مەكسيكالىق بوكسشى ساۋل «كانەلو» الۆارەس قازاقستاندىق گەننادي گولوۆكينمەن جەكپە-جەگى قاشان وتەتىنىن مالىمدەدى. بۇل تۋرالى vesti.kz حابارلادى.
«چاۆەسپەن ايقاسقاننان كەيىن گولوۆكينمەن جەكپە-جەككە شىعۋ جوسپارىمىزدا بار. ءبىز وعان ۇسىنىس تاستادىق. ەگەر ۇسىنىسىمىزدى قابىل السا, ايقاس بيىل وتەدى. قارسىلاستارىمىز ىلعي دا وزدەرىنە لايىقتى قاراجاتتان كوبىرەك سۇرايدى», – دەپ سۇحبات بەردى BoxingScene باسىلىمىنا.
ايتا كەتەيىك, الۆارەس پەن چاۆەس اراسىنداعى بوكس كەشى 6 مامىردا اقش-تىڭ لاس-ۆەگاس قالاسىندا وتەدى. ال گولوۆكين مەن دجەيكوبستىڭ ۇرىسى 18 ناۋرىزدا نيۋ-يوركتە Madison Square Garden ارەناسىنا ۇيىمداستىرىلعان.