الماتى حالىقارالىق اۋەجايىنان بىرقاتار رەيستەردىڭ ۇشۋى كەشىكتىرىلدى, دەپ حابارلايدى «قازاقپارات» حاا اۋەجايدىڭ ءباسپاسوز قىزمەتىنە سىلتەمە جاساي وتىرىپ.
«14-15 ناۋرىز كۇنگى ساعات 08:00 جاعداي بويىنشا حالىقارالىق الماتى اۋەجايىندا «سكات» اك-نىڭ DV781 الماتى-قاراعاندى (قاراعاندى قالاسىنداعى مەتەو جاعدايعا بايلانىستى), «سكات» اك-نىڭ DV737 الماتى-پەتروپاۆل (ۇشاقتىڭ كەشىگىپ كەلۋى) جانە «ەير استانا» اك-نىڭ KC401 الماتى-كيەۆ (تەحنيكالىق سەبەپتەرگە بايلانىستى) باعىتتارى بويىنشا رەيستى ورىندايتىن ۇشاقتار كەشىگىپ جونەلتىلدى», – دەلىنگەن حابارلامادا.
ايتا كەتەيىك, اۋەجاي مالىمەتى بويىنشا بىردە ءبىر رەيستىڭ ۇشۋى توقتاتىلعان جوق. قازىرگى ۋاقىتتا حالىكارالىق الماتى اۋەجايىندا اۋە كەمەسىن قابىلداۋعا جانە ۇشىپ شىعارۋعا شەكتەۋ جوق.