەتكەن جانە جارامسىز جاعدايدا ەلەكتر توگىن بەرۋدى توقتاتۋدى قامتاماسىز ەتەتىن بلوكتاعىشى بولۋعا;
8) كينوفوتوماتەريالداردى, ەلەكتروندىق تاسىعىشتاردى رەنتگەن-تەلەۆيزيا قوندىرعىسىنىڭ جۇمىس ايماعى ارقىلى ون ەسەلەنگەن وتكىزۋ كەزىندە رەنتگەن-تەلەۆيزيا قوندىرعىسىنداعى ساۋلەلەنۋدىڭ ولاردىڭ تۇتاستىعىن بۇزۋعا مۇمكىندىك بەرمەيتىن دەڭگەيى بولۋعا;
9) رەنتگەن جابدىعىنىڭ سىرتقى پانەلدەرىنەن 5 سانتيمەتر اراقاشىقتىقتا رەنتگەندىك ساۋلەلەنۋ دوزاسىنىڭ قۋات دەڭگەيى سەكۋندىنا 0,03 رەنتگەننەن اسپاۋعا, جۇمىس ىستەپ تۇرعان رەنتگەن جابدىعىنىڭ شۋىلداۋ دەڭگەيى 60 دەتسيبەلدەن اسپاۋعا;
10) رەنتگەن جابدىعىنىڭ كونسترۋكتسياسى رەنتگەندىك ساۋلەلەنۋدىڭ اسەرىنەن قورعاۋدى قامتاماسىز ەتۋگە ءتيىس.
6. جارىلعىش زاتتاردى تابۋعا ارنالعان جابدىق (جارىلعىش زاتتاردىڭ بۋ دەتەكتورلارى):
1) بۇيىممەن جۇمىس ىستەۋگە ارنالعان جارىلعىش زاتتاردى تابۋ بويىنشا سەزىمتالدىعى ءبىر تەكشە سانتيمەترگە 1x10-14 گراممنان كەم بولماۋعا ءتيىس, بىراق بۇل رەتتە جارىلعىش زاتتاردىڭ جۇبىن تالداۋ تسيكلىنىڭ ۋاقىتى – 60 سەكۋندتان اسپايدى, جارىلعىش زاتتار جۇبىنىڭ بولۋىنا بۇيىمنىڭ جۇمىس ىستەۋ ۋاقىتى – 5 سەكۋندتان اسپايدى, ىرىكتەۋدىڭ كەلەسى تسيكلىنە دايىندىق ۋاقىتى – 30 سەكۋندتان اسپايدى, جۇمىس رەجيمىنە شىعۋ ۋاقىتى قوسىلعاننان كەيىن 35 مينۋتتان اسپاۋعا;
2) جەلىلىك قورەكتەنۋ بلوگىنان دا, كەرنەۋى 9–12 ۆولت اۆتونومدى قورەكتەن (باتارەيا, اككۋمۋلياتور) دە جۇمىس ىستەۋگە ءتيىس;
3) وپەراتورعا تاۋەلسىز جۇمىس ىستەيتىن سيگنال بەرۋ جۇيەسى بولۋعا, بۇل رەتتە دابىلدىڭ دىبىستىق سيگنالىنىڭ دەڭگەيى قازىرگى زامانعى اۋەجايلاردىڭ شۋىلىنىڭ اياسىندا جاقسى اجىراتىلۋعا, قورەكتەنۋ كوزدەرى 70 % رازريادتالعان كەزدە (كەرنەۋ بويىنشا) جۇمىس ىستەيتىن اۆتونومدى قورەك كوزى رازريادىنىڭ ينديكاتورى بولۋعا;
4) كەپىلدىك بەرىلگەن پايدالانۋ مەرزىمى پايدالانۋعا ەنگىزىلگەن ساتتەن باستاپ كەمىندە 1 جىل, ورتاشا قىزمەت مەرزىمى – كەمىندە 6 جىل, كەپىلدىك بەرىلگەن ساقتاۋ مەرزىمى – بۇيىم شىعارىلعان ساتتەن باستاپ كەمىندە 1 جىل بولۋعا;
5) پايدالانۋ ورنىندا دياگنوستيكا جانە جوندەۋ جۇرگىزۋگە مۇمكىندىك بەرۋگە;
6) پايدالانۋ جۇكتەمەسى اسىپ كەتكەن جانە جارامسىز بولعان جاعدايدا ەلەكتر توگىن بەرۋدى توقتاتاتىن الدىن الا قورعاۋ جۇيەسىنىڭ, ونى پايدالانۋ پروتسەسىندە جۇمىسقا قابىلەتتىلىگىن باقىلاۋ قۇرالى بولۋعا;
7) تاۋلىك بويى رەجيمدە جۇمىس ىستەگەن كەزدە بارلىق تالاپتارعا سايكەس بولۋى ءتيىس, ىستەن شىعۋعا دەيىن جۇمىس ىستەۋ – كەمىندە 6000 ساعات, رەگلامەنتتى جۇمىستار ۋاقىتى پايدالانۋ ۋاقىتىنىڭ كەمىندە 5%, كەپىلدىك بەرىلگەن پايدالانۋ مەرزىمى پايدالانۋعا بەرىلگەن ساتتەن باستاپ كەمىندە 1 جىل, ورتاشا قىزمەت مەرزىمى – كەمىندە 6 جىل, كەپىلدىك بەرىلگەن ساقتاۋ مەرزىمى – بۇيىم شىعارىلعان ساتتەن باستاپ كەمىندە 1 جىل بولۋعا ءتيىس.
7. قاراپ تەكسەرۋ كەزىندە قولدانىلاتىن بارلىق تەحنيكالىق قۇرالدار مىناداي قاۋىپسىزدىك تالاپتارىنا ساي بولۋعا:
1) ەلەكتر توگىمەن زاقىمدانۋدى بولدىرمايتىن قورعانىش تۇيىقتالۋ كونتۋرىن قامتۋعا;
2) ەلەكتر قاۋىپسىزدىگىن قامتاماسىز ەتۋگە;
3) بۇيىمداردا قولدانىلاتىن ماتەريالدار ادام دەنساۋلىعى ءۇشىن قاۋىپسىز بولۋعا ءتيىس.