قر ۇلتتىق ەكونوميكا مينيسترلىگى جىل سايىن كاسىپكەرلىكتى قولداۋعا 2,5 مىڭ ميكرونەسيە بولمەك. بۇل جاڭا جوبانىڭ وپەراتورى بولىپ "دامۋ" كاسىپكەرلىكتى دامىتۋ قورى" اق بەكىتىلدى. بۇل تۋرالى بۇگىن ۇكىمەت وتىرىسىندا ۇلتتىق ەكونوميكا ءمينيسترى قۋاندىق بيشىمباەۆ ايتتى.
"ميكرونەسيەلەر جاڭا كاسىپورىندار اشۋعا نەمەسە بيزنەستى دامىتۋعا 6 پايىزدىق مولشەرلەمەمەن 16 ميلليون تەڭگەگە دەيىن بەرىلەدى. ميكرونەسيە بەرۋ ەكىنشى دەڭگەيلى بانكتەر مەن ميكروقارجى ۇيىمدارى ارقىلى جۇزەگە اسىرىلاتىن بولادى", - دەدى بيشىمباەۆ.
ءمينيستردىڭ ايتۋىنشا, جۇمىسسىزدىقپەن كۇرەسىپ, ءوزىن-ءوزى قامتيىتىن ازاماتتار سانىن ارتتىرۋ ءۇشىن "بيزنەستىڭ جول كارتاسى - 2020" باعدارلاماسى بويىنشا قالالاردا وقىتۋ كوزدەلىپ وتىر. بۇل قىسقامەرزىمدى كۋرستار سەرۆيستىك قىزمەت كورسەتۋ, بيزنەس-تاجىريبە مەن كاسىپكەرلىكتىڭ قۇرىلۋى تۋرالى بولادى. ماقساتتى ينديكاتورلار بويىنشا جىل سايىن 2,5 مىڭ قارىز بەرىلىپ, ولاردىڭ 20 پايىزى ستارتاپ-جوبالارعا باعىتتالادى.
قالالارداعى ميكرونەسيەنى بەرۋگە دە "دامۋ" اق وپەراتور بولىپ بەكىتىلدى. ميكرونەسيە بەرۋگە جالپى ترانسفەرتتەن 7 ميلليارد تەڭگە, "بيزنەستىڭ جول كارتاسى - 2020" باعدارلاماسى ارقىلى رەسپۋبليكالىق بيۋدجەتەن 3 ميلليارد تەڭگە قاراستىرىلعان.