سەناتتىڭ حالىقارالىق قاتىناستار, قورعانىس جانە قاۋىپسىزدىك كوميتەتىندە «1992 جىلعى 15 مامىرداعى ۇجىمدىق قاۋىپسىزدىك تۋرالى شارت ۇيىمىنا قاتىسۋشى مەملەكەتتەر اراسىنداعى اسكەري-تەحنيكالىق ىنتىماقتاستىقتىڭ نەگىزگى قاعيداتتارى تۋرالى كەلىسىمگە تولىقتىرۋلار ەنگىزۋ تۋرالى ەكىنشى حاتتامانى راتيفيكاتسيالاۋ تۋرالى» زاڭ جوباسى تالقىلاندى.
زاڭ جوباسىنا نەگىز بولعان قۇجات ۇجىمدىق قاۋىپسىزدىك تۋرالى شارت ۇيىمىنا قاتىسۋشى مەملەكەتتەر اراسىنداعى اسكەري-تەحنيكالىق ىنتىماقتاستىقتىڭ نەگىزگى قاعيداتتارى تۋرالى كەلىسىم اياسىندا ءوزارا ءىس-قيمىلدىڭ تيىمدىلىگىن ارتتىرۋعا باعىتتالعان.
حاتتامادا ۇقشۇ-عا قاتىسۋشى مەملەكەتتەر اراسىنداعى 1992 جىلعى 15 مامىرداعى اسكەري-تەحنيكالىق ىنتىماقتاستىقتىڭ نەگىزگى قاعيداتتارى تۋرالى كەلىسىم كۇشىنىڭ تەك ۇلتتىق قارۋلى كۇشتەرگە عانا ەمەس, باسقا دا اسكەرلەرگە, اسكەري قۇرىلىمدارعا, قۇقىق قورعاۋ جانە ارنايى قىزمەتتەرگە دە تارالاتىنى قاراستىرىلعان.
كەڭەيتىلگەن وتىرىستا «1992 جىلعى 15 مامىرداعى ۇجىمدىق قاۋىپسىزدىك تۋرالى شارت ۇيىمىنا قاتىسۋشى مەملەكەتتەر اراسىنداعى اسكەري-تەحنيكالىق ىنتىماقتاستىقتىڭ نەگىزگى قاعيداتتارى تۋرالى كەلىسىمنىڭ شەڭبەرىندە جەتكىزىلەتىن اسكەري ماقساتتاعى ونىمدەردىڭ نىسانالى پايدالانىلۋىن باقىلاۋدى جۇزەگە اسىرۋ ءتارتىبى تۋرالى حاتتاماعا تولىقتىرۋ ەنگىزۋ تۋرالى ەكىنشى حاتتامانى راتيفيكاتسيالاۋ تۋرالى» زاڭ جوباسى دا قارالدى.
زاڭ جوباسى ۇقشۇ-عا مۇشە مەملەكەتتەردىڭ ترانسۇلتتىق قاۋىپ-قاتەرلەرگە قارسى ءىس-قيمىل سالاسىنداعى ىنتىماقتاستىعىن نىعايتۋعا باعىتتالىپ وتىر.
ەكى زاڭ جوباسى دا پالاتانىڭ قاراۋىنا جىبەرىلدى, دەپ حابارلادى پارلامەنت سەناتىنىڭ ءباسپاسوز قىزمەتى.