ۇلتتىق بانك تولەم كارتالارىنا قاتىستى الاياقتىقتىڭ جاڭا, ءارى وتە قاۋىپتى ءتۇرى بەلەڭ العانىن مالىمدەدى. الاياقتار بۇل جولى ازاماتتاردىڭ جەكە دەرەكتەرىن پايدالانا وتىرىپ, ولاردىڭ كارتاسىن ءوز ەركىنەن تىس بۇعاتتاۋ ارقىلى شوتىنا قول سالۋدى كوزدەپ وتىر, دەپ جازادى Egemen.kz.
WhatsApp-تا كيبەرالاياقتىقتىڭ جاڭا ءتۇرى پايدا بولدى
«تولەم كارتاسى بۇعاتتالعان جاعدايدا كارتانىڭ ەكىنشى بەتىندە نەمەسە ءموبيلدى قوسىمشادا كورسەتىلگەن ءنومىر ارقىلى بانكتىڭ رەسمي كولل-ورتالىعىنا حابارلاسقان دۇرىس. ەسىڭىزدە بولسىن, قارجى ۇيىمدارىنىڭ قىزمەتكەرلەرى SMS-حابارلامادا كورسەتىلگەن پارول مەن كودتى ەشقاشان سۇرامايدى جانە ءموبيلدى قۇرىلعىنى قاشىقتان باسقاراتىن قوسىمشالاردى ورناتۋدى تالاپ ەتپەيدى», دەلىنگەن حابارلامادا. بۇدان بولەك, بانكومات ماڭىندا «كارتام زاقىمدالدى» دەپ باسقانىڭ شوتىنا اقشا اۋدارتۋعا كومەك سۇرايتىن «كەزدەيسوق جولاۋشىلاردان» دا ساق بولعان ءجون. مۇنداي «كومەك» ءسىزدى بايقاۋسىزدا دروپپەرلىك (قىلمىستىق اقشانى جىلىستاتۋ) ارەكەتكە يتەرمەلەپ, زاڭ الدىندا جاۋاپقا تارتۋى مۇمكىن.بىلتىر ءىىم 85 ميلليوننان استام الاياقتىق قوڭىراۋدىڭ الدىن الدى
«بانك كارتاسى مەن ونىڭ دەرەكتەرىن ەشكىمگە بەرمەۋگە, بەيتانىس ادامعا اقشا اۋدارماۋعا, اركەز قىراعى جۇرۋگە جانە كەز كەلگەن اقپاراتتى ەكىنشى دەڭگەيلى بانكتەردىڭ رەسمي نومىرلەرى ارقىلى كولل-ورتالىعىنا قوڭىراۋ شالىپ, تەكسەرىپ الۋعا كەڭەس بەرەدى.
ۇلتتىق بانك قىزمەتكەرلەرى جەكە تۇلعالاردىڭ شوتىنا قىزمەت كورسەتپەيتىنىن, اۋديو جانە ۆيدەوقوڭىراۋ شالمايتىنىن, ءتۇرلى ينۆەستيتسيالىق پاي قورلارى مەن قارجى ونىمدەرىنە اقشالاي سالىم سالۋدى ۇسىنبايتىنىن, قاراجاتتى ساقتاندىرۋمەن اينالىسپايتىنىن جانە حالىقپەن اقشالاي ەسەپ ايىرىسۋ وپەراتسيالارىن جۇرگىزبەيتىنىن ەسكە سالامىز», دەلىنگەن حابارلامادا.