بۇگىن قىتايدىڭ شىعىسىنداعى تسزيانسي پروۆينتسياسىنا قاراستى فەنچەن قالاسىندا توتەنشە جاعداي ورىن الدى, دەپ حابارلادى «سينحۋا».
ەلەكتر ستانتسياسىنىڭ قۇرىلىس الاڭىنداعى اپاتتان 40 ادام كوز جۇمدى. وقيعا ورنىندا 68 ادام جۇمىس ىستەپ جاتقان. قالعان جۇمىسشىلاردىڭ تاعدىرى ازىرگە بەيمالىم.
وسىعان دەيىن 22 قىزمەتكەردىڭ قازا تاۋىپ, 2 ادامنىڭ زارداپ شەككەنى حابارلانعان بولاتىن.
قازىرگى تاڭدا, وقيعا ورنىندا قۇتقارۋ جۇمىستارى جۇرگىزىلىپ جاتىر. ءۇيىندى استىندا قالعان ادامداردى ىزدەۋگە ارنايى ۇيرەتىلگەن يتتەر مەن ەكى قۇتقارۋشى-روبوت جۇمىلدىرىلدى.