2017 جىلدىڭ 1 قىركۇيەگىنەن باستاپ قازاقستاندا جوعارى تەحنولوگيالىق جاڭا بيرجا جۇمىس ىستەيتىن بولادى. بۇل تۋرالى بۇگىن «استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆ حابارلادى.
«2017 جىلدىڭ 1 قىركۇيەگىنەن باستاپ, قازاقستاندا جوعارى تەحنولوگيالىق جاڭا بيرجا جۇمىس ىستەيتىن بولادى. Astana Innovation جانە اقپارات مينيسترلىگىمەن بىرگە ونىڭ بەلگىلى ءبىر پلاتفورمالارىن جاڭا بلوكچەين شەشىمدەردىڭ نەگىزىندە جاساۋىمىز ىقتيمال. تاعى ءبىر ماڭىزدى ىستەردىڭ ءبىرى - اتالمىش بيرجادا «سامۇرىق-قازىنا» كومپانياسىن جەكەشەلەندىرۋ وتەدى. بۇل كومپانيا - قازاقستاننىڭ ءجىو-ءنىڭ 40 پايىزى. كەلەسى جىلى وندا تاۋەلسىز قارجى سوتى, جاڭا اربيتراج ورتالىعى اشىلادى. ولار بۇكىل پوستكەڭەستىك مەملەكەتتەردىڭ سوت جۇيەلەرىنىڭ ورتاق ورتالىعىنا اينالۋى مۇمكىن, سەبەبى بۇندا العاش رەت ءبىزدىڭ ايماقتا اعىلشىن قۇقىعى پرينتسيپتەرى قولدانىلاتىن بولادى. وسىنىڭ بارلىعى تولىق 2018 جىلدىڭ 1 قاڭتارىنان باستاپ جۇزەگە اسادى», - دەدى كەلىمبەتوۆ ASTEX Astana Smart City 2016 فورۋمىندا.
سونىمەن قاتار, ونىڭ ايتۋىنشا, 2017 جىلدىڭ 1 شىلدەسىنەن باستاپ, حالىقارالىق قارجى ورتالىعىنىڭ قاتىسۋشىلارىن تىركەۋ باستالادى.
«پرەزيدەنتتىڭ تاپسىرماسىمەن 2017 جىلى استانادا وتەتىن ەكسپو كورمەسىنىڭ بازاسىندا حالىقارالىق قارجى ورتالىعىن قۇرۋ تۋرالى تاپسىرماسى بار. 2017 جىلدىڭ 1 شىلدەسىنەن باستاپ, قارجى ورتالىعىنا قاتىساتىن كومپانيالاردى تىركەۋدى باستاماقپىز. ولار بۇرىن-سوڭدى بولماعان جەڭىلدىكتەر الادى, بۇل - ۆيزالىق جانە ەڭبەك رەجىمدەرىنىڭ جەڭىلدەتىلگەن ءتۇرى. ەگەر ولار بەيىندى قىزمەت تۇرلەرىمەن - كاپيتالدار نارىعى, اكتيۆتەرمەن باسقارۋ, يسلامدىق قارجىلاندىرۋ, جاڭا قارجىلىق تەحنولوگيالارمەن اينالىساتىن بولسا, 50 جىلعا سالىقتان بوساتۋ سىندى جەڭىلدىكتەر قاراستىرىلعان», - دەپ اتاپ ءوتتى ول.
ايتا كەتۋ كەرەك, استاناداعى اتالمىش فورۋمعا اقش, ەۋروپا, تمد ەلدەرىنەن 300-دەن استام مەيمان كەلىپ وتىر.