«قازاقستان بارىسى» قازاق كۇرەسىن دامىتۋ قورى الماتى قالاسىنىڭ اكىمدىگىنىڭ قولداۋىمەن قازاقستان تاۋەلسىزدىگىنىڭ 25 جىلدىعى اياسىندا قازاق كۇرەسىنەن وتكىزەتىن «ەۋرازيا بارىسى» حالىقارالىق تۋرنيرىنە قاتىساتىن بالۋانداردىڭ جاسى مىندەتتى تۇردە 18-دەن اسقان جانە ءوزى كەلگەن ەلدىڭ ازاماتى بولۋى شارت. سونىمەن قاتار, ولار مىندەتتى تۇردە مەديتسينالىق تەكسەرۋدەن, سالماق ولشەۋدەن, دوپينگ-تەستتەن جانە دايىندىق جاتتىعۋدان وتەدى.
جىلدىڭ ەڭ ايتۋلى دوداسىندا ەۋرازيا قۇرلىعىنان 8 مەملەكەتتىڭ سپورتشىلارى كۇش سىناسادى. اتاپ ايتقاندا, قازاقستان, گرۋزيا, موڭعوليا, پولشا, رەسەي, تاجىكستان, ۋكراينا, وزبەكستان بالۋاندارى قاتىسادى.
تۋرنيرگە قاتىسۋشىلار اراسىندا جۇلدىز بالۋاندار دا بار. ماسەلەن, گرۋزيا قۇراماسى اتىنان سامبودان ءتورت مارتە چەمپيون ۆ.چيدراشۆيلي, ەۋروپانىڭ ەكى دۇركىن چەمپيونى د.لاريوشۆيلي, الەم مەن ەۋروپا چەمپيوناتتارىنىڭ جەڭىمپازدارى شىعادى. موڭعوليانىڭ نامىسىن سامبو بويىنشا الەم چەمپيونى ا.باياراا, دزيۋدودان الەمدىك گران-پريلەر جەڭىمپازى ح.گانبولد, سونداي-اق «ەۋرازيا بارىسى» ءتۋرنيرىنىڭ 2014 جىلعى جەڭىمپازدارى قورعايدى. ءار كوماندا 1 تورەشى, 1 باپكەر جانە 8 سالماق دارەجەسىندە شىعاتىن (55 كەلى, 60 كەلى, 66 كەلى, 74 كەلى, 82 كەلى, 90 كەلى, 100 كەلى جانە 100 كەلىدەن جوعارى) 8 بالۋاننان تۇرادى.
«ەۋرازيا بارىسىندا» قازاقستان نامىسىن قورعايتىن بالۋاندار قۇرامى كەلەسىدەي:
55 كگ. مارات نىعماتۇللاەۆ (17.12.1995 ج.ت.) – قازاق كۇرەسىنەن ەكى دۇركىن قازاقستان چەمپيونى (2014-2015 ج), سامبودان قازاقستان چەمپيونى, سامبودان الەم چەمپيوناتىنىڭ كۇمىس جۇلدەگەرى (افينا, گرەكيا 2013 ج), دزيۋدودان جاستار اراسىندا ازيا كۋبوگىنىڭ قولا جۇلدەگەرى (قاراعاندى), «ەۋرازيا بارىسى» حالىقارالىق ءتۋرنيرىنىڭ جەڭىمپازى (2015 ج). قازاق كۇرەسى جانە سامبودان سپورت شەبەرى.
60 كگ. ەرجان ماعاۋينوۆ (24.11.1990 ج.ت.) – قازاق كۇرەسىنەن قر كۋبوگىندا ءۇشىنشى ورىن (2009 ج. تالدىقورعان), قازاقستان چەمپيوناتىنىڭ قولا جۇلدەگەرى (2011 ج. قاراعاندى), قازاقستان كۋبوگىنىڭ قولا جۇلدەگەرى (2011 ج. شىمكەنت), دزيۋدودان چەگەەۆ اتىنداعى ءتۋرنيردىڭ جەڭىمپازى (2013 ج. وسكەمەن), دزيۋدودان پاۆلوداردا وتكەن تۋرنيردىڭ قولا جۇلدەگەرى (2014 ج), قر كۋبوگىنىڭ جەڭىمپازى (سەمەي 2014 ج), قر كۋبوگىندا ءبىرىنشى ورىن (اتىراۋ ق. 2015 ج), قازاقستان چەمپيوناتىندا ءۇشىنشى ورىن (2013 ج), ەكىنشى ورىن (قاراعاندى 2016 ج). دزيۋدو جانە قازاق كۇرەسىنەن سپورت شەبەرى.
66 كگ. باقداۋلەت ءسابيتوۆ (06.04.1992 ج.ت.) – سامبودان قازاقستان چەمپيونى (قاراعاندى), سامبودان ازيا چەمپيونى (تاشكەنت, 2010 ج), دزيۋدودان قازاقستان چەمپيونى (2011 ج), دزيۋدودان ستۋدەنتتەر اراسىندا قازاقستان چەمپيونى (2011 ج. الماتى), قازاق كۇرەسىنەن ازيا چەمپيونى (التاي, قحر 2015 ج), دزيۋدودان ەۋروپا كۋبوگىندا ءبىرىنشى ورىن (گەرمانيا برەمەن ق. 2011 ج), دزيۋدودان گران-پري ءتۋرنيرىنىڭ قولا جۇلدەگەرى (الماتى 2013 ج), قازاق كۇرەسىنەن قازاقستان چەمپيوناتىنىڭ ەكى دۇركىن كۇمىس جۇلدەگەرى (2015-2016 جج. اياگوز جانە قاراعاندى). قازاق كۇرەسىنەن حالىقارالىق دارەجەدەگى سپورت شەبەرى, دزيۋدودان سپورت شەبەرى.
74 كگ. Aيدوس عالىموۆ – سامبودان ازيا چەمپيونى (2011 ج. تاشكەنت), سامبودان ءۇشىنشى ورىن (2011 ج. بولگاريا), دزيۋدودان جاستار اراسىندا ازيا چەمپيوناتىنىڭ قولا جۇلدەگەرى (2013 ج. حاينان, قىتاي), قازاق كۇرەسىنەن ازيا چەمپيوناتىنىڭ قولا جۇلدەگەرى (التاي, قىتاي 2015 ج), قازاق كۇرەسىنەن قازاقستان چەمپيونى (2015, 2016 جج), دزيۋدودان جاستار اراسىندا قازاقستان چەمپيوناتىنىڭ جۇلدەگەرى (2013 ج), «ەۋرازيا بارىسى» حالىقارالىق ءتۋرنيرىنىڭ جەڭىمپازى (2015 ج. تاراز). دزيۋدو, سامبو جانە قازاق كۇرەسىنەن سپورت شەبەرى.
82 كگ. داۋلەت پاحريددينوۆ (20.07.1995 ج.ت.) – سامبودان قازاقستان چەمپيونى, سامبودان جاستار اراسىندا الەم چەمپيوناتىنىڭ قولا جۇلدەگەرى (2015 ج. ريگا, لاتۆيا), قازاق كۇرەسىنەن قازاقستان چەمپيونى (2015-2016 ج), بۇكىلالەمدىك كوشپەندىلەر ويىندارىندا قازاق كۇرەسىنەن ءبىرىنشى ورىن, قازاق كۇرەسىنەن الەم چەمپيونى (2016 ج. قىتاي), قازاق كۇرەسى جانە سامبودان حالىقارالىق دارەجەدەگى سپورت شەبەرى.
90 كگ. ايبول ايتبەك – (01.10.1992 ج.ت.) – سامبودان الەم چەمپيوناتىنىڭ كۇمىس جۇلدەگەرى (2010 ج. بولگاريا), دزيۋدودان ەۋروپا كۋبوگىندا ءۇشىنشى ورىن (2010 ج. چەحيا پراگا ق), دزيۋدودان قازاقستان چەمپيوناتىنىڭ كۇمىس جۇلدەگەرى (2013 ج. وسكەمەن), دزيۋدودان قازاقستان چەمپيونى (شىمكەنت 2014 ج), قازاق كۇرەسىنەن قازاقستان چەمپيوناتىنىڭ قولا جۇلدەگەرى (اياگوز 2015 ج)., قازاق كۇرەسىنەن قازاقستان چەمپيونى (قاراعاندى 2016 ج.), «قازاقستان بارىسى» ءتۋرنيرىنىڭ قولا جۇلدەگەرى (2016 ج), قازاق كۇرەسىنەن الەم چەمپيونى (قحر 2016 ج), دزيۋدودان قازاقستان چەمپيوناتىنىڭ قولا جۇلدەگەرى (قىزىلوردا 2016 ج). قازاق كۇرەسىنەن حالىقارالىق دارەجەدەگى سپورت شەبەرى, دزيۋدو جانە سامبودان سپورت شەبەرى.
100 كگ. مۇحيت تۇرسىنوۆ (22.04.1988 ج.ت.) – قازاق كۇرەسىنەن بەس دۇركىن قازاقستان چەمپيونى (2007, 2010, 2013, 2014 جانە 2016 ج), قازاق كۇرەسىنەن ازيا چەمپيونى (قىزىلوردا ق. 2009 ج), ەكى دۇركىن جانە الەم چەمپيونى (2013 مينسك, 2014 ورىنبور), قازاق كۇرەسىنەن الەم چەمپيوناتىندا ءۇشىنشى ورىن (قىتاي), كۇرەشتەن جابىق عيماراتتاعى ازيا ويىندارىنىڭ كۇمىس جۇلدەگەرى (حونوي, ۆەتنام), «قازاقستان بارىسى» ءتۋرنيرىنىڭ جەڭىمپازى (2014 ج), «ەۋرازيا بارىسى» حالىقارالىق ءتۋرنيرىنىڭ جەڭىمپازى, دزيۋدو جانە سامبودان سپورت شەبەرى, قازاق كۇرەسىنەن حالىقارالىق دارەجەدەگى سپورت شەبەرى.
+ 100 كگ. ايبەك نۇعىماروۆ (03.06.1987 ج.ت.) – قازاق كۇرەسىنەن ءتورت دۇركىن الەم چەمپيونى (2010 ج. استانا, 2013 ج. مينسك, بەلورۋسيا, 2014 ج. ورىنبور, رەسەي جانە 2016 ج. قىتاي), الەم كۋبوگىندا ءبىرىنشى ورىن (2011 ج. پۋنا ق. ءۇندىستان). «قازاقستان بارىسى» ءتۋرنيرىنىڭ جەڭىمپازى (2013 ج. استانا). قازاق كۇرەسىنەن حالىقارالىق دارەجەدەگى سپورت شەبەرى.
1 جەلتوقساندا «الماتى ارەنا» سپورت كەشەنىندە وتەتىن «ەۋرازيا بارىسىن» «قازاقستان» ۇلتتىق ارناسىمەن قاتار, تۇركيا مەن رەسەي ارنالارى تىكەلەي ەفيردە كورسەتەتىن بولادى. جارىس جەڭىمپازدارى 10 ملن تەڭگەگە يە بولسا, ءىى ورىن العان بالۋان 6 ملن تەڭگە, ءىىى ورىن العان بالۋان 4 ملن تەڭگەدەن يەلەنەدى.