اڭگىمە ارقاۋى – ءجۇن وڭدەۋ كلاستەرى

قازاق ۇلتتىق اگرارلىق ۋنيۆەرسيتەتىندە اۋىل شا­رۋا­شىلىعى سالاسىن تۇراق­تى دامىتۋدىڭ ماڭىزدى ءما­سە­لەلەرى قاشاندا كۇن ءتار­تىبىنە وتكىر قويىلىپ كەلەدى. تاياۋدا ۋنيۆەرسيتەتتەگى قا­زاق-جاپون يننوۆاتسيالىق عى­لىمي ورتالىعىندا جا­پون­داردىڭ ءبىر توپ عا­لىم­دارى بولدى. بۇل باسقوسۋعا سونىمەن قاتار تىكەلەي مال شارۋاشىلىعىمەن اينالى­سا­تىن ءوندىرىس, فەرمەرلىك, قوسالقى شارۋاشى­لىق­تار­دىڭ جەتەكشىلەرى مەن باس­شى­لارى جانە عالىمدار قا­تى­ناستى. اڭگىمە بارىسىندا ەلىمىزدە زاماناۋي ءجۇن ءوڭ­دەۋ كلاستەرىن جۇزەگە اسىرۋ جولدارى كەڭىنەن تالقى تا­رازىسىنا ءتۇستى. ۋني­ۆەرسيتەتتىڭ عىلىم جانە حالىقارالىق بايلا­نىس­تار جونىندەگى پرو­رەك­تو­رى شو­قان الپەيىسوۆ باعا­لى شي­كىزاتتىڭ قاينار كوزى بولىپ وتىرعان ءجۇننىڭ ۇش­ان-تەڭىز پايداسى جاي­لى جان-جاق­تى اڭگىمە­لە­دى. بۇ­دان كەيىن ءسوز العان قازاق-جاپون ىسكەرلىك جانە گۋما­ني­تارلىق «Pro­gress» ءبىر­­لەس­تىك اسسوتسيا­تسيا­سى باس­قار­ما­سىنىڭ توراعاسى حوريگومە كەيچي, وسى اسسوتسياتسيا باسقارماسىنىڭ ءمۇ­شە­سى كاۆادا تاداسي, «TOWA» كوم­پانياسىنىڭ پرەزيدەنتى ساتو كەيچيلەردىڭ كوتەرى­لىپ وتىر­عان ماسەلە توڭىرە­گىندە ايتقان وي-پىكىرلەرىنىڭ قۇن­دى­­لىعى نازار اۋدارار­لىقتاي. «قازاقستان رەسپۋب­لي­كا­سى پرە­زيدەنتىنىڭ «قازاق­ستان–2030» باعدارلاماسىن قول­داۋ» قوعامدىق قورىنىڭ پرە­زيدەنتى ەربولات قاسى­موۆ, «اقسەڭگىر-اگرو-متس» فەرمەرلىك شارۋاشىلىقتار بىرلەستىگى» جشس باقى­لاۋ كەڭەسىنىڭ توراعاسى, قۇ­رىل­تايشى الىمبەك ءابيى­روۆ­تەر دە ءجۇن كلاستەرىن جاساۋدىڭ ۋاقىت تالابىنا ساي كەلەتىن ءتيىمدى جاق­تارىنا باسا توقتالدى. وسى جيىندا قازاق­ستان­دا ءجۇن ونىمدەرىن ءوز مانىندە پايدالانۋدىڭ قۇلدىراپ كەت­كەندىگى كەڭىنەن ءسوز بول­دى. ال قازاق-جاپون اراسىن­دا­عى قارىم-قاتىناس پەن باي­لا­نىس اراسىنداعى ءوزارا كەلىسىم مەن مەموراندۋم ال­ما­تى, قاراعاندى, تالدى­قور­عان, شىمكەنت ايماق­تارىن­داعى ورتالىقتاردان ءجۇن وڭدەيتىن زاۋىتتار اشۋدى كوز­دەيدى. سوندا ءار زاۋىتتا كەم دەگەندە 300-گە جۋىق ادام جۇمىسپەن قامتىلماق. قانات تاكەباەۆ, ۋنيۆەرسيتەت ءباسپاسوز قىزمەتى ورتالىعىنىڭ وكىلى. الماتى.