بۇگىن استانادا وتكەن VII ازاماتتىق فورۋمدا ۇكىمەت باسشىسىنىڭ ورىنباسارى ي.تاسماعامبەتوۆ 2016 جىلى ۇكىمەتتىك ەمەس ۇيىمداردىڭ جوبالارىن قارجىلاندىرۋ كولەمى 23 پايىزعا ءوسىپ, 9 280,4 ملن تەڭگەنى قۇراعانىن مالىمدەدى.
ايتا كەتەيىك, مەملەكەتتىك الەۋمەتتىك تاپسىرىس مەملەكەتتىك ورگاندار مەن ۇكىمەتتىك ەمەس ۇيىمداردىڭ اراسىنداعى ىقپالداستىقتىڭ ءتيىمدى تەتىگى بولۋدا. 2016 جىلى مەملەكەتتىك الەۋمەتتىك تاپسىرىستى رەسپۋبليكالىق دەڭگەيدە 9 ورتالىق مەملەكەتتىك ورگان جاريالاعان.
ۇكىمەتتىك ەمەس ۇيىمدار قىزمەتى اياسىندا حالىقتىڭ از قامتىلعان توبىن قولداۋ, جاستار باستامالارىن دامىتۋ, سالاۋاتتى ءومىر سالتىن ناسيحاتتاۋ, قوعامدىق كەلىسىمدى نىعايتۋ جانە تاعى باسقا دا سالالاردا ناتيجەلى جۇمىستار اتقارىلعان.
جولدىباي بازار,
"ەگەمەن قازاقستان".