بۇگىن, بوكسشى قانات يسلام شىعىس قازاقستان وبلىسىنداعى نۇرلى كوش اۋىلىندا بولىپ, قانداستارمەن كەزدەستى, دەپ حابارلادى قازاقپارات.
اۋىلداعى اتقامىنەر ازاماتتاردىڭ ارنايى شاقىرۋىمەن نۇرلى كوش اۋىلىنا كەلگەن قانات يسلام, اۋىلدىق ورتا مەكتەپتە جانكۇيەرلەرمەن جۇزدەسىپ, سۇراقتارىنا جاۋاپ بەردى. قانداستار باتىر ۇلدارىنا ارناپ اق سارباس قوي سويدى, شاپان جاۋىپ, ات مىنگىزدى.
قانات يسلام ءوزى سەكىلدى بوكسشى بولۋدى ارماندايتىن جاستارعا اقىل-كەڭەسىن ايتىپ, مەكتەپ وقۋشىلارىنا ءوز قولتاڭباسى جازىلعان سپورتتىق قۇرال-جابدىقتاردى سىيعا تارتتى.
«قانات يسلامدى حالىق جاقسى كورەدى. ويتكەنى ول سپورتشى عانا ەمەس, جۇرەگى قازاق دەپ سوققان نامىسى بيىك, وتانشىل ازامات. بۇگىنگى جاس ۇرپاق قاناتقا ەلىكتەگىسى كەلەدى. اۋىلداعى قارا دومالاق بالالار وسىنداي اعالارىنان ۇلگى السىن, اڭگىمەسىن ءوز اۋزىنان ەستىسىن دەگەن نيەتپەن ارنايى شاقىردىق. ۇرپاقتارىمىز قانات يسلام سەكىلدى بىلەگىنە جۇرەگى ساي بولىپ وسسە, ارمانىمىز جوق», – دەدى كەزدەسۋدى ۇيىمداستىرۋشى داۋلەت ياقيا ۇلى.