ورتا سالماقتا WBA (Super), IBO, WBC جانە IBF تۇجىرىمدارى بويىنشا الەم چەمپيونى قازاقستاندىق بوكسشى گەننادي گولوۆكين (36-0, 33 كو) Boxing News جۋرنالىنىڭ مۇقاباسىنا شىقتى, - دەپ حابارلايدى Vesti.kz. جۋرنالدىڭ مۇقاباسىندا گولوۆكيننىڭ ءتورت چەمپيوندىق بەلبەۋىمەن تۇسكەن سۋرەتى بەينەلەنگەن. جۋرنالدىڭ بۇل شىعارىلىمى قازاقستاندىق بوكسشى مەن امەريكالىق دەنيەل دجەيكوبسپەن وتەتىن جەكپە-جەككە ارنالىپ, "Storm warning" ("داۋىلدى ەسكەرتۋ") دەگەن اتاۋمەن شىققان. سونىمەن قاتار شىعارىلىمدا بۇل كەزدەسۋدىڭ GGG-گە نەلىكتەن قيىنعا سوعاتىنىن جانە دجەيكوبستىڭ نەلىكتەن جەڭىمپاز اتانۋى مۇمكىن ەكەنى جازىلعان.
ءبىر ايتا كەتەرلىگى, Boxing News جۋرنالى 1909 جىلدان باستاپ شىعادى.
ەستەرىڭىزگە سالا كەتسەك, گولوۆكين - دجەيكوبس جەكپە-جەگى 18 ناۋرىزدا نيۋ-يوركتە وتەدى. جەكپە-جەكتى "قازاقستان" جانە KazSport ارنالارى كورسەتەدى. ترانسلياتسيا 19 ناۋرىز كۇنى 08:00-دە باستالادى.