نورۆەگيا قايىقتار مەن كەمەلەرگە ارنالعان الەمدەگى ەڭ العاشقى تۋننەلدى سالماق, دەپ جازادى busines sinsider. ءبىر ايتا كەتەرلىگى, 1990 جىلى سالىنعان الەمدەگى ەڭ ۇزىن لەردال اۆتوكولىك تۋننەلى دە نورۆەگيادا ورنالاسقان. ەندى بۇل ەلدە كۇنىنە 70-120 كەمە وتەتىن تۋننەل سالىنباق.
BBC News-ءتىڭ حابارلاۋىنشا, مەملەكەت قايىقتار مەن كەمەلەرگە ارنالعان تۋننەلدى قالاي سالۋعا بولاتىنىن انىقتاۋ ءۇشىن تەحنيكالىق-ەكونوميكالىق زەرتتەۋلەردى 80-جىلدارى باستاعان. ال اتالعان تۋننەل جوباسىنىڭ مەنەدجەرى تەرە اندرەاسسەن نورۆەگيانىڭ كولىك مينيسترلىگىنە جوبا 2017 جىلدىڭ مامىر ايىندا ۇسىنىلاتىنىن ايتتى. ونىڭ ايتۋىنشا, جوبانى تولىعىمەن نورۆەگيا پارلامەنتى قارجىلاندىرادى. ونىڭ جالپى قۇنى 1 ملرد دوللارعا باعالانسا, ونىڭ 117 ملن اقش دوللارى زەرتتەۋ جۇمىستارىنا كەتكەن.
ەگەر جوسپار ماقۇلدانسا, قۇرىلىس 2019 جىلى باستالادى.
تومەندە جوبانىڭ سۋرەتتەرى