استانادا قازاقستاننىڭ اربيتراج پالاتاسى قۇرىلدى. پالاتانىڭ العاشقى قۇرىلتاي سەزى ادىلەت مينيسترلىگىندە ءوتتى.
«جاڭا قوعامدىق ۇيىم ەلىمىزدەگى اربيترلەردى ۇزدىكسىز قىزمەت ەتەتىن ۇيىمعا بىرىكتىرىپ وتىر. بۇل كوممەرتسيالىق ەمەس ۇيىم بىزدە العاش رەت قۇرىلدى. سونىمەن قاتار, xالىقارالىق اربيتراج ۇيىمدارىمەن بايلانىستى تەرەڭدەتۋگە ىقپال جاسايدى. اربيتراج پالاتاسىنىڭ قۇرىلۋى ەلدەگى وتاندىق اربيتراجدىڭ دامۋىن جاڭا دەڭگەيگە كوتەرەدى», – دەدى ادىلەت ۆيتسە-ءمينيسترى زاۋرەش بايمولدينا.
قازاقستاننىڭ اربيتراج پالاتاسى xالىق اراسىندا اقپاراتتىق-ءتۇسىندىرۋ جۇمىستاردى جۇرگىزىپ, زاڭ شىعارۋ پروتسەسىنە جانە پالاتا مۇشەلەرىنىڭ كاسىبي بىلىكتىلىگىن ارتتىرۋعا سەپتىگىن تيگىزەدى. ازاماتتار داۋلاردى اربيتراج ارقىلى شەشۋدىڭ جولدارىن بىلەتىن بولادى. بۇل ءوز كەزەگىندە سۋديالارعا تۇسەتىن سالماقتى ازايتپاق.
پالاتانىڭ قۇرىلۋى وتاندىق اربيتراج ينستيتۋتىن جاڭا دەڭگەيگە كوتەرەدى دەپ كۇتىلۋدە. 2016 جىلدىڭ 30 قاراشاسى قازاقستان اربيتراج پالاتاسىنىڭ قۇرىلعان كۇنى رەتىندە قالادى.