تۇعىرلى بولسىن تەڭگەمىز

ءبىزدىڭ شەگەندەلگەن شەكارامىز, بابالارىمىزدان ميراس بولىپ قال­عان بايتاق دالامىز, دارحان قازاق­تىڭ ماڭدايىنا قۇداي بەرە سالعان پرە­زيدەنتىمىز بار. ەل تاۋەل­سىز­دىگى­نىڭ جيىرما بەس جىلدىعى ءوز ال­دىنا, قازاقستان جۇرتشىلىعى ءۇشىن ۇلكەن قۋانىش, ايرىقشا مەرە­كە. جەر بەتىندە ءتول رامىزدەرى, ءتول تەڭ­گەسى جوق قانشاما حالىق بار دەسەڭشى. ءتورت ۇلدىڭ اناسى, التى نەمە­رەنىڭ اجەسى رەتىندە ايتپاعىم مىناۋ ەدى, قاراشا ايىنىڭ ەكىنشى اپتاسىندا تەلەديداردان جاڭا بانكنوتتىڭ شىققانىن كوردىك. وتباسىمىزبەن قۋانعانىمىزدى نەسىن جاسىرايىن. سول مەزەتتە ەگەمەن­دىگىمىزدىڭ العاشقى جىل­دارى ويىما ورالدى. 1993 جىلدىڭ 13 قاراشاسىندا قولدانىسقا ەن­گىزىلگەن ءبىر تەڭگە ەسىمە ءتۇستى. وندا ءوزىمىزدىڭ وتىراردان شىققان الەمنىڭ ەكىنشى ۇستازى ءال-فارابي بابامىز بەينەلەنگەن ەدى. ءتول ۆاليۋتامىزدى قولىمىزعا ۇستاپ, شات-شادىمان كۇي كەشكەنىمىز قالاي ەستەن شىقسىن؟! مىنە, سول وقيعادان بەرى دە جيىرما ءۇش جىل سىرعىپ وتە شىقتى. بۇگىن ءبىز ەلباسى نۇرسۇلتان نازارباەۆ­تىڭ بەينەسى ەنگىزىلگەن بانك­نوتتى كورىپ وتىر­مىز. مۇنى دا دەربەس ەلدىڭ تاريحىن­داعى ەرەكشە وقيعا دەر ەدىم. اقش-تىڭ تۇڭعىش پرەزيدەنتى ۆاشينگ­تون­­نىڭ دا بەينەسى ولاردىڭ دول­لارىنان كورىنىس تاپقان. ال ءبىزدىڭ كوشباسشىمىزدىڭ بەينەسى – ءتول تەڭگەمىزدە. جانە مۇنىڭ تۇپ-تۋرا 1 جەلتوقسان – تۇڭعىش پرە­زيدەنت كۇنىندە قولدانىسقا ەن­گىزىلۋى – نۇر ۇستىنە نۇر جاۋعانى دا! مەن جالاقىمدى العاندا تاريحي ماڭىزى زور بۇل بانك­نوتتى ءوز نەمەرەلەرىم مەن وقۋ­شى­لارىما مىندەتتى تۇردە كور­سەتەمىن. جاڭا تەڭگەنىڭ ءمانى مەن ماڭىزى جايىندا ءتۇسىندىرىپ ايتاتىن بولامىن. راس, ءبىزدىڭ مەملەكەت باسشىسىنىڭ تاۋەل­سىزدىك جىلدارىنداعى ەڭبە­گىن, حالىقتىڭ ورلەۋىنە, وركەن­دەۋىنە قوسقان ۇلەسىن, ۇلتتار دوس­تاس­تىعىن نىعايتۋعا سىڭىرگەن ەرىك-جىگەرىن, ماڭداي تەرىن, قانداي شەشەن بولساق تا, جەتكىزۋ قيىن. سوندىقتان دا ون جەتى ميلليون حالىقتىڭ وعان دەگەن قۇرمەتى مەن ىزەتى بولەك. سوندىقتان دا انالىق پەيىلمەن ءتول تەڭگەمىزدىڭ تۇعىرلى بولۋىن تىلەيمىن. وزيپا مولبوسىنوۆا, شىمكەنت قالاسى №97 ورتا مەكتەبى قازاق ءتىلى جانە  ادەبيەتى ءپانىنىڭ مۇعالىمى