ينۆەستيتسيالار جانە دامۋ مينيسترلىگى تۋريزم يندۋسترياسى دەپارتامەنتىنىڭ ديرەكتورى مارات يعاليەۆ سانكت-پەتەربۋرگتە تمد-عا مۇشە مەملەكەتتەردىڭ پارلامەنتارالىق اسسامبلەياسىنىڭ قىرىق بەسىنشى پلەنارلىق وتىرىسىنا قاتىستى, دەپ حابارلايدى مينيسترلىكتىڭ ءباسپاسوز قىزمەتى.
اسسامبلەيا جۇمىسى اياسىندا تاۆريا سارايىندا تۋريزم سالاسى بويىنشا قازاقستان-رەسەي ىنتىماقتاستىعىن دامىتۋ ماسەلەلەرى قارالعان قازاقستان پارلامەنتى سەناتى مەن رەسەي فەدەراتسياسى فەدەرالدى جيىنى فەدەراتسيا كەڭەسى اراسىنداعى ىنتىماقتاستىق جونىندەگى كوميسسيانىڭ توعىزىنشى وتىرىسى ءوتتى. وعان ۆيتسە-سپيكەرلەر سەرگەي گروموۆ پەن ءىلياس ۋماحانوۆ توراعالىق ەتتى.
مارات يعاليەۆ قازاقستان مەن رەسەي اراسىنداعى تۋريزم سالاسىن دامىتۋدىڭ نەگىزگى ماسەلەلەرىنە توقتالدى.
«ءىجو-گە قوساتىن تۋريزم كورسەتكىشىنىڭ تومەندىگى, ىشكى ءتۋريزمنىڭ دامۋ دەڭگەيىنىڭ جەتكىلىكسىزدىگى مەن سىرتقا شىعۋ ءتۋريزمى باعىتتارىنىڭ ارتىقشىلىعى, ءتۋريزمدى دامىتۋ ەسەبىنەن جاڭا جۇمىس ورىندارىن قۇرۋ كورسەتكىشىنىڭ تومەندىگى, تۋريزم سالاسىنا ەكونوميكاداعى داعدارىستىڭ كەرى اسەر ەتۋى سياقتى ماسەلەلەر بار. مۇنداي جاعدايدا ءبىزدىڭ ەلدەر بىرلەسكەن تۋريستىك ونىمدەردى بارىنشا ۇسىنۋ كەرەك. اسىرەسە, قىتاي نارىعىنا شىعارۋدى قولعا الۋ قاجەت. سونىمەن قاتار, شەكارالىق ىنتىماقتاستىقتى دامىتۋ, سىرتقى نارىققا قازاقستان مەن رەسەيدىڭ تۋريستىك الەۋەتىن پاش ەتۋ, شەتەلدىك تۋريستەر ءۇشىن ۆيزالىق جانە تىركەلۋ ماسەلەلەرىن شەشۋ, ىشكى ءتۋريزمدى دامىتۋ سياقتى نەگىزگى جۇمىستاردى قولعا الۋ قاجەت», – دەدى م.يعاليەۆ.