ش.ايمانوۆ اتىنداعى «قازاقفيلم» كينوستۋدياسىندا مادەنيەت جانە سپورت مينيسترلىگىنىڭ تاپسىرىسى بويىنشا «بەتكەيدەگى بۇتالار كولەڭكەسىندە» اتتى جاڭا تولىقمەتراجدى كوركەم ءفيلمنىڭ ءوندىرىسى باستالدى. ءفيلمنىڭ رەجيسسەرى − «ءسىز كىمسىز, كا مىرزا؟» فيلمىمەن تانىمال قۋات احمەتوۆ. فيلمدە باستى ءرولدى كسرو جانە قازاقستاننىڭ حالىق ءارتيسى ءاسانالى ءاشىموۆ سومدايدى.
– يدەيا اۆتورى – ءاسانالى ءاشىموۆ. ول 2014 جىلى ماعان ەلدەن شالعاي تۇراتىن جالعىز باستى قارت تۋرالى فيلم ءتۇسىرۋدى ۇسىندى. ءاسانالى اعانىڭ ويى بويىنشا قاريا – دالا فيلوسوفى, ءتۇرلى عىلىمعا قىزىعاتىن ادام, – دەيدى قۋات احمەتوۆ.
ءتۇسىرىلىم جۇمىستارى ءۇستىمىزدەگى جىلدىڭ مامىر-ماۋسىم ايلارىنا جوسپارلانعان ءفيلمنىڭ ستسەناريىن قۋات احمەتوۆ پەن رەسەيلىك كينودراماتۋرگ ودەلشا اگيشەۆ تۇركى حالىقتارىنىڭ اڭىز-اڭگىمەلەرى نەگىزىندە جازعان.
– بۇل جوبانى ىسكە اسىرۋ تۋرالى ۇسىنىس ايتقالى بەرى ءتۇرلى جانرداعى تالاي ستسەناري جازىلدى. الايدا ول ستسەناريلەردە مەنىڭ كورەرمەندەرگە ايتار ويىم دۇرىس جەتكىزىلمەگەن بولاتىن. سوندىقتان دا قۋات ەكەۋمىز دراماتۋرگتى كوپ ىزدەدىك. اقىرى دراماتۋرگ تابىلىپ, بۇل ماسەلە وڭ شەشىمىن تاپتى. قازىر ءتۇسىرىلىم جۇمىستارىن اسىعا كۇتىپ وتىرمىز, – دەيدى بۇل جونىندە ءاسانالى ءاشىموۆ.
ورالحان ءداۋىت,
«ەگەمەن قازاقستان»