اتىراۋ وبلىستىق ينفەكتسيالىق اۋرۋحاناسىندا ەمدەلىپ جاتقانداردىڭ اراسىندا قىزىلشا جۇقتىرعان 290 ناۋقاس بار. ناۋقاستاردىڭ 86 پايىزى – ۆاكتسينا الماعان بالالار, دەپ حابارلايدى Egemen.kz.
اتالعان ەمدەۋ ورنىنىڭ دارىگەرى نۇرفيا قيزاتوۆانىڭ ايتۋىنا قاراعاندا, ينفەكتسيانىڭ تارالۋىنا بىرنەشە فاكتور اسەر ەتەدى. سونىڭ ءبىرى – يممۋنيتەتتىڭ تومەندەۋى, ال ەكىنشىسى – ارنايى ۆاكتسينانى مەزگىلىندە الماۋ.
«ۆاكتسينا ۋاقىتىلى ەگىلسە, قىزىلشانى وسىنشا ادام جۇقتىرماس ەدى. قازىر وبلىستىق ينفەكتسيالىق اۋرۋحانادا 290 ناۋقاس ەم قابىلداپ جاتىر. ونىڭ ىشىندە 137 ەمدەلۋشىنىڭ قىزىلشا اۋرۋىن جۇقتىرعانى زەرتحانالىق تالداۋ كەزىندە راستالدى. قىزىلشا جۇقتىرعان ناۋقاستاردىڭ 86 پايىزى جوسپارلانعان ۆاكتسينانى مەزگىلىندە سالدىرماعان بالالار بولىپ وتىر», دەيدى نۇرفيا قيزاتوۆا.
دارىگەردىڭ پىكىرىنشە, قىزىلشادان قورعانۋدىڭ ەڭ ءتيىمدى ءتاسىلى – ۆاكتسينا سالدىرۋ.
الماتىدا قىزىلشا اۋرۋىنا شالدىعۋ كورسەتكىشى ءوستى
ء«بىز اتا-انالارعا بالالارىنا ۋاقىتىندا ەكپە سالدىرۋدى ەسكەرتەمىز. اتا-انالار ۆاكتسينا سالدىرۋ ارقىلى بالاسىن عانا ەمەس, وتباسىنداعى, اينالاسىندا ادامداردى دا قورعايتىنىن ءتۇسىنۋى كەرەك. قىزىلشاعا قارسى سالىناتىن ۆاكتسينا بىردەن 3 اۋرۋدان قورعايدى. بۇل – قىزىلشا, ەپيدەميالىق پاروتيت جانە قىزامىق اۋرۋى. كەيبىر اتا-انالار ەكپە سالدارىنان تسەرەبرالدى سال اۋرۋى نەمەسە ەپيلەپسيا پايدا بولۋى مۇمكىن دەپ قاۋىپتەنەدى. بىراق ۆاكتسينانىڭ مۇنداي اۋرۋلارعا ەش قاتىسى جوق», دەيدى نۇرفيا قيزاتوۆا.
ەلىمىزدە قىزىلشاعا قارسى ۆاكتسيناتسيا ناۋقانى توقتادى ما؟
وبلىستىق دەنساۋلىق ساقتاۋ باسقارماسىنىڭ مالىمەتىنشە, قازىر ەپيدەميولوگيالىق احۋال باقىلاۋعا الىنعان. وسى كەزگە دەيىن 671 بالاعا ۆاكتسينا ەگىلگەن.
ەندى قىزىلشاعا قارسى ۆاكتسينا مىندەتتى: استانا اۋرۋحانالارىنا بالا قابىلداۋ ەرەجەسى وزگەردى