ۋنيۆەرسيادا الاۋىن كىمدەر الىپ جۇرەدى؟

وسى اپتادا 2017 جىلعى قىسقى ۋنيۆەرسيادانىڭ ءباسپاسوز قىزمەتى الاۋ كوتەرۋشىلەردى ىرىكتەۋدىڭ قورىتىندى كەزەڭى باستالعانىن حابارلادى. XXVIII دۇنيەجۇزىلىك قىسقى ۋنيۆەرسيادا الاۋى ەستافەتاسىنا قاتىسۋشىلاردى ىرىكتەۋ 16 جەلتوقساندا اياقتالادى. قورىتىندى كەزەڭ الاۋ كو­تەرۋشىلەر بايقاۋىنىڭ ناتيجەسى شىعارىلماي تۇرىپ, ءبىر اي بۇرىن باستالدى. ەندى كەز كەلگەن ادام جوباعا قاتىسۋ تۋرالى وتىنىمدەرىن ىرىكتەۋ تالاپتارىنا سايكەس جىبەرە الادى. الاۋ كوتەرۋشىلەر مارتەبەسىنە عىلىم, مادەنيەت جانە سپورت سالاسىندا تابىسقا جەتكەن 17-28 جاس ارالىعىنداعى ستۋدەنتتەر قول جەتكىزدى. ەندىگى جەردە ىرىكتەۋدىڭ ءۇشىن­شى كەزەڭىندە قالاعان ادام  www.torchrelay.kz سايتىندا انكەتا تولتىرىپ, الاۋ كوتەرۋشى مارتەبەسىندە الاۋ ەستافەتاسىنا قاتىسۋعا ءوتىنىم جىبەرە الادى. وسىلايشا قالعان بوس ورىنداردى تولتىرۋ جوسپارلانۋدا. بۇرىن كوزگە تۇسپەسە دە جەتىستىكتەرى بار ستۋدەنتتەردى ءدال وسى كەزەڭدە جوباعا تار­تۋعا بولادى دەپ ەسەپتەيدى ۇيىمداس­تىرۋشىلار. الاۋ ەستافەتاسى 25 قاڭ­تاردا استانا قالاسىندا باس­تالادى. ءاربىر وبلىس ور­تالى­عىندا الاۋدى العاش تۇتاتۋ سالتاناتى وتكىزىلەتىن بولادى. كەيىن 16 الاۋ كوتەرۋشى الاۋدى الماتىعا جەتكىزىپ, ۋنيۆەر­سيادانىڭ اشىلۋ سالتاناتىندا ءوز الاۋىن ءبىر جەردە بىرىكتىرەدى. بار­لىعى 1000 الاۋ كوتەرۋشى ىرىك­تەلىپ الىنباق. وبلىستىق ورتا­لىقتاردىڭ ارقايسىسىنان جانە استانا قالاسىنان – 60 ادام, ال ستۋدەنتتىك ويىندار ەلورداسى اتىنان 100 ادام  قا­تىسادى. الماتى