قاراعاندى وبلىسىنىڭ اباي اۋدانىندا بۇرىنعى «گۇلدەر» شيپاجايىنىڭ 2 قاباتتى عيماراتى جوندەۋدەن وتكىزىلىپ, بالاباقشا رەتىندە قايتا اشىلدى.
بيۋدجەتتەن بولىنگەن 45,5 ملن تەڭگە جوندەۋ جۇمىستارى مەن جاڭا جيھازدار ساتىپ الۋعا جۇمسالدى. «بولاشاق الەمى» دەپ اتالاتىن بۇل نىسان 75 بالاعا شاقتالىپ جاسالعان. مۇندا بۇلدىرشىندەر ءبىلىم بەرۋ سالاسىنداعى تىڭ وزگەرىستەر بويىنشا ءۇش تىلدە ءبىلىم الادى.
سونىمەن قاتار, اۋداننىڭ جارتاس اۋىلىندا دارىگەرلىك امبۋلاتوريا اشىلدى. جاڭا عيمارات «جۇمىسپەن قامتۋدىڭ جول كارتاسى» باعدارلاماسىنىڭ اياسىندا تۇرعىزىلعان. جوبالىق قۇنى 117 ملن تەڭگەنى قۇرايتىن بۇل امبۋلاتوريادا ءبىر اۋىسىمدا 20 ادام جاتادى دەپ جوسپارلانعان. مەديتسينالىق مەكەمەدە بالالار بولمەسى, اكۋشەرلىك-گينەكولوگيالىق, ەمدەۋ-ساۋىقتىرۋ بولىمدەرى جۇمىس ىستەيتىن بولادى.
قايرات ءابىلدينوۆ, "ەگەمەن قازاقستان".
قاراعاندى وبلىسى