«كوزگە يرتىش موڭنارى» ءحVىى حالىقارالىق تاتار فەستيۆالى ەل تاۋەلسىزدىگىنىڭ 25 جىلدىعىنا ارنالدى
بيىلعى جىلى تاتار ونەرىنىڭ جىل سايىنعى فەستيۆالى ءوزىنىڭ ايماعىن ەداۋىر كەڭەيتكەندىگى بايقالدى. بۇل مەرەكە «كوزگە يرتىش موڭنارى» دەپ اتالدى. قاتىسۋشىلار مەن قوناقتار استانا, كوكشەتاۋ, پاۆلودار, ءنوۆوسىبىر, قازان, تومسك, توبولسك قالالارىنان كەلىپتى.
فەستيۆالدىڭ باس ۇيىمداستىرۋشىسى – ەرتىس وڭىرىندەگى «حاك» تاتار جانە باشقۇرت قاۋىمداستىعىنىڭ توراعاسى, «تاتار ونەر مەكتەبىنىڭ» ديرەكتورى گابدۋلحاق احۋنجانوۆ. ونىڭ ايتۋىنشا, فەستيۆالدىڭ باعدارلاماسى بەس نوميناتسيادان قۇرالعان: اسپاپتىق مۋزىكا, ۆوكالدىڭ بارلىق ءتۇرى, حورەوگرافيا, كوركەم ءسوز. جانە العاش رەت, ساندىك-قولدانبالى ونەر دە پاش ەتىلدى.
قولدانبالى ونەر نوميناتسياسىنداعى قاتىسۋشىلار نەۆزوروۆتار وتباسى اتىنداعى وبلىستىق بەينەلەۋ ونەرى مۋزەيىندە ءوز كورمەلەرىن ايقارا جايىپ سالدى. ەكسپوزيتسيا ەكى بولىمنەن تۇرادى. وندا تاتار حالقىنىڭ ساندىك-قولدانبالى ونەرىنىڭ زاتتارى مەن ءحىح-حح عاسىرلارداعى كونە بۇيىمدارى ەل نازارىنا ۇسىنىلدى. مادەني شارا ونەرپازداردىڭ قاتىسۋىمەن وتكەن گالا كونتسەرتتە قورىتىندىلاندى. ەل تاۋەلسىزدىگىنىڭ مەرەيتويىنا ارنالعان فەستيۆال حالىقتار اراسىنداعى دوستىقتى, مادەني بايلانىستى نىعايتۋعا باعىتتالعان. ماقسات – تاتار ونەرى مەن مادەنيەتىن ساقتاپ, دامىتۋ, دەيدى ۇيىمداستىرۋشىلار.
– الدىڭعى جىلدارداعىداي, فەستيۆالگە ءارتۇرلى ۇلت وكىلدەرى قاتىسۋدا, – دەدى گابدۋلحاق احۋنجانوۆ, – ويتكەنى, ونەر بارىنە ورتاق. شارانى تاماشالاۋعا دا ءتۇرلى ۇلت وكىلدەرى كەلىپ وتىر. فەستيۆال ۇلتارالىق قارىم-قاتىناستى نىعايتۋدى كوزدەيدى.
ونەر كورمەسىنەن بولەك, ءان-جىر فەستيۆالىنە 500-گە جۋىق ادام قاتىستى. ەرەسەكتەرمەن قاتار, بالالار دا ونەر دوداسىن قىزدىردى. ولار 2 كۇن بويى, ۆوكال, بي جانە اسپاپتا ويناۋ سىندى جانرلاردا ونەرلەرىن كورسەتتى. قاتىسۋشىلاردىڭ اراسىندا كاسىپقوي ونەر يەلەرى جانە اۋەسقويلار دا بار.
– فەستيۆال كەزىندە كوپتەگەن قىزىقتى جايتتاردىڭ كۋاسى بولدىق, – دەدى تاتارستاننان كەلگەن قاتىسۋشى چۋلپان احمەديانوۆا, وسىندا ءبىزدىڭ تاتارلاردىڭ اراسىندا ديالەكت سوزدەر بار ەكەنىن اڭعاردىق. اسىرەسە, شاراعا بالالاردىڭ كوپ قاتىسۋى ءبىزدى قۋانتادى. ياعني, ولاردىڭ وسىنداي فەستيۆالدەر ارقىلى اعا ۇرپاقتان ۇيرەنەرى كوپ.
ايتا كەتەرلىگى, تاتار ونەرىنىڭ فەستيۆالى قازاقستاندا تەك سەمەيدە عانا ۇيىمداستىرىلادى. ونەر بايگەسىن وتكىزۋدە بەلسەندىلىك تانىتقان ۇيىمداستىرۋشىلار مەن قاتىسۋشىلار تاتارستان رەسپۋبليكاسى مادەنيەت ءمينيسترى مەن دۇنيەجۇزىلىك تاتار كونگرەسىنىڭ العىسحات, ديپلومدارىمەن ماراپاتتالىپ, ەستەلىك سىيلىقتارعا يە بولدى. «كوزگە يرتىش موڭنارى» دەگەن ءسوز «كۇزگى ەرتىس اۋەندەرى» دەگەن ماعىنانى بەرەدى ەكەن.
راۋشان نۇعمانبەكوۆا