2016 جىلى وبلىستاعى اۋىل شارۋاشىلىعى ونىمدەرىن وندىرۋشىلەرىمەن 782,9 مىڭ توننا استىق (2015 جىلدىڭ دەڭگەيىنە 121,1%), 440,0 مىڭ توننا مايلى داقىل (135,8%), 425,7 مىڭ توننا كارتوپ (93,9%), 236,1 مىڭ توننا اشىق جانە قورعالعان توپىراقتا وسىرىلگەن كوكونىس (101,7%), 134,6 مىڭ توننا باقشا داقىلدارى (148,0%), 12,2 مىڭ توننا جەمىس-جيدەك داقىلدارى مەن ءجۇزىم (99,6%) ءوندىرىلدى, دەپ حابارلادى وبلىستىق ستاتيستيكا دەپارتامەنتى.
2016 جىلدىڭ استىعى ءۇشىن سەبىلگەن اۋىل شارۋاشىلىعى داقىلدارىنىڭ جالپى ەگىستىك القابى 2015 جىلدىڭ دەڭگەيىمەن سالىستىرعاندا 23,6 مىڭ گەكتارعا (1,9%) كەڭەيدى. مايلى داقىلدار القابىنىڭ 36,5 مىڭ گەكتارعا (9,6%), باقشا داقىلدارىنىڭ 1,6 مىڭ گەكتارعا (49,6%) كەڭەيگەنى بايقالدى. ءداندى جانە بۇرشاقتى داقىلداردىڭ القابى 7,1 مىڭ گەكتارعا (1,2%), كارتوپ – 3,0 مىڭ گەكتارعا (12,4%), اشىق توپىراقتا وسىرىلگەن كوكونىستەر – 0,5 مىڭ گەكتارعا (5,5%), مال ازىقتىق داقىلدار – 3,9 مىڭ گەكتارعا (1,4%) قىسقاردى.
كۇنباعىس (55,8%) ءوندىرۋ كولەمىنىڭ ۇلەس سالماعى بويىنشا وبلىس رەسپۋبليكادا ءبىرىنشى, كارتوپ (12,0%) – ءۇشىنشى, كوكونىس (6,5%) - ءتورتىنشى, ءداندى داقىلدار وندىرۋدە (3,9%) - التىنشى ورىن الادى.