كەشە قازاقستان رەسپۋبليكاسى جوعارى سوت كەڭەسىنىڭ ءتوراعاسى وڭالسىن جۇمابەكوۆتىڭ باسشىلىعىمەن قازاقستان رەسپۋبليكاسى جوعارى سوت كەڭەسىنىڭ كەزەكتى وتىرىسى ءوتتى.
كەڭەس وتىرىسىندا سوت جۇيەسى ءيميدجىن كوتەرۋ, سۋديالاردىڭ ءتاۋەلسىزدىگى جانە ەشكىمنىڭ تيىسپەۋ كەپىلدىگىن قامتاماسىز ەتۋ, پروكۋرورلاردىڭ ۇسىنىمدارىن قاراۋ بويىنشا زاڭدىلىقتى بۇزۋشىلىقتاردى جويۋ جانە سۋديالاردى تارتىپتىك جاۋاپكەرشىلىككە تارتۋ تۋرالى سۋديالاردىڭ ءتارتىپتىك-بىلىكتىلىك القالارى قىزمەتىنىڭ ماسەلەلەرى, سونداي-اق سوت جۇيەسىندەگى كادرلىق ماسەلەلەر قاراستىرىلدى.
جەكەلەپ العاندا, جەرگىلىكتى جانە ودان باسقا سوتتاردىڭ ءتوراعاسى قىزمەتىنە تاعايىنداۋعا 17 ۇمىتكەر جانە اتقارىپ جاتقان قىزمەتتەرىنەن بوساتۋعا 13 سۋديا, ونىڭ ىشىندە تەرىس سەبەپتەرمەن قىزمەتتەرىنەن بوساتۋعا ۇشەۋى مەملەكەت باسشىسىنىڭ قاراۋىنا ۇسىنىلدى. سونداي-اق, م.م.ماكسۋدوۆتىڭ وتستاۆكاداعى سۋديانىڭ مارتەبەسىنە كىر كەلتىرەتىن قىلىق جاساۋىمەن بايلانىستى ونىڭ وتستاۆكاسىن توقتاتۋ تۋرالى ۇسىنىم قابىلداندى, دەپ حابارلادى قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك-قۇقىق ءبولىمى.