بەلارۋس استاناسى مينسك قالاسىندا شورت-ترەك سپورتىنان الەم كۋبوگىنىڭ التىنشى كەزەڭىندە قازاقستاندىق شورت-ترەكشىلەر ىرىكتەۋدەن سۇرىنبەي ءوتتى, دەپ حابارلايدى قازاقپارات.
كەشە ىرىكتەۋ سايىستارى ءوتتى. العاشقى كۇنى ەرلەر مەن ايەلدەر 1000 م, 1500 م, 500 م, 1000(2) م جانە ەستافەتا سايىستارى بويىنشا باق سىنادى.
500 مەترگە قاتىسقان ءۇش سپورتشىمىز دا فينالدىق كەزەڭدەرگە جولداما الدى. ءوز توبىندا ابزال اجىعاليەۆ, دەنيس نيكيشا جانە ايدار بەكجانوۆ ۇزدىك شىعىپ, جالپى ەسەپتە كوش باستادى.
1000 مەتردە دە ءۇش بىردەي سپورتشىمىز (نۇربەرگەن جۇماعازيەۆ, ابزال اجىعاليەۆ, دەنيز نيكيشا) جۇلدەگە تالاساتىن بولادى.
وكىنىشكە وراي, 1500 مەتردە سپورتشىلارىمىز ىرىكتەۋدەن وتە المادى. بۇل سىنعا ۇلتتىق قۇراما باپكەرلەرى جاستاردى قوسۋدى ءجون ساناعان. ودان بولەك ەرلەر قۇراماسى ەستافەتادا ىرىكتەۋدەن ءساتتى ءوتتى.
قىزدارىمىز جوعارىدا اتالعان قاشىقتىقتار اراسىنان تەك 1000 مەتردە عانا جاقسى ناتيجە كورسەتە الدى. كرەستوۆا اناستاسيا مەن كيم يونگ كەلەسى كەزەڭگە ءوتتى. ەستافەتادا قۇرامامىز ءوز توبىندا ءۇشىنشى ورىن الىپ, كەلەسى كەزەڭگە شىعا المادى.
بۇعان دەيىن باس باپكەر قارسىبەكوۆ: «الماتىدا وتكەن ۋنيۆەرسيادا ويىندارىندا 1 كۇمىس جانە 3 قولا مەدالمەن شەكتەلدىك. ماقساتىمىز ءبىر التىن ەدى. وكىنىشكە قاراي, ساتتىلىك جولداس بولمادى. ەندى وسى الەم كۋبوگىندا بار كۇش-جىگەرىمىزدى جۇمساپ, التىن الۋعا تىرىسامىز», - دەگەن بولاتىن.