13 اقپان كۇنى وبلىس اكىمى قىرىمبەك كوشەرباەۆتىڭ قاتىسۋىمەن قىزىلوردا قالاسى اكىمى نۇرلىبەك نالىباەۆتىڭ حالىق الدىنداعى ءداستۇرلى ەسەپتى كەزدەسۋى ءوتتى.
نۇرلىبەك نالىباەۆ كاسىپكەرلىكتى دامىتۋ مەن جاڭا جۇمىس ورىندارىنىڭ اشىلۋى, الەۋمەتتىك ماڭىزى بار نىساندار مەن مەملەكەتتىك باعدارلامالاردىڭ جۇزەگە اسىرىلۋى, قوعامدىق قاۋىپسىزدىكتى قامتاماسىز ەتۋ, سونداي-اق الەۋمەتتىك سالالاردى قولداۋ بويىنشا اتقارىلعان جۇمىستاردى باياندادى. سوڭعى 4 جىلدا وبلىس ورتالىعىنىڭ بيۋدجەتى 2 ەسەگە ارتىپ, 8 ملرد. تەڭگەدەن 16 ملرد. 618 ملن. تەڭگەگە ۇلعايدى. ونەركاسىپ كاسىپورىندارى وتكەن جىلى 480 ملرد. 53 ملن. تەڭگەنىڭ ونىمدەرىن ءوندىردى. نەگىزگى كاپيتالعا سالىنعان قارجى كولەمى 146 ملرد. تەڭگەنى قۇراپ, وبلىسقا سالىنعان بارلىق ينۆەستيتسيانىڭ 67,9 پايىزىن قۇرادى. سوڭعى 4 جىلدا قالا بويىنشا 3 ملرد. 61 ملن. تەڭگەگە, 121 كوپقاباتتى تۇرعىن ءۇي كۇردەلى جوندەۋدەن ءوتتى. وبلىستاعى قۇرىلىستىڭ 80 پايىزى قىزىلوردا قالاسىنا تيەسىلى. سونىمەن قاتار 20 مىڭعا جۋىق ادام جۇمىسپەن قامتاماسىز ەتىلدى. ناتيجەسىندە وبلىس ورتالىعىندا 11 شاعىن اۋدان بوي كوتەرىپ, 7 مىڭ تۇرعىن باسپانالى بولدى.
سونداي-اق نۇرلىبەك نالىباەۆ تۇرعىنداردىڭ ساۋالدارىنا جاۋاپ بەرىپ, قالانى دامىتۋعا بايلانىستى ۇسىنىستارىن تىڭدادى.
قىزىلوردا وبلىسىنىڭ اكىمى قىرىمبەك كوشەرباەۆ قالا اكىمدىگىنىڭ اتقارعان جۇمىستارىنا وڭ باعا بەرىپ, بولاشاقتا تۇراقتى جانە ۇزاق مەرزىمدى ەكونوميكالىق ءوسىمدى قامتاماسىز ەتۋ ءۇشىن كوپ جۇمىستار اتقارىلۋى ءتيىس ەكەندىگىن اتاپ ءوتتى.