ينۆەستيتسيالار جانە دامۋ ءمينيسترى جەڭىس قاسىمبەكتىڭ مالىمدەۋىنشە, الداعى جىلدان باستاپ ەلىمىزگە 55 ەلدىڭ ازاماتى ۆيزاسىز كەلىپ-كەتە الادى.
«وتكەن جىلى ءبىز ەلىمىزدىڭ 19 ستراتەگيالىق ءارى ينۆەستيتسيالىق ارىپتەسى ءۇشىن ۆيزاسىز رەجىم ەنگىزدىك. بۇل مەملەكەتتەردىڭ ازاماتتارى ەكى اپتا رۇقساتسىز جۇرۋگە مۇمكىندىك الدى. ەندى كەلەسى جىلى قاڭتاردىڭ 1-نەن باستاپ وسى ساناتتاعى مەملەكەتتەردىڭ سانى 55-كە دەيىن ارتادى. ۆيزاسىز رەجىم ءبىر جاقتى سيپاتتا ەنگىزىلەدى. ال ونداي رۇقساتتىڭ مەرزىمى 30 كۇنگە دەيىن بارادى», – دەدى ج.قاسىمبەك.
ءمينيستردىڭ سوزىنە قاراعاندا, وسى جانە باسقا دا شارالاردىڭ ارقاسىندا قازاقستان ەكونوميكاسىنا 230 ملرد دوللار كولەمىندە شەتەلدىك ينۆەستيتسيا تارتىلدى.