قازاقستان رەسپۋبليكاسىنىڭ پرەزيدەنتى ن.نازارباەۆ.
استانا, اقوردا, 2011 جىلعى 7 قىركۇيەك. №150
-----------------------------------
قازاقستان رەسپۋبليكاسى پرەزيدەنتىنىڭ 2011 جىلعى 7 قىركۇيەكتەگى №150 جارلىعىمەن بەكىتىلگەن
قازاقستان رەسپۋبليكاسىنىڭ ديپلوماتتىق جانە قىزمەتتىك پاسپورتتارىن بەرۋ, ەسەپكە الۋ, ساقتاۋ جانە جويۋ
قاعيدالارى
وسى قاعيدالار «قازاقستان رەسپۋبليكاسىنىڭ ديپلوماتيالىق قىزمەتى تۋرالى» 2002 جىلعى 7 ناۋرىزداعى قازاقستان رەسپۋبليكاسى زاڭىنىڭ 6-بابىنىڭ 27-1) تارماقشاسىنا سايكەس ازىرلەندى.1. جالپى ەرەجەلەر
1. قازاقستان رەسپۋبليكاسىنىڭ ديپلوماتتىق پاسپورتى شەتەلدە قازاقستان رەسپۋبليكاسى ازاماتىنىڭ جەكە باسىن كۋالاندىراتىن قۇجات بولىپ تابىلادى, 1961 جىلعى ديپلوماتتىق قاتىناستار تۋرالى ۆەنا كونۆەنتسياسىنا ءجانە قازاقستان رەسپۋبليكاسىنىڭ باسقا دا حالىقارالىق شارتتارىنا سايكەس ونىڭ ديپلوماتيالىق يممۋنيتەتى بولادى. 2. قازاقستان رەسپۋبليكاسىنىڭ قىزمەتتىك پاسپورتى قازاقستان رەسپۋبليكاسىنىڭ ازاماتى وزىنە جۇكتەلگەن قىزمەتتىك مىندەتتەردى اتقارۋ ءۇشىن قازاقستان رەسپۋبليكاسىنان تىس جەرلەرگە شىققان, كەلگەن, تۇرعان كەزدە ونىڭ جەكە باسىن, يەسىنىڭ رەسمي مارتەبەسىن كۋالاندىراتىن قۇجات بولىپ تابىلادى. 3. ديپلوماتتىق نەمەسە قىزمەتتىك پاسپورتتى (بۇدان ءارى – پاسپورت) شەتەلگە جەكە ساپارلار ءۇشىن پايدالانۋعا تىيىم سالىنادى. 4. پاسپورت قازاقستان رەسپۋبليكاسىنىڭ مەنشىگى بولىپ تابىلادى. 5. پاسپورت قازاقستان رەسپۋبليكاسىنان الەمنىڭ بارلىق مەملەكەتتەرىنە شىعۋ ءۇشىن جارامدى بولىپ تابىلادى. 6. پاسپورتتى قازاقستان رەسپۋبليكاسىنىڭ ديپلوماتتىق نەمەسە قىزمەتتىك پاسپورتىن الۋعا قۇقىعى بار ادامداردىڭ تىزبەلەرىنە سايكەس (1 جانە 2-قوسىمشالار) قازاقستان رەسپۋبليكاسى سىرتقى ىستەر مينيسترلىگى (بۇدان ءارى – مينيسترلىك) بەرەدى. 7. ەرەكشە جاعدايلاردا قازاقستان رەسپۋبليكاسىنىڭ پرەزيدەنتىمەن كەلىسىم بويىنشا قازاقستان رەسپۋبليكاسى سىرتقى ىستەر ءمينيسترىنىڭ قازاقستان رەسپۋبليكاسىنىڭ ديپلوماتتىق پاسپورتىن الۋعا قۇقىعى بار ادامداردىڭ تىزبەسىندە كورسەتىلمەگەن ادامدارعا ديپلوماتتىق پاسپورت بەرۋگە قۇقىعى بار. 8. ۇزاق شەتەلدىك ىسساپارعا باراتىن جانە ديپلوماتتىق نەمەسە قىزمەتتىك پاسپورتى بار ادامدارمەن بىرگە جۇرەتىن جۇبايلارىنا/زايىپتارىنا, 18 جاسقا دەيىنگى بالالارعا دا تيىسىنشە ديپلوماتتىق نەمەسە قىزمەتتىك پاسپورت, سونداي-اق قىزمەتتىك پاسپورتى بار ادامدارمەن بىرگە ءجۇرەتىن, جاسى 18-دەن اسقان, تۇرمىسقا شىقپاعان قىزدارعا دا قىزمەتتىك پاسپورت بەرىلەدى. 9. پاسپورت بەس جىل مەرزىمگە بەرىلەدى. ديپلوماتيالىق قىزمەتتىڭ قازاقستان رەسپۋبليكاسىنىڭ ءتوتەنشە جانە وكىلەتتى ەلشىسى ديپلوماتتىق دارەجەسى بار قىزمەتكەرلەرىنىڭ جانە ولاردىڭ جۇبايلارىنىڭ/زايىپتارىنىڭ قازاقستان رەسپۋبليكاسىنىڭ ديپلوماتتىق پاسپورتىن ءومىر بويى پايدالانۋعا قۇقىعى بار. 10. پاسپورتتاردىڭ بلانكىلەرى مينيسترلىكتىڭ ءوتىنىمى بويىنشا جاسالاتىن قاتاڭ ەسەپتەگى قۇجاتتار بولىپ تابىلادى. 11. پاسپورتتاردى بەرۋدى, ەسەپكە الۋدى, ساقتاۋدى جانە جويۋدى مينيسترلىك جۇزەگە اسىرادى.2. نەگىزگى ۇعىمدار
12. وسى قاعيدالاردا مىنانداي ۇعىمدار پايدالانىلادى: 1) ۋاكىلەتتى ادام – وسى قاعيدالاردا كوزدەلگەن ءىس-قيمىلدى جاساۋعا ىسساپارعا جىبەرۋشى ورگان ۋاكىلەتتىك بەرگەن, وسى ورگاننىڭ قىزمەتكەرى. ۋاكىلەتتى ادام تۋرالى اقپارات ىسساپارعا جىبەرۋشى ورگان باسشىسىنىڭ نەمەسە مينيسترلىكتە ونى الماستىراتىن ادامنىڭ قولى قويىلىپ, جازباشا تۇردە الدىن الا جىبەرىلەدى; 2) ىسساپارعا جىبەرۋشى ورگان – قازاقستان رەسپۋبليكاسىنىڭ مەملەكەتتىك ورگانى نەمەسە ۇيىم; 3) جاۋاپتى قىزمەتكەر – قازاقستان رەسپۋبليكاسىنىڭ سىرتقى ىستەر مينيسترلىگى كونسۋلدىق قىزمەت دەپارتامەنتىنىڭ وسى قاعيدالاردا كوزدەلگەن ءىس-قيمىلدى جۇزەگە اسىراتىن قىزمەتكەرى; 4) ءوتىنىم حات – ىسساپارعا جىبەرۋشى ورگان باسشىلىعىنىڭ نەمەسە ءىسساپارعا جىبەرۋشى ورگاننىڭ قۇرىلىمدىق بولىمشەسى باسشىسىنىڭ قولى قويىلعان فيرمالىق بلانكىدەگى ىسساپارعا جىبەرۋشى ورگاننىڭ حاتى; 5) لاۋازىمدى ادامداردىڭ تىزبەلەرى – قازاقستان رەسپۋبليكاسىنىڭ ديپلوماتتىق نەمەسە قىزمەتتىك پاسپورتىن الۋعا قۇقىعى بار ادامداردىڭ تىزبەلەرى; 6) يەسى – قازاقستان رەسپۋبليكاسىنىڭ ديپلوماتتىق نەمەسە قىزمەتتىك پاسپورتى رەسىمدەلگەن ادام.3. قازاقستان رەسپۋبليكاسىنىڭ ديپلوماتتىق جانە قىزمەتتىك پاسپورتتارىن بەرۋ, ەسەپكە الۋ, ساقتاۋ جانە جويۋ
13. پاسپورتتى رەسىمدەۋ ءۇشىن ىسساپارعا جىبەرۋشى ورگان ۋاكىلەتتى ادام ارقىلى مينيسترلىككە مىناداي قۇجاتتار پاكەتىن: 1) ءوتىنىم حات (3-قوسىمشا); 2) ىسساپارعا جىبەرۋشى ورگاننىڭ كادر ءبولىمى كۋالاندىرعان ءىسساپارعا جىبەرۋ تۋرالى بۇيرىقتىڭ نەمەسە وزگە قۇجاتتىڭ كوشىرمەسىن; 3) پاسپورت بەرۋگە تولتىرىلعان ءوتىنىش (بۇدان ءارى – ءوتىنىش); 4) 3,5ح4,5 مولشەرىندەگى ءتۇرلى-ءتۇستى ەكى فوتوسۋرەت; 5) جەكە كۋالىكتىڭ كوشىرمەسىن بەرەدى. 14. قۇجاتتاردى قابىلداعان كەزدە جاۋاپتى قىزمەتكەر وتىنىشتە كورسەتىلگەن دەرەكتەردىڭ جەكە باسىن كۋالاندىراتىن قۇجاتتاردىڭ دەرەكتەرىمەن سايكەستىگى تۇرعىسىنان سالىستىرىپ تەكسەرۋ جۇرگىزەدى. 15. باسقا ديپلوماتتىق نەمەسە قىزمەتتىك پاسپورتى بولعان جاعدايدا, ديپلوماتتىق نەمەسە قىزمەتتىك پاسپورتتى رەسىمدەۋگە مىناداي: 1) باسقا شەت مەملەكەتكە كىرۋ ءۇشىن كەدەرگى بولۋى مۇمكىن شەتەل ۆيزاسى بولعان; 2) قىسقا مەرزىمدە بىرنەشە مەملەكەتتىڭ ۆيزالارىن الۋ قاجەت بولعان; 3) سىرتقى ىستەر ءمينيسترىنىڭ, ونىڭ ورىنباسارلارىنىڭ نەمەسە جاۋاپتى حاتشىسىنىڭ جازباشا نۇسقاۋى بولعان جاعدايلاردا رۇقسات ەتىلەدى. 16. پاسپورتتى رەسىمدەۋ مەرزىمى 5 جۇمىس كۇنىن قۇرايدى. 17. ۋاكىلەتتى ادامعا پاسپورت بەرۋ جەكە كۋالىگىن نەمەسە ۇلتتىق پاسپورتىن كورسەتكەن جاعدايدا پاسپورتتاردى بەرۋ جۋرنالىنا قولىن قويعىزىپ جۇزەگە اسىرىلادى. 18. قازاقستان رەسپۋبليكاسى سىرتقى ىستەر مينيسترلىگى كونسۋلدىق قىزمەت دەپارتامەنتىنىڭ مۇراعاتىنان پاسپورتتاردى بەرۋ ۋاكىلەتتى ادام ارقىلى ۇسىنىلعان ءوتىنىم حات پەن ىسساپارعا جىبەرۋشى ورگاننىڭ كادر ءبولىمى كۋالاندىرعان ىسساپارعا جىبەرۋ تۋرالى بۇيرىقتىڭ نەمەسە وزگە قۇجاتتىڭ كوشىرمەسى نەگىزىندە جۇزەگە اسىرىلادى. ۋاكىلەتتى ادام پاسپورتتى العاننان كەيىن ونى يەسىنە دەرەۋ بەرەدى. 19. پاسپورتتىڭ قولدانىلۋ مەرزىمىن مينيسترلىك نەمەسە قازاقستان رەسپۋبليكاسىنىڭ شەتەلدەردەگى مەكەمەلەرى مىناداي. 1) يەسى شۇعىل تۇردە شەتەلگە ىسساپارعا شىعۋ قاجەت بولعان; 2) قازاقستان رەسپۋبليكاسىنىڭ شەتەلدەگى مەكەمەسىندەگى جۇمىس مەرزىمى ۇزارتىلعان جاعدايلاردا ءبىر جىلعا دەيىنگى مەرزىمگە ءبىر مارتە ۇزارتۋى مۇمكىن. 20. ەگەر يەسى ءبىر اي مەرزىمدە قازاقستان رەسپۋبليكاسىنان تىس جەرگە تاعى دا شىقپاسا, ازاماتتار شەتەلدىك ساپاردان ورالعاننان كەيىن ون كۇن مەرزىمدە پاسپورت قازاقستان رەسپۋبليكاسى سىرتقى ىستەر مينيسترلىگى كونسۋلدىق قىزمەت دەپارتامەنتىنىڭ مۇراعاتىنا تاپسىراتىن ۋاكىلەتتى ادامعا بەرىلۋى ءتيىس. پاسپورتتى تاپسىرۋ نەگىزسىز كىدىرتىلگەن جاعدايدا, مينيسترلىك ونى جارامسىز دەپ تانۋ قۇقىعىن وزىنە قالدىرادى. تاپسىرىلعاننان كەيىن پاسپورتتى ساقتاۋ جاۋاپكەرشىلىگى مينيسترلىككە جۇكتەلەدى. ىسساپارعا جىبەرۋشى ورگان بەرىلگەن پاسپورتتاردىڭ ەسەبىن جۇرگىزەدى جانە پاسپورت يەلەرىنىڭ قىزمەتتىك قوزعالىسى (جۇمىستان بوساتىلۋى, لاۋازىمىنىڭ جوعارىلاۋى, تومەندەۋى) تۋرالى مينيسترلىككە توقسانىنا ءبىر رەت حابارلاپ وتىرادى. ەگەر يەسى ونى يەلەنۋ قۇقىعىن جوعالتقان بولسا, مينيسترلىك پاسپورتتى تالاپ ەتەدى. پاسپورت قايتارىلماعان جاعدايدا, مينيسترلىك قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتىنە پاسپورتتى جارامسىز دەپ تانۋ تۋرالى اقپارات جىبەرەدى. 21. پاسپورت شەتەلدە جوعالعان, ۇرلانعان جاعدايدا, ونىڭ يەسى بۇل تۋرالى بولۋ مەملەكەتىنىڭ قۇقىق قورعاۋ ورگاندارىنا جانە قازاقستان رەسپۋبليكاسىنىڭ ەڭ تاياۋ شەتەلدەگى مەكەمەسىنە, ەگەر جوعالۋ, ۇرلانۋ قازاقستاننىڭ اۋماعىندا ورىن السا – مينيسترلىككە جانە قازاقستان رەسپۋبليكاسىنىڭ ىشكى ىستەر ورگاندارىنا دەرەۋ ءمالىمدەيدى. جوعالعان, ۇرلانعان پاسپورتتىڭ ورنىنا جاڭاسىن بەرۋ جوعالتۋ, ۇرلانۋ تۋرالى اقپارات تەكسەرىلگەننەن كەيىن جۇرگىزىلەدى. 22. پاسپورتتاردى ساقتاۋ قازاقستان رەسپۋبليكاسى سىرتقى ىستەر مينيسترلىگى كونسۋلدىق قىزمەت دەپارتامەنتىنىڭ مۇراعاتىندا جۇرگىزىلەدى. پاسپورتپەن بىرگە پاسپورت قولعا بەرىلگەن كەزدە مۇراعاتتا قالاتىن ەسەپكە الۋ كارتوچكاسى دا ساقتالادى. 23. پاسپورتتاردى جويۋ وسى قاعيدالارعا 4-قوسىمشاعا سايكەس اكت جاساۋ ارقىلى جۇزەگە اسىرىلادى.4. قورىتىندى ەرەجەلەر
24. وسى قاعيدالار بۇزىلعان جاعدايدا, ىسساپارعا جىبەرۋشى ورگانداردىڭ باسشىلارى, يەلەر جانە ۋاكىلەتتى ادامدار قازاقستان رەسپۋبليكاسىنىڭ زاڭدارىنا سايكەس جاۋاپتى بولادى.قازاقستان رەسپۋبليكاسىنىڭ ديپلوماتتىق جانە قىزمەتتىك پاسپورتتارىن بەرۋ, ەسەپكە الۋ, ساقتاۋ جانە جويۋ قاعيدالارىنا 1-قوسىمشا
قازاقستان رەسپۋبليكاسىنىڭ ديپلوماتتىق پاسپورتىن الۋعا قۇقىعى بار ادامداردىڭ تىزبەسى
1. قازاقستان رەسپۋبليكاسىنىڭ پرەزيدەنتى مەن ونىڭ وتباسى مۇشەلەرى. 2. قازاقستان رەسپۋبليكاسىنىڭ پرەمەر-ءمينيسترى. 3. قازاقستان رەسپۋبليكاسى پارلامەنتى سەناتىنىڭ توراعاسى. 4. قازاقستان رەسپۋبليكاسى پارلامەنتى ءماجىلىسىنىڭ توراعاسى. 5. قازاقستان رەسپۋبليكاسىنىڭ مەملەكەتتىك حاتشىسى. 6. قازاقستان رەسپۋبليكاسى پرەزيدەنتى اكىمشىلىگىنىڭ باسشىسى. 7. قازاقستان رەسپۋبليكاسى كونستيتۋتسيالىق كەڭەسىنىڭ توراعاسى. 8. قازاقستان رەسپۋبليكاسى جوعارعى سوتىنىڭ توراعاسى. 9. قازاقستان رەسپۋبليكاسى ۇلتتىق بانكىنىڭ توراعاسى. 10. قازاقستان رەسپۋبليكاسى ورتالىق سايلاۋ كوميسسياسىنىڭ توراعاسى. 11. قازاقستان رەسپۋبليكاسى پرەمەر-ءمينيسترىنىڭ ورىنباسارلارى. 12. قازاقستان رەسپۋبليكاسى قاۋىپسىزدىك كەڭەسىنىڭ حاتشىسى. 13. قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارلارى. 14. قازاقستان رەسپۋبليكاسى جوعارعى سوت كەڭەسىنىڭ توراعاسى. 15. قازاقستان رەسپۋبليكاسى پرەزيدەنتىنىڭ كومەكشىلەرى, قازاقستان رەسپۋبليكاسىنىڭ پرەزيدەنتى كەڭسەسىنىڭ باستىعى, قازاقستان رەسپۋبليكاسى پرەزيدەنتىنىڭ كەڭەسشىلەرى, قازاقستان رەسپۋبليكاسى پرەزيدەنتىنىڭ ارنايى وكىلدەرى, قازاقستان رەسپۋبليكاسى قاۋىپسىزدىك كەڭەسى حاتشىسىنىڭ ورىنباسارلارى. 16. قازاقستان رەسپۋبليكاسىنىڭ پرەمەر-ءمينيسترى كەڭسەسىنىڭ باسشىسى. 17. قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگانداردىڭ ءبىرىنشى باسشىلارى, ورتالىق اتقارۋشى ورگانداردىڭ ءبىرىنشى باسشىلارى. 18. قازاقستان رەسپۋبليكاسى جوعارعى سوتىنىڭ قاداعالاۋشى سوت القالارىنىڭ توراعالارى. 19. استانا جانە الماتى قالالارىنىڭ, وبلىستاردىڭ اكىمدەرى. 20. قازاقستان رەسپۋبليكاسى پارلامەنتىنىڭ دەپۋتاتتارى. 21. قازاقستان رەسپۋبليكاسىنداعى ادام قۇقىقتارى جونىندەگى ۋاكىل. 22. قازاقستان رەسپۋبليكاسى پرەزيدەنتى اكىمشىلىگىنىڭ قۇرىلىمدىق بولىمشەلەرىنىڭ باسشىلارى. 23. قازاقستان رەسپۋبليكاسى پارلامەنتىنىڭ سەناتى مەن ءماجىلىسى, قازاقستان رەسپۋبليكاسى جوعارعى سوتى اپپاراتتارىنىڭ باسشىلارى. 24. قازاقستان رەسپۋبليكاسى پرەمەر-ءمينيسترىنىڭ كەڭسەسى سىرتقى بايلانىستار جانە پروتوكول ءبولىمىنىڭ مەڭگەرۋشىسى – پرەمەر-مينيستر پروتوكولىنىڭ باستىعى. 25. قازاقستان رەسپۋبليكاسى پرەمەر-ءمينيسترىنىڭ كومەكشىسى. 26. قازاقستان رەسپۋبليكاسىنان جىبەرىلەتىن قازاقستان رەسپۋبليكاسى ديپلوماتيالىق قىزمەتىنىڭ قىزمەتكەرلەرى, ولاردىڭ وتباسى ءمۇشەلەرى (جۇبايلارى/زايىپتارى, بالالارى), حالىقارالىق ۇيىمداردىڭ قىزمەتكەرلەرى, ولاردىڭ وتباسى مۇشەلەرى (جۇبايلارى/زايىپتارى, بالالارى). 27. اسكەري اتتاشەلەر, ولاردىڭ كومەكشىلەرى مەن وتباسى مۇشەلەرى (جۇبايلارى/زايىپتارى, بالالارى). 28. قازاقستان رەسپۋبليكاسىنىڭ ەكس-پرەزيدەنتى مەن ونىڭ زايىبى.قازاقستان رەسپۋبليكاسىنىڭ ديپلوماتتىق جانە قىزمەتتىك پاسپورتتارىن بەرۋ, ەسەپكە الۋ, ساقتاۋ جانە جويۋ قاعيدالارىنا 2-قوسىمشا
قازاقستان رەسپۋبليكاسىنىڭ قىزمەتتىك پاسپورتىن الۋعا قۇقىعى بار ادامداردىڭ تىزبەسى
1. قازاقستان رەسپۋبليكاسى جوعارعى سوتىنىڭ سۋديالارى. 2. اۋداندارداعى قالالاردىڭ جانە قالالارداعى اۋدانداردىڭ, سەلولاردىڭ, سەلولىق وكرۋگتەردىڭ, كەنتتەردىڭ, اۋىلداردىڭ اكىمدەرىن قوسپاعاندا, قازاقستان رەسپۋبليكاسى پرەزيدەنتىنىڭ 1999 جىلعى 29 جەلتوقسانداعى №317 جارلىعىمەن بەكىتىلگەن مەملەكەتتىك ساياسي قىزمەتشىلەر لاۋازىمدارىنىڭ تىزىلىمىنە سايكەس ديپلوماتتىق پاسپورت الۋعا قۇقىعى جوق ساياسي مەملەكەتتىك قىزمەتشىلەر. 3. اۋداندارداعى قالالار جانە قالالارداعى اۋداندار اكىمدەرىنىڭ ورىنباسارلارىن قوسپاعاندا, قالالار مەن اۋداندار اكىمدەرىنىڭ ورىنباسارلارى. 4. ديپلوماتتىق پاسپورت الۋعا قۇقىعى بار ادامداردى قوسپاعاندا, ا جانە ۆ ساناتتارىنداعى, س-1, س-2, س-3, س-4 ساناتتارىنداعى قىزمەتتەردى اتقاراتىن مەملەكەتتىك اكىمشىلىك قىزمەتشىلەر. 5. اۋماقتىق ورگانداردىڭ قىزمەتكەرلەرىن قوسپاعاندا, قازاقستان رەسپۋبليكاسى قورعانىس مينيسترلىگىنىڭ, قازاقستان رەسپۋبليكاسى پرەزيدەنتىنىڭ كۇزەت قىزمەتىنىڭ, قازاقستان رەسپۋبليكاسى باس پروكۋراتۋراسىنىڭ, قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ, قازاقستان رەسپۋبليكاسى «سىربار» سىرتقى بارلاۋ قىزمەتىنىڭ, قازاقستان رەسپۋبليكاسى ىشكى ىستەر مينيسترلىگىنىڭ, قازاقستان رەسپۋبليكاسى توتەنشە جاعدايلار مينيسترلىگىنىڭ, قازاقستان رەسپۋبليكاسى ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ (قارجى پوليتسياسى) وفيتسەرلىك اتاعى بار قىزمەتكەرلەرى. 6. قازاقستان رەسپۋبليكاسى ديپلوماتيالىق قىزمەتىنىڭ جۇمىسكەرلەرى مەن ولاردىڭ وتباسى مۇشەلەرى (جۇبايلارى/زايىپتارى, بالالارى). 7. مەملەكەتتىك كاسىپورىنداردىڭ, ۇلتتىق دامۋ ينستيتۋتتارى, ۇلتتىق حولدينگتەر, ۇلتتىق كومپانيالار, ۇلتتىق باسقارۋشى حولدينگتەر اتقارۋشى ورگاندارىنىڭ ءبىرىنشى باسشىلارى. 8. قازاقستان رەسپۋبليكاسى رەسمي دەلەگاتسيالارىنىڭ حالىقارالىق ۇشىپ ءوتۋىن قامتاماسىز ەتۋ ءۇشىن تارتىلاتىن قازاقستاندىق اۆياكومپانيالاردىڭ ۇشقىش-تەحنيكالىق پەرسونالى. 9. وسى تىزبەنىڭ 8-تارماعىندا كورسەتىلگەن شەت مەملەكەتتەردەگى ۇيىمدار وكىلدىكتەرىنىڭ قىزمەتكەرلەرى مەن ولاردىڭ وتباسى مۇشەلەرى (جۇبايلارى/زايىپتارى, بالالارى).قازاقستان رەسپۋبليكاسىنىڭ ديپلوماتتىق جانە قىزمەتتىك پاسپورتتارىن بەرۋ, ەسەپكە الۋ, ساقتاۋ جانە جويۋ قاعيدالارىنا 3-قوسىمشا
پاسپورتتى (ديپلوماتتىق, قىزمەتتىك) رەسىمدەۋ ءۇشىن
ىسساپارعا جىبەرۋشى ورگاننىڭ بلانكىسىندە
№________________ 20___ ج. «__» ____________قازاقستان رەسپۋبليكاسى سىرتقى ىستەر مينيسترلىگى
كونسۋلدىق قىزمەت دەپارتامەنتى
......... (ەل) شىعۋ ءۇشىن پاسپورتتى (ديپلوماتتىق, قىزمەتتىك) رەسىمدەۋدى/بەرۋدى سۇرايمىز: ت.ا.ءا. – لاۋازىمى شىعۋى جىلى/كۇنى/ايىنا, ...كۇن (جىل) مەرزىمگە جوسپارلانعان باعىتى: باراتىن قالالار: ساپاردىڭ ماقساتى: شىعۋىنىڭ نەگىزى: ... (ۇيىمنىڭ اتاۋى) شاقىرۋى بويىنشا ساپاردى: ... (ۇيىمنىڭ اتاۋى) قارجىلاندىرادى قوسىمشا: 1) ىسساپارعا جىبەرۋشى ورگاننىڭ كادرلار ءبولىمى كۋالاندىرعان ىسساپارعا جىبەرۋ تۋرالى بۇيرىقتىڭ نەمەسە وزگە قۇجاتتىڭ كوشىرمەسى; 2) پاسپورت بەرۋگە تولتىرىلعان ءوتىنىش; 3) 3,5ح4,5 مولشەرىندەگى ءتۇرلى-ءتۇستى ەكى فوتوسۋرەت; 4) جەكە كۋالىكتىڭ كوشىرمەسى. ۇيىمنىڭ باسشىسى قولى ت.ا.ءا. ءموردىڭ ورنى ورىنداۋشى: ت.ا.ءا. تەلەفون:قازاقستان رەسپۋبليكاسىنىڭ ديپلوماتتىق جانە قىزمەتتىك پاسپورتتارىن بەرۋ, ەسەپكە الۋ, ساقتاۋ جانە جويۋ قاعيدالارىنا 4-قوسىمشا
ديپلوماتتىق/قىزمەتتىك پاسپورتتى جويۋ اكتىسى
«بەكىتەمىن» ___________________(كقد باسشىسى) _________________ت.ا.ءا. 20 ___ ج. «__» __________قاتاڭ ەسەپتەگى ب ۇلىنگەن بلانكىلەردى جويۋ تۋرالى
اكت
ءبىز, تومەندە قول قويۋشىلار 1. ___________________, (لاۋازىمى) ت.ا.ءا. 2. ___________________, (لاۋازىمى) ت.ا.ءا. 3. ___________________ (لاۋازىمى) ت.ا.ءا. №____________ پاسپورتتاردىڭ بلانكىلەرىن جويدىق دەپ, وسى اكتىنى جاسادىق. قوسىمشا: جويىلعان پاسپورتتار بلانكىلەرىنىڭ كوشىرمەلەرى. ____________ قولى, ت.ا.ءا. ____________ قولى, ت.ا.ءا. ____________ قولى, ت.ا.ءا. ورىن.: تەگى, اتى